titleToAlt
Arbër Xhaferi është si një udhëkryq, që i bashkon rrugët shqiptare per të rindarë drejtimet e të menduarit mbi të shkuarën, të sotëmen e të ardhmen e shqiptarizmës, dhe mbase është po ashtu, i vetmi mes të shquarve të gjindjes sonë, që as nuk është lëvduar ndonjëherë aq sa e meriton, po as nuk është gjuajtur ndonjëherë me gure sig \mmk e meritori. Duket sikur të gjithë pajtohen me qënien e tìj në një pozicion si të ndërmjetëm mes të gjithëve e shumëçkaje, personazh me një status krejt unikal, i cili i ka lejuar vetes të synojë sintezën e shumëlakmuar po asnjëherëmbërritur të Shqipëriberjes, duke u marrë njëkohësisht edhe me histori, edhe me filozofi, eshe me kritikë, edhe me politikë, edhe me diplomaci, e gjithëhere duke ruajtur një distance higjenike nga të gjithë lëvruesit shqipfolës të këtyre lëmeve, ku ai ka parapëlqyer të bëjë rolin e bletes së urtë nektarëmbledhëse, pa u ndalur kurrë të bëjë grenxën e zhurmshme që pickon për t'u imponuar. Edi Rama Shkrimet dhe prononcimet e Arbenit kane pas influncë të madhe dhe shpesh kanë ngjall debate dhe polemika, te cilave ai nuk i ikte sepse besonte se shoqëria nuk mund të lëvizë dhe të zhvillohet pa konfrontime dhe konkurencë mendimesh. Por ndihej nevoja që ato të ribotohen të përmbledhura për të kuptuar më mirë terësinë, shtresimet dhe peshën e jashtëzakonshme jo vetëm politike të mendimit të tij. Shkelzen Maliqi
Çmimi: 800 Lekë
titleToAlt
Arbër Xhaferi është si një udhëkryq, që i bashkon rrugët shqiptare per të rindarë drejtimet e të menduarit mbi të shkuarën, të sotëmen e të ardhmen e shqiptarizmës, dhe mbase është po ashtu, i vetmi mes të shquarve të gjindjes sonë, që as nuk është lëvduar ndonjëherë aq sa e meriton, po as nuk është gjuajtur ndonjëherë me gure sig \mmk e meritori. Duket sikur të gjithë pajtohen me qënien e tìj në një pozicion si të ndërmjetëm mes të gjithëve e shumëçkaje, personazh me një status krejt unikal, i cili i ka lejuar vetes të synojë sintezën e shumëlakmuar po asnjëherëmbërritur të Shqipëriberjes, duke u marrë njëkohësisht edhe me histori, edhe me filozofi, eshe me kritikë, edhe me politikë, edhe me diplomaci, e gjithëhere duke ruajtur një distance higjenike nga të gjithë lëvruesit shqipfolës të këtyre lëmeve, ku ai ka parapëlqyer të bëjë rolin e bletes së urtë nektarëmbledhëse, pa u ndalur kurrë të bëjë grenxën e zhurmshme që pickon për t'u imponuar. Edi Rama Shkrimet dhe prononcimet e Arbenit kane pas influncë të madhe dhe shpesh kanë ngjall debate dhe polemika, te cilave ai nuk i ikte sepse besonte se shoqëria nuk mund të lëvizë dhe të zhvillohet pa konfrontime dhe konkurencë mendimesh. Por ndihej nevoja që ato të ribotohen të përmbledhura për të kuptuar më mirë terësinë, shtresimet dhe peshën e jashtëzakonshme jo vetëm politike të mendimit të tij. Shkelzen Maliqi
Çmimi: 800 Lekë
titleToAlt
“ Prej ultësirave me këneta të rafshinës së Durrësit u ngritën re të lagështa e të helmatisura që rrëshqasin drejt labirintit të kasolleve dhe rugicëzave të rezidencës . Kështu fryma e helmatisur e politikës europiane kishte helmatisur në mënyre të turpshme vendin dhe Princin e tij”
Çmimi: 500 Lekë
titleToAlt
I have a dream . Do të doja që Roma e Parisi të ishin krahë për krahë njëri-tjetrit. Së pari do t'i ngjitesha hekurinave marramendëse të kullës Ejfel lartuar drejt qiellit si një kullë Babeli, për ta zhveshur lakuriq ankthin e lartësive, e pastaj do të ulesha tek Fontana Trevi për të qullur fytyrën e qafën me ujin e saj të freskët, të njohur edhe si ndjellës dashurie. E çfarë tjetër më pas përveçse të sillja edhe Venedikun e Amsterdamin, mu aty buzë brigjeve të Senës, ku shtrirë në gondolë do bëja dashuri duke lundruar kanaleve të Kuartit të Dritave të Kuqe. Për të larë mëkatet do më nevojiteshin pranë edhe Stambolli e Vjena, ku do shkoja të falesha në Xhaminë Blu, e pastaj përtej rrugës edhe në katedralen e Shën Shtjefnit (Stephansdom). Së fundi te kodrina e Monmartrë do sillja Brukselin ku majë topthave të atomiumit do rrezisja edhe dy toptha të tjerë. Të nesërmen, prapë do filloja nga e para. Me këtë ritëm valsi do i sosja ditët gjer në amshim.
