titleToAlt
Shumë më tepër të qeshur pasi të keni lexuar këtë libër
Çmimi: 600 Lekë
titleToAlt
Përpara se makthet të fillonin, Yeong-hye dhe bashkëshorti i saj jetonin një jetë të zakonshme dhe të kontrolluar. Por ëndrrat -imazhet pushtuese të gjakut dhe të brutalitetit e torturojnë atë, duke e nxitur të spastrojë mendjen dhe të refuzojë krejtësisht ngrënien e mishit. Është një akt i vogël pavarësie, por që ndërhyn në martesën e saj dhe vë në lëvizje një seri ngjarjesh gjithnjë e më groteske brenda shtëpisë. Ndërsa bashkëshorti i saj, kunati dhe motra secili grinden për ta kontrolluar, Yeong-hye mbron me fanatizëm zgjedhjen e saj, që është bërë diçka e shenjtë për të. Shpejt përpjekjet e tyre bëhen të dëshpëruara, duke i nënshtruar në fillim mendjen e më pas trupin, përmes dhunimeve gjithnjë e më furacake dhe perverse. Si rezultat, Yeong-hye futet gjithnjë e më shumë në një sjellje të rrezikshme e të ftohtë, jo vetëm ndaj atyre që janë më pranë saj, por edhe ndaj vetes. Vlerësuar nga kritikët në mbarë botën, romani Vegjetariania është një rrëfim Kafkian me një alegori të errët për pushtetin, maninë, dhe luftën e një gruaje për t'u çliruar nga dhuna jashtë dhe brenda saj.
Çmimi: 1000 Lekë
titleToAlt
Çmimi: 250 Lekë
titleToAlt
Në maj 1937. një burrë në fillim të të tridhjetave, pret para ashensorit në një pallat në Leningrad. Ai pret përgjatë të gjithë natës, që ta marrin për ta dërguar te Shtëpia e Madhe. Çdo i famshëm që ai ka njohur në dekadën e mëparshme nuk mund ta ndihmojë tani. Dhe pak nga ata që kanë hyrë në Shtëpinë e Madhe kanë dale sërish prej saj. "Një meditim i thellë mbi Pushtetin dhe marrëdhënien e artit me Pushtetin... Është një kryevepër me të kuptuar simpatizues... Nuk mendoj se Barnes ka shkruar ndonjë libër më elegant, më 'të vërtetë apo më të thellë.''
Çmimi: 700 Lekë
titleToAlt
Mund të përshkruaj me hollësi gjithçka të asaj dite: datën, muajin, orën, diellin përvëlues, sesi ai po fshihej pas ndërtesës së spitalit, edhe pse nuk e kishte kohën të ishte i tillë. Por kurrsesi nuk do të arrij dot të përshkruaj sytë e asaj gruaje të përhumbur, Valentines. Sapo zbrita nga makina ndjeva hapa të tendosur në rrugë që po më afroheshin ngadalë. Nuk arrita të bëja rrotullimin për të parë kush po më afrohej, pasi ndjeva krahë pa jetë të më mbështilleshin rreth qafës. Nuk bëra as përpjekjen më të vogël të kërkoja fytyrën, emrin e atyre duarve që m'u mbështollën ashtu. Jo vetëm nuk kërkova, por zgjata dhe unë duart, e shtrëngova fort rreth mesit dhe... ndenjëm gjatë ashtu pa fjalë.
Çmimi: 700 Lekë
titleToAlt
Libri i profesor Civicit është një arritje e dallueshme në literaturën politiko-ekonomike të kombit tonë. Mendimi i qartë, shkrimi i rrjedhshëm, sinteza e thellë, si dhe informacioni dhe njohja e gjerë mbi filozofët dhe teoritë e tyre e bëjnë këtë libër një nevojë intelektuale për të kuptuar periudhat historike që kemi kaluar dhe po jetojmë. Ky libër është një manual për politikanët, diplomatët, intelektualët, studentët dhe të gjithë qytetarët që kërkojnë të njohin dhe sintetizojnë mendimin për periudhat e evoluimit të shtetit shqiptar 70 vitet e fundit. Civici ka shkruar shumë libra, por ky i fundit e ngre atë në rangun e mendimtarit të elites shqiptare. Dhe e meriton.
