titleToAlt
Nju-Jork, 1903: në qytetin e shanseve të mëdha, ku zbarkojnë dymbëdhjetë mijë të huaj çdo ditë, ku italianët shihen si kriminelë dhe të prapambetur, mbërrijnë prej fshatit Tufo të Minturnos, një provincë e Kazertës, Diamanti dhe Vita, dy fëmijë, dymbëdhjetë e nëntë vjeç. Ai i heshtur, krenar dhe trim. Ajo instiktive, xheloze dhe e aftë të zhvendosë objektet vetëm me shikim. Në një pension të mbrapshtë në Prince Street, në lagjen mjerane të italianëve në periferi të qytetit, i pret Anjeloja, babai i Vitës, bashkë me gruan me të cilën bashkëjeton, Lenën, si dhe Rokoja, Xheremia, Coca-Cola, e mbi të gjitha, Amerika. Mes urisë, peripecive, kërcënimeve të Dorës së Zezë e të një babai të dhunshëm, dy fëmijët të lidhur fort pas njëri-tjetrit nga një pasion i hershëm dhe i parakohshëm, zbulojnë së bashku vdekjen dhe alfabetin, ngasjet, seksin, dashurinë, tradhtinë dhe besnikërinë. Në dhjetë vjet, Diamanti, gjithnjë në pritje të një fati më të mirë, do të punojë si gazetashitës, mbledhës plehrash, çirak në një agjenci funeralesh, ujësjellës në hekurudha, mbajtës veglash në një shoqëri prodhimi filmash me kauboj; Vita do të sajojë lule artificiale, do të bëhet hajdute, rrugaçe, kuzhiniere, e dashura e një banditi, shitëse puthjesh, fjalësh e shtëpish të paqena – të dy fort të bindur se do të gjejnë lumturinë e njohur me ligj, si një e drejtë që u takon sipas Kushtetutës së Shteteve të Bashkuara të Amerikës. Por ëndrrat e tyre të brishta nuk është e thënë të realizohen, së paku, jo në Nju-Jork dhe jo për të dy së bashku. Dyzet vjet më pas, më 1944, biri amerikan i Vitës shkon në Itali të luftojë në Frontin e Jugut me Ushtrinë Amerikane, pikërisht pranë lumit Guariliano të fshatit Tufo, dhe të kërkojë njeriun që mund të kishte qenë i ati i tij. Aventuresk e mahnitës si roman, por “Vita” nuk është vetëm roman. Dy fëmijët kanë ekzistuar vërtet, ashtu si dhe pensioni dhe personazhet e kësaj historie marramendëse. Shkrimtarja, Melania G. Mazzucco, për ta shkruar ka kërkuar rrënjët e historisë së familjes së saj duke u bazuar në rrëfimet e të atit dhe të xhaxhait të verbër; ka gjetur dokumente dhe të dhëna në gazetat e kohës, në letërkëmbimet private, në arkivat e policisë së Bruklinit, në listat e udhëtarëve të anijeve, në dosjet e Shoqërive Amerikane të Hekurudhave.
Çmimi: 1050 Lekë
titleToAlt
Çmimi: 200 Lekë
titleToAlt
Ç’do të bënit me një milion stërlina? Do të blinit një mijë pica? Do t’i jepnit për bamirësi? Do të luanit Cash Jenga? Kur një çantë e mbushur dengëza me para u bie nga qielli, Damiani dhe Antoni bëhen të pasur papritur. Madje tepër të pasur. Befas djemtë mund të blejnë gjithçka që duan. U kanë rënë në duar miliona - por vetëm shtatëmbëdhjetë ditë për t’i prishur!
Çmimi: 800 Lekë
titleToAlt
Vëllimi i katërt i Harri Poterit na ka lënë me zemër të ngrirë: Lordi Fluronvdekje është kthyer. Çfarë do të ndodhë tani që Zotëria i Errët po bëhet sërish i plotfuqishëm? Sa vdekje dhe shkatërrime do të mbjellë, duke u përpjekur të shtrijë pushtetin e tij mbi gjithë botën? Këto janë pyetjet, që e mundojnë Harri Poterin gjatë verës, në shtëpinë e të afërmve të tij babanacë, larg nga bota magjike së cilës i përket. Edhe ai ka ndryshuar. Tashmë pesëmbëdhjetëvjeçar do ta takojmë të përpirë nga zhgënjimi, zemërimi, ankthi dhe rebelimi, tipike për moshën e tij. Në një nga librat më të mirëpritur në historinë e letërsisë, J. K. Rowling nuk resht së na befasuari. Duke endur një tjetër dramë të mrekullueshme, kësaj here arrin t’u japë jetë shqetësimeve të adoleshencës, duke e pasuruar gjithësinë e saj tashmë të mrekullueshme me krijesa dhe personazhe të reja të paharrueshme. Hapni sytë dhe jini të kujdesshëm ndaj marrëzisë së pushtetit dhe atij që e përdor për të luftuar talentin, guximin, fantazinë dhe alternativën, na flet ajo përmes librit të vet të pestë.