Çmimi: 1000 Lekë
titleToAlt
Ikonomi … ka gërshetuar në një jo vetëm këmbnguljen e studiuesit , por edhe pragmatizmin dhe kureshtjen e etshme të gazetarit. Gazeta Mapo Libri i Ilir Ikonomit … është botim me rëndësi të madhe kombëtare . Gazeta Shqip Punim i mrekullueshëm, i shkruar në mënyrë elegante . Top Chanel Autori e ndriçon këtë figurë natyrshëm pa rënë në kurthin e idolatrisë , por dhe pa cinizëm dhe dashakeqësi . Tirana Observer
Çmimi: 1200 Lekë
titleToAlt
Një libër me zgjuarsi të pazakont. Jemi në fillimin e një vale të re terrorizmi. Burimi i saj është kriza në Siri dhe Irak. Atje, Shteti Islam, ka realizuar një utopi totalitare, e cila, njëkohësisht, shërben si bazë trainimi dhe operacionesh. Nga Europa , vullnetarisht, janë përfshirë me mijëra në konflikt. Ndër ata bëjne pjesë “ujqërit e vetmuar’’ dhe mbetje të al-Qaida. Ata kërcënojnë me goditje. Akoma më keq: Ata luftojnë me të gjitha mjetet e mundshme kundër modelit të shoqërisë europiane-bashkëjetesës paqësoqe midis njerëzve me kombësi dhe besime të ndryshme. Tani, me librin “Xhihadistët e rinj” falë punës studimore shumëvjecare të autorit, Peter Neumann, i njohur botrisht si kryeekspert i terrorizmit botrorë, ne e kemi më të qartë se kurre imazhin mbi terrorizmin dhe terrorin. Ai shpjegon qartë gjëndjen e sotshme të terrorizimit dhe tregon rugët, mjetet dhe mënyrat se, si mund ta shmangim rrezikun terrorist dhe si mund ta perballojmë atë.
Çmimi: 1000 Lekë
titleToAlt
Përmbysjet tronditëse nisin kur evropianët - të shtyrë nga nevoja për zgjerim, etja për fitim, entuziazmi fetar apo nga varfëria - fillojnë pushtimin e botës. Qysh në mesin e shekullit XVIII elitat intelektuale evropiane nisin të ndërgjegjësohen gradualisht për këtë prirje të qartë të rrjedhës së historisë si dhe për rolin që ato vetë luajnë në të. Gjatë njëqind e pesëdhjetë vjetëve që do të pasojnë, ndryshimet nisin të përshpejtohen dhe marrin përmasa të atilla në të gjitha fushat - saqë bëhet e vështirë, për të mos thënë e pamundur për të mos i parë. Në vitin 1900, jo vetëm në Evropë por edhe në territoret ku evropianët janë vendosur, regjistrohet një shkëputje e pakthyeshme. Nis të përhapet gjerësisht një vizion i ri , progresist, i historisë. Nëse deri atëherë miti progresit ishte vënë në diskutim, tani duket se ai ka nisur t'u japë gjithnjë e më shumë kuptim ngjarjeve. Mbi të gjitha, shtysat e ardhura nga Evropa e Veriut dhe në vendet e brigjeve të Atlantikut do të nisin të ndihen kudo në botë, duke mundësuar transformimin jo vetëm të marrëdhënieve të Evropës me pjesën tjetër të botës, por edhe vetë themelin e ekzistencës së një pjese të mirë të banorëve të saj, edhe pse këta të fundit mund të ndjejnë keqardhje për të kaluarën apo t'i kundërvihen progresit. Në fund të shekullit XIX (të cilin dhe e përdorim si një pikë referimi sa të përafert aq edhe komod), ajo botë që dikur rregullohej nga kultura të veçanta dhe të dallueshme prej njëra-tjetrës, tashmë ka nisur të marrë një tjetër drejtim. Tashmë fati i saj tashmë konsiston ndjekjen dhe në përshpejtimin e transformimeve. Një njeri i indur në vitin 1800 dhe i vdekur në vitin 1870 mund të ketë pare një botë në ndryshim e sipër shumë më të shpejtë gjatë jetës së tij, sesa ajo kish ndryshuar gjatë njëmijë vjetëve që e kishin paraprirë atë. Historia kishte nisur të përshpejtohej.