Çmimi: 1500 Lekë
titleToAlt
Një libër mjaft aktual për çastin që po kalon sot bota. Niall Ferguson na tregon se si në të vërtetë historia e finances qëndron në sfond të gjithë historisë së njerëzimit. Që nga Babilonia e lashtë, te dinastia e bankierëve që hodhi themelet e Rilindjes Italiane, tek flluska e tregut të obligacioneve që shkaktoi Revolucionin Francez, ky libër na rrëfen historinë e zhvillimit financiar të botës siç s'është treguar kurrë ndonjëherë më parë. Në këtë kohë kur bota është e kapur nga një prej krizave më të mëdha financiare që pas Krizës së Madhe të viteve 30 të shekullit të shkuar, ky libër vjen në kohë për të na ndihmuar të kuptojmë rolin që ka pasur dhe vazhdon të ketë paraja në historinë e njerëzimit. Si dhe për të na kujtuar një nga mësimet e rëndësishme të historisë, që çdo flluskë financiare pashmangshmërisht vjen një ditë që do të plasë.
Çmimi: 1200 Lekë
titleToAlt
Regjimi totalitar mund të fillojë me censurën, por vetëm duke e çuar më tej - sepse nuk kërkon aq t'u imponojë qytetarëve çfarë nuk duhet thënë në publik, sa t'i stërvitë këta për ta riprodhuar veten në publik duke thënë ato që duhen thënë, pra nëpërmjet indoktrinimit. Indoktrinimi paraqitet si e kundërta e censures, sepse ka natyrë (logjikisht) pozitive; të bën të thuash gjëra të caktuara dhe, përkatësisht, të marrësh fjatën në rrethana të caktuara, të skriptuara. Individi gjuhësisht i indoktrinuar flet në publik me para fabrikate, ose me fraza të përdorura prej të tjerëve, duke e lejuar veten të flitet nga ligjërimi i tjetrit. Qytetarët të cilëve liria e fjalës veç u mohohet, okupojnë nivelet më të ulëta të hierarkisë sociale; për të bërë përpara, nuk mjafton të mos thuash atë që nuk i pëlqen pushtetit, por duhet të thuash atë që i pëtqen pushtetit. Kjo e dyta i kërkon qytetarit edhe punë ligjërimore për konstituimin e rendit publik totalitar. Puna ligjërimore është punë e mirëfilltë, që angazhon trupat dhe mendjet e folësve publikë: zërin dhe aparatin e nyjëtimit të fjalës, frymën, duart - në rastin e të shkruarit -sytë dhe veshët; vëmendjen dhe mendjen. Njerëzit komunikojnë mes tyre për të shkëmbyer informacion dhe emocion; për të riprodhuar komunitetet dhe veten si subjekt social; per t'u organizuar në punë dhe në kohën e lire. Njerëzit e indoktrinuar punojnë për të siguruar hegjemoninë e doktrinës - duke e kthyer komunikimin publik në një lloj radioje intertekstuale, ku veç rimerren dhe risillen në vëmendje blloqet e gatshme të thënieve të tjetrit
Çmimi: 1500 Lekë
titleToAlt
Jemi grupi Tea Sisters.Studiojme në kolegjin e Miushofordit. Na pëlqejnë aventurat e misterit! Jemi shoqe shumë të veçanta, madje më shumë se shoqe… motra Në Miushford ka një ecejake të madhe studentësh, që japin e marrin me pëlhura shumëngjyrëshe, kapela, aksesorë dhe veshje të çdo lloji. Çfarë po ndodh? Fare e th jeshtë: po përgatitemi për paradën e madhe të modës së fundvitit!