Çmimi: 1400 Lekë
titleToAlt
“Unë nuk e kërkoj belanë,- mërmërit Harri prishaqejfas.- Zakonisht është belaja, që vjen e më gjen”. Kështu u thotë Harri Poteri, nxënësi i Shkollës së Magjisë dhe Shtrigërisë në Hoguorts, shokëve të tij. Vërtet jeta e Harrit është në rrezik: një vrasës i rrezikshëm është arratisur nga burgu i frikshëm i Azkabanit dhe po e ndjek pas, i vendosur ta vrasë. Ndoshta kësaj radhe as shkolla magjike dhe as shokët e tij më të ngushtë nuk mund ta ndihmojnë dot. Në një skenë emocionesh të thella, mes hartash të magjepsura dhe Hipogrifësh agresivë, hallash fluturuese dhe librash që kafshojnë, Harri Poteri e çon lexuesin në kapitullin e tretë të aventurave të tij të jashtëzakonshme.
Çmimi: 800 Lekë
titleToAlt
Erdhi më në fund edhe edhe në shqip, Harry Potter, autorja e së cilës historinë e tetë e shkroi pas 19 vjetësh. Dhe sigurisht, Ky është i fundit, pasi fantazia e autores është ndalur me kaq në këtë personazh që ka pushtuar zemrat e qindra milionë fëmijëve dhe lexuesve. Kësaj radhe, historia e tetë titullohet Harry Potter dhe fëmija i mallkuar”, ku personazhet dhe ngjarjet nuk vijnë në prozë por si dramë.
Çmimi: 1000 Lekë
titleToAlt
Për një moment të çmendur dhe të magjishëm unë mendova se ai do të më puthte. Pru dhe motra e saj ishin arsimuar gjatë gjithë jetës së tyre në shtëpi nga i ati, një burrë shumë strikt. Kur ai u shtrua papritur në spital, më në fund Pru arriti të fitonte pak liri. Meqënëse ajo shkonte për herë të parë në shkollë, e kishte të vështirë të ambientohej në të. Personi i vetëm me të cilin ajo mund të bisedonte lirshëm ishte mësuesi i vizatimit. Kur vendosi të shkonte dhe të kujdesej për fëmijët e tij, Pru, për t'u kthyer në shtëpi i duhej të bënte dhjetë minuta rrugë në makinë vetëm për vetëm me të. Por ajo nuk e kishte të lehtë t'i shprehte ndjenjat e saj. Një portret mjaft përthithës i një lidhjeje të ndaluar nga shkrimtarja e madhe Jacqueline Wilson.
Çmimi: 800 Lekë
titleToAlt
“E mira dhe e keqja gjenden te njëra-tjetra dhe përzihen në nivel universal: lumturia dhe mjerimi, mençuria dhe marrëzia, virtyti dhe vesi. Asgjë nuk është tërësisht dhe plotësisht më vete.” – këtë ndarje na ndihmon libri që ta bëjmë në jetë..
Çmimi: 700 Lekë
titleToAlt
"Princi i vogël", vepra e fundit e autorit të njohur francez A.de Saint-Exupéry (1900-1944) botuar më 1943, pra që në gjallje të tij, përbën një tjetër hap të këtij krijuesi serioz për të përpunuar pikëpamjet e tij mbi botën dhe marrëdhëniet ndërmjet njerëzve e për t'ia parashtruar ato vëmendjes së lexuesve. Saint-Exupéry nuk shkruan letërsi për letërsi, art për art, dhe përtej natyrës simbolike e në dukje irreale të "Princit të vogël" ai arrin të prekë tema e çështje jo thjesht konkrete, jo thjesht e rëndomtazi praktike, madje pragmatike, por të tilla, që sjellin thellimin në mendime të lexuesit, që e shtyjnë këtë të fundit të përjetojë ndjesinë e përgjegjësisë së të qenit njeri i qytetëruar. Përmes një stili të thjeshtë deri në nivele fëminore, përtej një tejpashmërie të kristaltë të shtjellimit të subjektit, ne befas ndjejmë fuqinë rrëmbenjëse të një arti çuditërisht të thellë, të një arti që na vë përpara pikëpyetjesh, mprehtësia e të cilave mund ta gjejë shumëkënd të papërgatitur për t'u përgjigjur. Ç'është ky djalë i vogël, që në libër quhet "princ"? Ç'janë këta planete të vegjël, ku jetojnë tipa njerëzish në dukje të çuditshëm, por që çuditërisht na duken aq të njohur, a thua se i kemi takuar diku dikur? Ç'është ky gjarpër shkretëtire, i cili kryen në libër një shërbim aq të veçantë? Ç'janë trëndafilat dhe përse duke i dashur ata ne arrijmë të njohim më mirë veten?