Çmimi: 3000 Lekë
titleToAlt
Ajo që na ka munguar, ose edhe kur e kemi patur ka qenë në periferi të vëmendjes, ka qenë edukimi me punën, me tolerancën dhe mirëkuptimin. Pikërisht për të gjitha këto e vlerësoj shumë punën që autori Lekë Imeraj ka bërë në këtë libër. Ai na sjell me shumë detaje, me shumë zbërthime dhe shembuj gjithçka favorizon, ngurtëson dhe degradon një individ e një shoqëri. Me një pasion prej njeriu të urtë e që vlon nga dëshira për ta parë vendin të ndryshuar pozitivisht, me idealizmin e një njeriu që beson në modelin e moralit dhe mençurisë njerëzore, me bindjen se gjithkush duhet të bëjë çka në dorë për ta bërë, autori sjell një vepër që do duhej të ishte në çdo familje. Madje, do duhej të përbënte një material për çdo njeri që natyra apo puna e ka sjellë të luajë rolin e edukatorit. Pra, ky libër duhet lexuar nga prindërit, për të kuptuar fëmij ët e tyre, duhet lexuar nga mësuesit për të orientuar edukimin e nxënësve të tyre, duhet lexuar nga të rinjtë për të besuar se vetëm dija, dhe jo forca, e çon përpara mirëqenien, duhet lexuar nga studentët dhe pedagogët, veçanërisht ata të shkencave sociale. Thelbi i këtij libri është nevoja që shoqëria shqiptare ka për të kapërcyer vetveten dhe për tiu bashkëngjitur popujve të qytetëruar të botes dhe, bashkë me ta, të krijojë koracën mbrojtëse ndaj dhunës.
Çmimi: 1500 Lekë
titleToAlt
Në gjithë jetën dhe aktivitetin tim në biznes, mësimi më i madh dhe konkluzioni kryesor që kam nxjerrë është se, garantimi i lirive ekonomike e politike, veçanërisht liria e tregut dhe sipërmarrjes, aplikimi i drejtë dhe i saktë i rregullave dhe institucioneve të kapitalizmit janë rruga më e mirë dhe më e sigurt që një vend të zhvillohet shpejt duke rritur në mënyrë të qëndrueshme mirëqenien dhe cilësinë e jetës. Kapitalizmi është sistemi i konsumatorit mbret, i suksesit në treg vetëm falë cilësisë dhe standardeve të produkteve.e shërbimeve, i shpërblimit më të mirë të iniciativave dhe përpjekjeve të çdo individi të lirë, i mundësive të gjithkujt për të qenë një sipërmarrës i suksesshëm, është sistemi që na, garanton prosperitetin dhe zhvillimin ekonomiko-social të shoqërisë sonë. Libri "Mentaliteti antikapitalist" Ludwig von Mises, bën pjesë në ata libra fondamentalë e të domosdoshëm për t'u lexuar gjerësisht,- të cilët kanë forcën dhe qartësinë e mendimit dhe analizës t'u japin një përgjigje të mrekullueshme shkaqeve dhe arsyes së "qëndrimeve antikapitaliste" në shoqërinë tonë, si. dhe të ndriçojnë mendjet dhe idetë e shumë njerëzve se "kapitalizmi, i kuptuar dhe zbatuar siç duhet, është rruga më e sigurt drejt suksesit, demokracisë dhe mirëqenies për çdo popull apo vend".
Çmimi: 800 Lekë
titleToAlt
Për “Politikat Ekonomike”, instrumentet dhe efektet në zhvillimin ekonomik e social të çdo vendi është diskutuar e diskutohet shumë. Politikat ekonomike të majta, të djathta, të qendrës, liberale, socialiste, socialdemokrate etj. Ideologjia dhe pozicioni politik duket se dominon frymën dhe zgjedhjen e politikave ekonomike të çdo vendi, të zhvilluar apo në zhvillim. Cilat politika ekonomike duhet të rekomandohen? Një pikëpyetje e madhe mbetet, një dilemë e vazhdueshme shoqëron përmbajtjen e tyre: cila është më e mira, më eficiente, më ndikuese në forcimin e ekonomisë dhe rritjen e mirëqenies së një vendi? Ludwig von Mises u jep një përgjigje brilante këtyre dilemave. Ludwig von Mises tregon se në shoqërinë e sotme globale gjithçka është rezultat i ideve. Merita e çdo klase politike, qeverie apo intelektualëve të çdo vendi është lufta ndaj ideve të këqija, ndaj ideve të gabuara në politikat publike. “Duhet të zëvendësojmë idetë e gabuara me ide të drejta e progresive "... duhet të mënjanojmë teoritë dhe idetë që mbështesin e justifikojnë dhunën... duhet të kundërshtojmë logjikën fiskale të konfiskimit të pasurisë, manipulimin autoritar të çmimeve, inflacionin dhe gjithë arsenalin e të këqijave nga të cilat po vuajmë". Rruga më e suksesshme drejt progresit nuk është socializmi apo autoritarizmi etatik, por ekonomia e lirë, tregu i lirë, liria e sipërmarrjes, demokracia funksionale etj. , me një fjalë, zbatimi korrekt i ligjeve, rregullave dhe institucioneve të kapitalizmit. Gjithkush duhet të bindet se kjo është rruga e vetme dhe më e sigurt e zhvillimit ekonomik e social të çdo vendi, kjo është ideja më progresive e kohës moderne.