Çmimi: 500 Lekë
titleToAlt
Malliështë lajtmotivi kryesor i këtij libri. Ai, për poetin, është një lloj burgu që, megjithëse e ke lirinë, s'të lejon të kesh atë çfarë dëshiron të kesh; "Si mundet, në zinxhirë malli ta ndiesh veten, përsëri në burg"... Autori i këndon mallit për fëmijërinë e lënë pas. për përqafimet e nënës, për trotuaret e qytetit. Koha e humbur, orët e ikura, thinjat, rrudhat, largësia nga vendlindja, janë shqetësim i përhershëm i vargjeve të poetit, Xhemal Gora. Në vargjet e tij gjen edhe dashurinë e paster, edhe dashurinë e ikur, edhe dashurinë sublime, gjen lulet dhe lotët, gjen pritjet dhe ikjet, gjen ardhjet e përhershme e ikjet e përjetshme. Poetin e shqetëson fati i atdheut. Edhe pse larg fizikisht, mendjen e shpirtin i ka të lidhura e rrënjët e truallit të vet. Ai jeton me dhimbjen, tek e sheh vendin e tij të kalojë mes dhjetra peripecish dhe, befas, këtë dështim të madh, ia faturon asaj që ai e quan "koha e burrave të veckël". Edhe heshtja, sipas është varr kolektiv... E përhershme, si konstante që nuk lëviz dhe ekuilibron botët, mbetet dashuria, dashuria universale, së pari, por edhe ajo burrë* - grua. Dashuria, sipas autorit, nuk njeh moshë teksa përsiat mes raportit të dashurise si ndjenjë dhe si moshë: "Nëpër rrathë moshe, s'ftohet zjarrijdjeg si prush, se brenda ndezw rri/,mjqfton tëfiyjnë pak kujtime mallijnisin shpërthejnë vullkanet përsëri". Libri "Shtigje dashurie", është ndërtuar në një bote, por mbështetet në pika të ndryshme, ku do të veçoheshin lirikat e dashurisë, të cilat. poeti di t'i sjellë me mjeshtëri dhe kreativitet. Janë lirika me ndjenjë e pasion dhe përjetohen si të tilla edhe nga lexuesi. Metafora dhe oksimoroni si dhe kompozitat e neologjizmat, janë një sistem i tërë figuracioni, i ndërtuar me përkushtim, me shije estetike.
Çmimi: 500 Lekë
titleToAlt
Me kërë libër dëshiroj të të rrëfej mënyrën sesi mund të arrish të kesh një jetë të mrekullueshme. Ka kaq shumë për të mësuar për të dhe gjithçka është vërtet e bukur. Në fakt është përtej së bukurës. Është fenomenale! he tani fillo të jetosh magjinë në jetën tënde. — nga libri Fuqia Jeta është më e thjeshtë nga sa ti e mendon, dhe ndërsa arrin të kuptosh sesi ajo funksionon e gjithashtu Fuqinë që ke brenda vetes, do të mund të përjetosh magjinë e jetës në gjithë plotshmërinë e vet pikërisht atëherë do të kesh një jetë të mrekullueshme!
Çmimi: 1000 Lekë
titleToAlt
Tek furgoni m'u bë zemra mal teksa pashë banorët e "Unazës" që ishin ende përballë rajonit duke protestuar. Për një çast e harrova të keqen që më kishte zënë për të parën herë në jetë dhe që s'e kisha përfytyruar kurrë, pasi rrugën time që nga shkolla e politikës, e mendoja se do kalonte nëpër kancelari, tribuna konferencash apo takime të përmalluara me elektoratin. Por kurrë arrestim! Shqipëria jetonte një kohë tjetër nga ajo që shënonte në kalendar.
Çmimi: 700 Lekë
titleToAlt
Kjo është historia e një vajze që kishte gjithçka, por donte dhe më. Edhe një "gjër" të fundit...