Çmimi: 700 Lekë
titleToAlt
Humoristik për fëmijë
Çmimi: 1500 Lekë
titleToAlt
Errësira kishte mbërritur në qytet. Gjëra të çuditshme po ndodhnin në pisk të natës. Fëmijët, kur binin të flinin, fusnin nën jastëk dhëmbin e rënë për zanën e dhëmbëve, por kur zgjoheshin në mëngjes gjenin... një kërmill të ngordhur... një merimangë të gjallë... qindra gërshërza që dilnin nga poshtë jastëkut. Djalli ishte në punë e sipër. Po kush apo çfarë fshihej pas kësaj? Hapni sytë! Kjo është një histori me tmerre. Plot e përplot me fjalë të shpikura. Autori i famshëm i "Gjyshja Gango" dhe "Qofte miu" sjell për ju një tjetër libër që të kall datën dhe të bën të shqyesh gazit, për Alfin, një djalë me zemër të madhe, por me një frikë edhe më të madhe nga dentistët. David Walliams iu paraqet personazhin e tij më të keq në këtë rrëfenjë drithëruese, që do t'ju bëjë t'ju kërcasin dhëmbët nga frika dhe t'ju shqyhen nofullat prej gazit!
Çmimi: 1000 Lekë
titleToAlt
Çmimi: 250 Lekë
titleToAlt
Diskutime për stresin identitetin,marrëdhëniet,familjen e shkollën dhe të ardhmen. Libri është një guidë e shkëlqyer për prindërit,psikologët,mësuesit,për të diskutuar nv grupe të vogla e tv mëdha me fëmijët dhe nxënësit adoleshentë.
Çmimi: 1000 Lekë
titleToAlt
Çmimi: 800 Lekë
titleToAlt
Nga shushkë në shik...
Çmimi: 1000 Lekë
titleToAlt
Kur Noah e ftoi në turneun e tij evropin,ajo mezi priste që të rrinte me të dashurin e saj Zot-roku-Stik.Mirëpo,midis ditëve të ngjeshura të Noah ,shokëve të grupit jo dhe aq mikpritës dhe mesazheve kërcënuese të adhuruesve xhelozë ,Peni do të fillojë ta vërë në dyshim nëse i pëlqen vërtet jeta e turneut.Atë e ka këputur malli për familjen,pë shokun e ngushtë,Eliotin... dhe për blogun e saj ,Vajza Online.
Çmimi: 1000 Lekë
titleToAlt
Mos u bëni një stereotip.Jini vetvetja e vërtetë dhe e shkëlqyer!
Çmimi: 700 Lekë
titleToAlt
Adoleshenca, kjo moshë e brishtë, mosha e shpërthimeve, e tekave dhe dëshirave, që herë-herë shpërfaq dhunë të tmerrshme, do shumë punë dhe edukim rrënjësor nga e gjithë shoqëria, do një vëmendje të vazhdueshme e të përditshme nga trinomi: psikolog, mësues, prind. Një prind i përgjegjshëm nuk është i qetë kur fëmija hyn në moshën e adoleshencës, atë e shoqërojnë gjithnjë dilemat: Po e bëj detyrën e prindit mirë? A mos ndoshta jam fajtor për rebelimin e tij? A duhet të jem i ashpër apo i butë? Pse fëmija im ka rënie në mësime? A duhet t’ia pranoj një lidhje dashurie apo të bëj të paditurin? A jam bashkëkohor për të pranuar ecurinë e këtij brezi? A duhet të jem shok, prind i rreptë apo të zgjedh një të mesme të artë?... Një adoleshent, me veprimet e tij shpesh sjell në familje tërmet, nga ata të fuqishmit, që nëse prindërit nuk e marrin situatën menjëherë në dorë, pasojat mund të jenë fatale për të dhe familjen. Përgjigjja e prindërve në këtë rast duhet të jetë: reagim me qetësi, vullnet, durim, konsultë me psikologë, mësues apo njerëzit tuaj më të afërt, të cilët të japin rrugëdalje pa trauma. Nëse një familje përballet me një adoleshent të dhunshëm, zgjidhja më e mirë është ta pranojnë të vërtetën me zë të lartë dhe të mos e mbulojnë thjesht me fraza të tilla, si: “Ti më fut frikën”, “Ti do që unë të kundërveproj”, “Ti do që prindërit e tu të bëhen edhe më të dhunshëm se ti” etj., pasi situata mund të agravohet në dëm të të dy palëve dhe vështirë të gjesh më zgjidhjen e duhur. Jeta e një familjeje kur fëmija i tyre kalon në adoleshencë është shpesh mes stuhisë dhe rrebeshit po aq sa mes