Çmimi: 800 Lekë
titleToAlt
Në vizionin e Oshos, Zarathustra është, si të thuash, një njeri i përparuar dhe i shquar: njeri, i cili mund të qeshë e të derdhë lot njësoj si secili prej nesh, i cili mund të përjetojë tmerrin dhe teprinë e ndjenjave, krenarinë dhe vetëmohimin, dobësinë dhe fuqinë. Ai flet me ne fare haptas, duke ia lënë plotësisht gjykimit tonë, të jemi dakord apo jo, ta mbështesim atë apo të ecim në rrugën tonë. Dhe çdo gjë që na ka mësuar ai, na e ka mësuar si mik, duke çarë përmes të gjitha hyrjeve dhe daljeve drejt rrugës së të vërtetës, duke parë me vëmendje të përqendruar çdo hap dhe kthesë. Kështu që çdo bisedë e Oshos bëhet mësim për një temë të veçantë, kurse çdo temë është një hap në thellësi të udhëtimit. Kështu lindi "Perëndia që mund të vallëzojë" - njeriu që bëhet Perëndi, njeriu që guxoi të hiqte të gjitha prangat e virtyteve të rreme e të vlerave, i cili merr guximin të vallëzojë në pafajësinë tokësore dhe nga gëzimi i tepërt, duke kënduar "të shenjtën" po të vetë jetës.
Çmimi: 1000 Lekë
titleToAlt
Televizioni është media e figurës, pra një media që i drejtohet fillimisht syrit. Media e fialës së folur është radioja. Atëherë si është e mundur që pikërisht në televizion të bëhet spektakël me fialën, me të folurit, pra me atë që është "talk"? Çfarë e bën fialën të jetë objekt i "show-t"? Unë e rekomandoj fort leximin e këtij libri. Ai të ndihmon të shohësh televizorin jo vetëm me sytë e ballit, por edhe me ata të mendjes! Prof. Dr. Artan Fuga ,Akademik Ky studim është një analizë e plotë, e thellë dhe profesionale për talk show-n si gjinia televizive me përcaktuese e fizionomisë së televizioneve shqiptare të periudhës së tranzicionit. Prof. As. Dr. Mark Marku ,Përgjegjës i Departamentit të Gazetarisë dhe Komunikimit, Universiteti i Tiranës. Është e vështirë ta analizosh televizionin kur jep banalitete tërheqëse që rrëmbejnë kohën tonë të kufizuar. Nëpërmjet këtij studimi autori na kthjellon se çfarë ndodh kur të gjithë flasin për gjithçka dhe kur audienca më shumë kërkon të shohë sesa të dëgjojë. Prof. As. Dr. Hasan Saliu Prorektor për kërkim shkencor në Kolegjin AAB, Prishtinë
Çmimi: 1000 Lekë
titleToAlt
Në këtë vepër klasike të historisë së krahasuar dhe të shkencave politike,Barrington Moore, Jr. analizon çështjen se përse disa vende ecën dhe u zhvilluan drejt demokracisë , ndërsa disa të tjerë shkuan drejt fashizmit ose diktaturave komuniste .Ai analizon rolin politik që kanë luajtur klasat e larta feudale dhe fshatarësia në shndërrimin e shoqërive thelbësisht agrare në shoqëri të industrializuara. “Moore –i arrin atë që shumë historian ëndërrojnë të bëjnë ; ai zbulon të vërteta të përgjithshme në rrethana të veçanta historike . Duke përdorur një numër të madh teorish dhe shpjegimesh ,ka mundur të shkruajë një vepër me përmbajtje te thellë e të pasur mbi forcat që kanë shenjuar epokën tone të trazuar.” New Republic “Barrington Moore Jr. , në këtë libër voluminoz dhe tepër të argumentuar ,ndërmerr përvijimin e hartës së rrugëve historike nga kanë kaluar kombet e mëdha të Perëndimit dhe të Lindjes , për të arritur deri ne fazën e shoqërive modern e të industrializuara … Libri i tij është një pike referimi për historinë e krahasuar dhe një sfidë për studiuesit e të gjitha vendeve , që përpiqen të mesojnë se si arritëm këtu ku jemi sot .” C.Vann Woodward , Yale Review “Gjatë gjithë librit gjejmë të pranishme një ndjenjë , e cila është sipërane , e veçantë dhe e përshkruar nga dhuntia më e rrallë , nga ndjenja e thellë për realitetin njerëzor … Ky liber do të ndikojë breza të tërë historianësh të rinj amerikanë dhe do t’i udhëheqë të shqyrtojnë ato problematika që kanë përmbajtje më të madhe .” New York Times Book Review Barrington Moore Jr. , është një studiues i nivelit të lartë në Qendrën Kërkimore Ruse ne Universitetin e Harvardit . Mes të tjerave, është autor i veprës Analiza mbi shkaqet e mjerimit njerëzor dhe disa propozime si t’i shmangim ato .