Çmimi: 1000 Lekë
titleToAlt
Në qytezën e Kadillakut, e vetmja gjë më pikante se specat halapeno, janë thashethemet. Stela është një kokëkuqe çapkëne dhe e bukur, e cila nuk do të dijë se ç'thonë bota dhe nuk jeton për këtë, por e ëma e saj, Nensi, nuk mendon aspak kështu. Ajo jeton vetëm për ta parë vajzën e saj të vetme, të martuar, të lumtur dhe me një familje të bukur. Pikërisht ky merak do të bëhet shkas që ajo të bëjë një gabim të pafalshëm, i cili do të sjellë vërdallë një qytet të tërë dhe do ta detyrojë edhe Stelën, moskokëçarësen më të madhe që keni njohur ndonjëherë, ta mbajë të fshehtë burrin që dashuron. Por cili është ma'shkulli misterioz që i ka rrëmbyer zemrën asaj dhe si do t'ia dale Stela të sabotojë planet e së ëmës?
Çmimi: 1000 Lekë
titleToAlt
Romani i Natsuo Kirino "Përtej" tregon një histori rrëqethëse krimi në periferi të Tokios. Katër gra punojnë në turnin e natës në një fabrikë ku përgatiten dhe paketohen ushqime të gatshme. Të ngarkuara deri në fyt me punë dhe me borxhe, të izoluara nga bashkëshortët dhe fërnijët, të gjitha ëndërrojnë të gjejnë një zgjidhje në jetën e tyre pa rrugëdalje. Një nënë e re në kulmin e dëshpërimit vret bashkëshortin e saj imoral dhe kumarxhi dhe i rrëfen krimin njërës prej kolegeve të saj, Masako Katorit. Masako e ndihmon shoqen e saj duke kërkuar ndihmën e shoqeve të tjera që të copëtojnë trupin dhe të zhdukin provat pa lënë asnjë gjurmë të viktimës. Kur policia zbulon disa pjesë të trupit, problemet ndërlikohen edhe më shumë. Katërgratë, bashkëpunëtore në krim, përveç policisë duhet të shqetësohen edhe për një fajdexhi që ka lidhje me jakuzan, i cili pasi zbulon sekretin e tyre do ta përdorë për përfitimet e veta. Romani merr një kthesë të papritur tensionuese kur katër gratë vihen në shënjestren e pamëshirshme të pronarit të një klubi nate, të cilit policia i ka ngarkuar krimin. Për shkaktë tyre ai ka humbur gjithçka dhe tani është i etur për hakmarrje. "Përtej" është një thriller psikologjik që zbulon skutat më të errëta të shpirtit njerëzor, një përkujtues turbullues që dëshira e dëshpëruar për liri mund të bëjë edhe njeriun më të zakonshëm të bëjë të paimagjinueshmen. Natsuo Kirino, e quajtur ndryshe si "mbretëresha e romaneve të krimit japonez" zotëron me mjeshtëri humorin e zi në këtë narratim gozhdues por edhe kompleks, e cila kombinon një vështrim bindës në botën e hikshme të jakuzës me një portretizim të shkëlqyer të psikologjisë së krimit të dhunshëm.