diellit dhe reve, sepse kjo moshë priret drejt karakterit negativ dhe pakënaqësisë nga të gjithë dhe gjithçka. Kjo është mosha e zhvillimit hormonal dhe fizik, e rritjes së vrullshme, e krizave dhe e energjisë së paparë, e çudirave, po aq sa e mrekullive të mëdha, e arsyetimit të paqëndrueshëm dhe emocioneve të papërmbajtura. Që hovi i moshës së tyre të mos ju marrë përpara, duhet të vendosni me këmbëngulje disa rregulla dhe piketa, pa rënë pre e ndjenjave që ushqen prindi për fëmijën, sepse kjo është mënyra më e mirë për të ndihmuar adoleshentin në rritje. Të gjithë krenohemi kur fëmija ose nxënësi ynë ka rezultate të shkëlqyera, na nderon gjithnjë, merr çmime të para, ka sjellje të përkryer, bëhet gjeni ose shkëlqen në çdo aspekt të jetës, por a jemi ne të fortë dhe në gjendje të përballojmë drama e ta rikthejmë në rrugë të mbarë një fëmijë në adoleshencë, i cili për shkak të një gabimi të moshës së tij ka braktisur shkollën e ka rënë pre e drogës, duhanit, alkoolit, e një shtatzënie të parakohshme apo dhe më keq, pre e prostitucionit?! Kjo është një nga sfidat e mëdha të shoqërisë, familjes dhe shkollës.
Çmimi: 600 Lekë
titleToAlt
Errësira më kishte shkatërruar dhe më kishte plaçkitur pa pikë mëshire, duke më marrë çdo gjë, edhe familjen, për të më lenë si endacak apo ndoshta si nje kristal i zymtë nga pluhurat e erërave për tu endur nëpër rrugët e shkretëtirës. Dhe atëhere kur mendoja se çdo gjë kishte marrë fund, "krejt rastesisht" rrezet e diellit ndriçues të së dashurës sime Mary më zgjuan, duke ngrohur zemrën time të plagosur e ripërtërirë shpirtin tim nga gjumi në burgun e shoqërisë ku jetojmë. Rrezet e saj filluan të ndriçonin dhe gjithë shkretëtirën, duke u dhënë jetë të dëshpëruarëve, dhe të mbijetuarëve shpresën e rilindjes të një tjetër aurore. Universi vendosi të na falë një yll, për të kurorëzuar lidhjen tonë e jetuar në harmoni e në një dashuri të pafund. Kamë gënjyer çdo femër për ti pushtuar trupin, për banalitetin e arritjes së kënaqësisë fizike, dhe u kërkojë ndjes të gjithave atyre, edhe të dashurës sime, tani kamë ndryshuar për tu bërë gjithmonë e më shumë i mençur i pastër dhe i ditur, i kamë premtuar të dashurës sime dhe kështu do të jet në jetë të jetëve. Eshtë mençuria e një burri që bënë që gruaja e tij të ndihet më e bukura, vetëm atëhere ajo do ti dhurojë atij urtësinë e një njeriu të madh! Ja dedikoj këtë libër të dashurës sime Marit!
Çmimi: 500 Lekë
titleToAlt
Çmimi: 800 Lekë
titleToAlt
Megi i adhuron librat, ashtu si i ati, Moja. Asgjë nuk e bën më të lumtur se të jetojë e qetë në shtëpi, por një ditë, një i huaj troket në derë dhe përsëri, ashtu si dhe herë të tjera në të shkuarën, Moja fillon të paketojë plaçkat. Duhet t'ia mbathin, të fshihen. Por nga çfarë? Nga kush? Shpejt e fshehta do të zbulohet: Moja, zëri i të cilit ka aftësinë e jashtëzakonshme që të përhapë jetë në libra, një natë mizore guxoi të lexonte një libër të vjetër "Zemër si boja" ndërsa një zotëri i lig me zemër të zezë, Bricjapi, u çlirua nga litarët e fjalëve dhe u shfaq në sallon. Po në të njëjtin çast fatal, ndodhi edhe diçka tjetër më e rëndë: gruaja e Mosë u zhduk përgjithmonë mes faqeve të librit. Ndërkaq, Bricjapi i pamëshirshëm kërkon prej Mo Gjuhëzanës që t ia nënshtrojë dhuntinë e tij qëllimeve të veta djallëzore. Megi gjendet e përfshirë në një vorbull ndodhish, gjatë të cilave përfytyrimi shndërrohet në realitet...
Çmimi: 1200 Lekë
Të gjitha të drejtat e rezervuara. © 2015 Librari Albania