Çmimi: 1500 Lekë
titleToAlt
Vlerësimi i botimit të parë të librit "Organizatat Ndërkombëtare": "Një vlerë e shtuar shumë e nevojshme në fushën e organizatave ndërkombëtare. lan Hurd hulumton teoritë kyçe dhe çështjet praktike të organizatave ndërkombëtare me një shkrim të qartë, përfshirës dhe tërësor." Jon Pevehouse, University of Wisconsin "Kjo hyrje e shkëlqyer në organizatat ndërkombëtare e një prej studiuesve të rinj më premtues të kësaj fushe është tekst themelor për çdo kurs të institucioneve ndërkombëtare; ai është lehtësisht i kuptueshëm, gjithëpërfshirës në mbulimin e organizatave më të rëndësishme ndërkombëtare dhe i mirë-strukturuar sipas detyrimeve që lindin për shtetet prej traktateve themeluese të organizatave ndërkombëtare, respektimin në praktikë të këtyre detyrimeve nga shtetet dhe aftësisë së organizatave ndërkombëtare për të imponuar respektimin e rregullave të tyre." Ulrich Sedelmeier, Lektor Senior i Marrëdhënieve Ndërkombëtare, London School of Economics and Political Science. Botimi i dytë i këtij teksti universitar të rëndësishëm është plotësuar me shumë materiale të reja, përfshirë seksione të reja për teorinë e marrëdhënieve ndërkombëtare, NATO-n, Bashkimin Europian, marrëveshjet flnanciare të Euro-Zonës dhe raste të reja studimore. Ndryshe nga tekstet e tjera të kësaj fushe, Ian Hurd i çon lexuesit pas kuintave të organizatave më të rëndësishme ndërkombëtare, duke i ftuar të shtrojnë pyetje si: Cilat janë detyrimet ligjore që u japin organizatave ndërkombëtare pushtet në arenën ndërkombëtare? Si e garantojnë organizatat ndërkombëtare bindjen e anëtarëve dhe respektimin e rregullave të tyre? Si i imponojnë rregullat e tyre organizatat ndërkombëtare? Hurd i shqyrton këto çështje përmes analizës në thellësi të rasteve studimore nga organizatat ndërkombëtare më të rëndësishme të botës, që shtrihen gjatë gjithë kapitullit. Kjo u mundëson studentëve të lidhin teoritë themelore të organizatave ndërkombëtare me të drejtën, praktikën dhe filozofinë e organizatave ndërkombëtare më të mëdha, përfshire :Organization Botërore të Tregtisë, Fondin Monetar Ndërkombëtar ,Bankën Botërore ,Kombet e Bashkuara ,Organizatën Ndërkombëtare të Punës ,Gjykatën Ndërkombëtare të Drejtësisë , Gjykatën Ndërkombëtare Penale ,Bashkimin Europian , Bashkimin e Kombeve të Azisë Juglindore ,Bashkimin Afrikan. I shkruar me saktësi dhe tërheqës, i pasuruar me seksione pyetjesh, shtojca ligjore dhe sugjerime për lexime të mëtejshme në çdo kapitull, ky tekst është një lexim themelor për të gjithë studentët që ndjekin kurset e organizatave ndërkombëtare dhe qeverisjes globale.
Çmimi: 1500 Lekë
titleToAlt
Libri që keni në dorë do t'ju vlejë shumë! Pavarësisht se cili jeni dhe çfarë bëni në jetën tuaj të përditshme! Mund të jeni gazetar, por ju, megjithatë, duhet ta dini sesi funksionojnë dhe brenda cilit kuadër etik dhe profesional veprojnë ata që ju japin informacionin që vjen nga agjencitë publike ose private, apo nga institucionet e vendit. Mund të jeni deputet, kandidat për një vend pune, për një post në jetën profesionale ose politike, duhet të dini sesi ta paraqisni veten tuaj sa më mirë përpara atyre që do t'ju zgjedhin ose emërojnë. Mund të jeni artist, shkrimtar, aktor, keni nevojë si të komunikoni me publikun dhe ta përmirësoni imazhin tuaj si personazh shoqëror. Mund të jeni student në gazetari dhe në shkencat e komunikimit. Dijeni se në fushën e marrëdhënieve publike keni një të ardhme profesionale, prandaj duhet ta njihni mirë këtë fushë. Mund të jeni biznesmen, thjesht pronar i një kafeneje, apo edhe i një njësie tregtare mesatare. Duhet të dini ta fitoni besimin e klientëve tuaj jo vetëm me shërbimin që ofroni, por edhe me pamjen, sjelljen, mënyrat tuaja të dialogimit. Sikurse është thënë në Shtetet e Bashkuara të Amerikës, nga qytetari më i thjeshtë deri te Presidenti, të gjithë kemi nevojë "të shitemi". Jo të shesim vlerat tona, por në kuptimin që pozicioni ynë në shoqëri, suksesi në punët tona, nuk varet vetëm se sa të zotët jemi realisht, por edhe se si t'i paraqesim ato në mënyrë që të kuptohen, pranohen, pëlqehen nga publiku i gjerë apo njerëzit që na rrethojnë. Akademik prof. dr. Artan Fuga
Çmimi: 1000 Lekë
titleToAlt
Ja tek jam sërish vetëm, përballë vetvetes. Në këtë ballafaqim nuk ka qëndrim që mund të merret, as iluzion që mund të kursehet. Bëj bilancin e të kaluarës. Është pozitiv, mizor. "Njeri pas njeriu, copë pas cope", Franca Luftarake është bërë më e sigurt, më e fortë, më koherente. Por, për të paguar këtë rezultat, sa humbje, sa hidhërime, sa kobe janë dashur! Fazën e re e nisim me mjete të konsiderueshme: 70 000 njerëz nën armë, oficerë të një cilësie të lartë, territore të gatshëm për luftë, një qëndresë e brendshme që shkon gjithnjë e në rritje, një qeveri që dëgjohet, një autoritet i pranuar, për të mos thënë i rinjohur, në botë. Nuk ka dyshim se rrjedha e ngjarjeve duhet të synojë drejt grumbullimit të forcave të tjera. E megjithatë, unë nuk ushqej kurrfarë iluzioni rreth pengesave që do të na dalin rrugës: fuqia e armikut, ligësia e shteteve aleate, mes francezëve, armiqësi e zyrtarëve dhe e të privilegjuarve, intriga të disave, plogështi e një numri të madh dhe për të përfunduar, rreziku i një subversioni të përgjithshëm. I gjori unë! A do të kem unë mendjemprehtësinë e mjaftueshme, vendosmërinë, aftësinë për të kontrolluar deri në fund sprovat që do të na paraqiten? Nga ana tjetër, edhe sikur unë të arrij të shpie drejt fitores një popull, më në fund të bashkuar, cila do të jetë, më pas, e ardhmja e tij? Ndërkohë, sa rrënoja do t'i jenë shtuar rrënojave të deritanishme, sa divizione do t'u jenë shtuar divizioneve të tij? Dhe kur rreziku të kalojë, dritat të shuhen, çfarë dallgë balte do të vërshojnë mbi Francë?
Çmimi: 1700 Lekë
titleToAlt
Ky libër, me një zhanër të rrallë në letrat shqipe, sjell një botë mes reales dhe fictionit, përmes një narracion brilant të At Anton Harapit. Andrra e Prêtashit shënon një kulminacion në letërsinë non-fiction
Çmimi: 600 Lekë
titleToAlt
Erik Larson është pranuar gjerësisht si një mjeshtër i tregimtarisë nonfiction dhe në librin e tij të ri, autori i bestseller-it "Djalli në qytetin e bardhë", i referohet një historie të rëndësishme të zhvilluar gjatë ngjitjes së Hitlerit në pushtet. Në vitin 1933, në Berlin, William E. Dodd u bë ambasadori i parë amerikan në Gjermaninë e Hitlerit, një vit që u vërtetua të ishte një pikë kthese në histori. Dodd, një profesor dhe njeri i urtë nga Chicago, vjen në Gjermani së bashku me të shoqen, të birin dhe vajzën e tij, bukuroshen shpërthyese Martha. Fillimisht, Martha është e joshur nga madhështia dhe dëfrimet si dhe nga zyrtarët e rinj simpatikë të Rajhut të Tretë, me entuziazmin e tyre infektues për ta rikthyer Gjermaninë në superfuqi botërore. E dashuruar pas "Gjermanisë së re," ajo kalon nga një lidhje dashurore në tjetrën, duke përfshirë këtu edhe atë me shefin e parë të Gestapos, të nderuarin Rudolf Diels. Por ndërsa provat e persekutimit të çifutëve shtoheshin dhe konfirmoheshin nga dëshmitë e drejtpërdrejta, babai i saj telegrafon shqetësimin e tij në atdhe, tek një Departament Shteti gjerësisht indiferent. Dodd vështron i alarmuar ndërsa çifutët sulmohen, shtypi censurohet dhe drafte ligjesh të reja frikësuese fillojnë të qarkullojnë. Ndërsa ai vit i parë kalon dhe hijet thellohen, familja Dodd përjeton ditë plot emocion, intrigë, romancë dhe përfundimisht horror, kur një hov kulmor dhune dhe vrasjesh demaskon karakterin dhe ambicien e pamëshirshme të Hitlerit. I mbuluar nga një atmosferë e rëndë e kohës si dhe nga portretet e paharrueshme të Göring-ut të tmerrshëm dhe joshësit - e në të njëjtën kohë gjëmëmadhit - Goebbels, libri "Në kopshtin e egërsirave" paraqet një perspektivë tronditëse dëshmitarësh okularë të ngjarjeve, ndërsa ato zhvillohen në kohë reale, duke prezantuar një epokë të një nuance dhe kompleksiteti të papritur. Rezultati është një vepër verbuese dhe joshëse që flet me volume të tërë rreth faktit se përse bota nuk e njohu rrezikun e kobshëm të pozuar nga Hitleri derisa Berlini dhe e gjithë Europa, ishin mbytur në gjak dhe terror.
Çmimi: 1200 Lekë
titleToAlt
Në këtë botim përfshihen kontributet shkencore që iu paraqitën konferencës ndërkombëtare Letrat shqipe dhe gjuhët e tjera të letërsisë shqiptare” që u zhvillua më 9 nëntor 2015; organizuar nga Akademia e Shkencave e Shqipërisë, Seksioni i Shkencave Shoqërore e Albanologjike. Në konferencë merrnin pjesë studiues të njohur nga universitetet e vendit, personalitete shkencore nga Kosova, Maqedonia, Italia, Greqia e Rumania, njerëz të letrave. Duke qenë e para konferencë që pati në qendër si problem të historiografisë letrare një problem të parrahur, punimet e saj zgjuan interesin e një rrethi të gjerë studiuesish që me kumtesat dhe diskutimet e tyre hodhën dritë në aspekte të ndryshme të raportit të letrave shqipe me gjuhët e tjera. Në referatin e mbajtur nga akad. Floresha Dado dhe në 20 kumtesat e paraqitura nga studiues të njohur u ndriçuan disa pamje të qëndrueshme të pranisë dhe të rolit të gjuhëve të tjera në procesin historik të zhvillimit të letërsisë shqiptare, e cila lindi si literaturë autorësh shqiptarë në gjuhët e mëdha të liturgjisë dhe të komunikimit, në latinisht më së pari, duke përgatitur ardhjen e letërsisë në gjuhën amtare si dhe kalimin nga një fazë që është objekt historishkrimi të shqipes, në fazën e mëvetësimit të letërsisë si krijim subjektiv artistik, dallim që nuk mund të mos kihet parasysh nga historiografia letrare. Trajtimi i çështjeve të tilla, si ai i autorëve që patën shkruar dhe shkruajnë në gjuhën e tjetrit, u hap një perspektivë të re studimeve në këtë fushë të identifikimit të kontributeve të autorëve shqiptarë në kulturat e tjera, por dhe si problem teknik i ballafaqimit të kodeve gjuhësore dhe poetike dhe i nivelit të komunikimit e receptimit nga lexuesi i huaj dhe nga lexuesi shqiptar në rastin e përkthimit të tyre shqip, si dhe i vendit të tyre në sistemin e letërsisë shqiptare. Debati rreth përmbajtjes së termit letërsi shqipe dhe letërsi shqiptare dhe i dallimit midis tyre, shtroi një pyetje që kërkon një përgjigje e trajtim shkencor, si dhe çështje e teza të tjera që u shtruan në kumtesat e diskutimet e pjesëmarrësve. Problemi që pati objekt konferenca është një problem kompleks historiko-letrar, teorik por dhe praktik dhe kërkon një qasje ndërdisiplinore. Si i tillë ai meriton vëmendjen jo vetëm të institucioneve shkencore akademike, përfshirë edhe institucionin e kritikës, por dhe të vetë shtetit, të ndërtimit të një programi kombëtar të përkthimit në gjuhë të tjera të letërsisë shqipe, si pjesë e një politike kulturore për identifikimin e vetes në bashkësinë e madhe të popujve.
Çmimi: 800 Lekë
titleToAlt
Në këtë terren gjithnjë në rrëshqitje e rrokullisje drejt greminës së Revolucionit Ekonomik të  Tregjeve të Lira të Milton Fridmanit, Alternativa Historike e Naomi Klein na paraqitet si një kundërshti e atij miti të krijuar, realizuar nëpërmjet një lëvizjeje triumfuese madhështore dhe paqësore. Që nga Kili i vitit 1973 e deri në Irak, madje edhe më gjerë, Klein na tregon sesi doktrina e Fridmanit dhe e pasuesve të tij ka shkaktuar goditje shokuese të tmerrshme, të shoqëruara me violenca, me qëllim implementimin e politikave të tyre radikale. Ka qenë tejet i saktë John Grey në shkrimin e tij në  The Guardian , kur ka konkluduar: Kemi shumë pak libra të tillë, që na ndihmojnë për të kuptuar kohërat e shkuara dhe të tashmen. Doktrina Shok është njëri nga këto libra të pakët.Një stil i frikshëm dhe një ndërthurje brilante...Klein na shfaqet më së miri si një mjeshtër i madh i narrativës së kohës sonë .William S. KOWINSKI,  San Francisco Chronicle
Çmimi: 1500 Lekë
titleToAlt
Dikush mund të pyesë se çfarë kanë të përbashkët Parlamenti me një dhomë, rafti për tharjen e pjatave dhe tekstet e mesazheve. Apo çfarë lidhje ekziston midis pakos së lindjes, ksilitolit, saunës dhe vaktit falas në shkollë. Përgjigjja është e thjeshtë: të gjitha këto janë risi sociale finlandeze. Në Finlandë, si kudo gjetkë, atributet për arritjet ekonomike u takojnë risive teknike, por vetëm së fundi risitë sociale janë konsideruar si baza e harmonisë shoqërore. Barazia gjinore, arsimimi falas, siguria shoqërore universale dhe demokracia parlamentare, si dhe stabiliteti shoqëror që ata krijuan më pas, kanë siguruar mirëqenien e Finlandës. Ky libër, i cili është serioz dhe argëtues njëkohësisht, prezanton 100 risi sociale nga Finlanda.
Çmimi: 1000 Lekë
titleToAlt
Komente mbi librin "Pika kryesore ku rreh Pennac – u është shumë e thjeshtë: askush s'ka për të lexuar ndonjë libër ndonjëherë në qoftë se nuk ka dëshirë. Ai thekson se leximi, së pari, është kënaqësi. Nëse njerëzit zgjedhin ta kalojnë kohën duke bërë gjëra të tjera është e drejta e tyre. Ai shikon ata me dhembje, jo me përbuzje: pa libra, ata janë të dënuar të kalojnë "një jetë pa përgjigje... dhe shumë shpejt edhe pa pyetje"." The Guardian "Me një humor ngacmues që do t'i bëjë lexuesit nga 7 deri në 77 vjeç të qeshin, ky roman – ese është një apel për lirinë dhe të drejtat e lexuesit." Le Figaro "Çka është për t'u admiruar te Pennac – u, vetë shkrimtar, mësues letërsie, lexues i pangopur i romaneve, është fakti që ai nuk dëshiron kurrsesi që të rinjtë e sotëm të jenë të mërzitur nga libri. Ai e di se për t'ia arritur kësaj, mjafton të zbatosh një pedagogji të bazuar në entuziazmin ngjitës." L'Express "Një libër frymëzues dhe i freskët, që s'duhet të dalë kurrë nga qarkullimi." Nacional Literacy Trust Fragment nga libri Të drejtat e lexuesit 1. E drejta për të mos lexuar. 2. E drejta për të kapërcyer disa faqe. 3. E drejta për të mos e mbaruar një libër. 4. E drejta për të rilexuar. 5. E drejta për të lexuar çfarëdo qoftë... Me zë fillimisht të pasigurt, ai i kishte lexuar duke ngecur të dyja rrokjet, veçmas: "Ma-ma". Dhe, përnjëherësh: – M a m a! Kjo klithmë gëzimi kremton kurorëzimin e udhëtimit intelektual më madhështor që mund të merret me mend, një lloj hapi i parë në Hënë, kalimin nga arbitrariteti grafik më i plotë te kuptimi më i ngarkuar me emocion! Ura të vogla, dredha, rrathë... dhe... mama! Kështu e ka të shkruar, para syve, por kjo çel brenda atij! Nuk është një kombinim rrokjesh, nuk është një fjalë, nuk është një koncept, nuk është një mama, është mamaja e vet, e tij, një shndërrim magjik, që thotë jashtëzakonisht më shumë gjëra, sesa fotografia më besnike, thjesht ca rrathë të vegjël, gjithsesi, ca ura të vogla... por që, befas – dhe përgjithmonë! – kanë reshtur së qeni vetvetja, së qeni asgjë, për t'u bërë ajo prani, ai zë, ai parfum, ajo dorë, ai prehër, ajo pafundësi hollësish, ajo gjithçka aq thellësisht absolute dhe aq absolutisht pa asnjë lidhje me atë çka është shtrirë atje, mbi shinat e faqes, midis katër mureve të klasës... Guri filozofik. As më shumë, as më pak. Ai sapo ka zbuluar gurin filozofik.
Çmimi: 700 Lekë
titleToAlt
Në këtë libër do të gjeni : numismatikë epiriote, një vështrim antropologjik mbi epiriotët, pak etnografi epitiote dhe konkluzioni për triptikun epirotik. Ky libër historik na flet për katër fiset ose klanet e mëdha shiptare, që janë: gegët, toskët, labët dhe çamët.
Çmimi: 700 Lekë
Të gjitha të drejtat e rezervuara. © 2015 Librari Albania