Çmimi: 1200 Lekë
titleToAlt
"Shpirtra të flakur" nga HWANG SOK-YONG është një kritikë e hapur ndaj shoqërisë moderne, përdorimit që ajo i bën individit dhe braktisjes së tij si diçka pa vlerë. Ngjarjet na çojnë në periferitë e Seulit, metropolit të Koresë së Jugut dhe "mrekullisë së lumit Han", duke na lejuar që të kuptojmë se çfarë fshihet pas zhvillimit të shpejtë ekonomik të vendit. Romani na zbulon në detaje të imtësishme edhe anën pikëlluese të 'kësaj bote: rritjen e vazhdueshme të malit të plehrave që ngrihet çdo ditë e më shumë para syve tanë. Në qendër të romanit është "Sypordha", një katërmbëdhjetë vjeçar "metropolitan" i cili zhvendoset bashkë me nënën e tij në barakat e varfra të komunitetit të Naxhidos, i quajtur ndryshe Ishulli i Luleve, sepse babain ia kanë internuar në një kamp riedukimi. Edhe pse është një vend me bimësi të pasur shërben si qendër e grumbullimit dhe përpunimit të plehrave. Personazhet janë të detyruar të sigurojnë jetesën e tyre duke rrëmuar çdo ditë në mbeturinat që hedhin njerëzit. Shpirtrat e tyre, të flakur dhe të përbuzur nga kjo bote, arrijnë të krijoj- në një mikroklimë të pasur dhe situata tragji-komike, që shërbejnë si testament për zhvillimin dhe inte-grimin e pashmangshëm të tyre me pjesën tjetër të shoqërisë.
Çmimi: 700 Lekë
titleToAlt
"Të bukur dhe të mallkuar", botuar për herë të parë më 1922, është romani i dytë i shkrimtarit F. Scott Fitzgerald. Ai eksploron dhe portretizon shoqërinë e kamur amerikane nëpërmjet dy personazheve, aspirantëve aristokratë të Epokës së Xhazit, Antoni dhe Gloria Paç. Që të dy, burrë e grua, personifikojnë shoqërinë e zvetënuar njujorkeze të viteve '20, të shekullit të kaluar: janë të pashëm, sipërfaqësorë, në kërkim të kënaqësive dhe të vanitetit. Në pritje të një trashëgimie të madhe, të lënë nga gjyshi i Antonit, ata jetojnë përtej caqeve të tyre ekonomike. Shoqërues të ditëve të tyre bëhen alkooli, ballot, festa, luksi dhe kumari. Por kur trashëgimia nuk vjen, jeta e tyre shndërrohet në kërkim të ankthshëm të pasurisë dhe aleancat e brishta fillojnë të këputen. Romani është frymëzuar pjesërisht nga marrëdhënia e Fitzgeraldi-t dhe bashkëshortes së tij, Zelda-s. Të dy personazhet evokojnë një portret të gjallë të një bote të humbur: një qytet ku gëlon vesi, një shoqëri pa krye e pa drejtim dhe një brez dekadent i parrënjë. ... nuk mund të kesh gjithçka, nuk mund të kesh kurrëgjithçka. Ngase dëshira të mashtron. Eshtë si një rreze dielli që hidhet sa andej-këndej nëpër dhomë. Ndalet dhe praron ndonjë send të parëndësishëm, ndërsa ne budallenjtë përpiqemi ta rrokim, por kur e bëjmë, rrezja zhvendoset mbi diçka tjetër dhe ty të mbetetpjesa e parëndësishme, por vezullimi që të bëri ta dëshiroje, nuk është më...
Çmimi: 1200 Lekë
titleToAlt
Ulliri, pema e dhimbjes i Dhimitër Anagnostit është libri i një" Mjeshtri. Kjo ishte e para gjë që mendova pasi kisha përfiinduar leximin e pare. Në një moshë të caktuar, është shumë e vështirë qc leximi apo format e tjera të komunikimit me artet fisnike të të emocionojnë deri në atë shkallë sa të të pengojnë për të menduar si përftues kritik. Dhimitër Anagnosti është, njëherësh, i papërsëritshmi në rrëfim: shkruan shkurt, por me një shqipe dinjitare; rrëfen shpejt, si në dritë të vetëtimës, por duke krijuar karaktere; është dëshmitar ngjarjesh, por vepra e tij nuk mund të merret si letërsi dëshmuese, sepse e tejkalon cilësisht regjistrin e rrëfimtarit dëshmues, duke e lartësuar veten te krijuesi i karaktereve. Pas Migjenit, zor se mund të gjendet ndonjë autor tjetër që me minimumin e mjeteve të shprehjes t'i ketë dhuruar lexuesit maksimumin e gjendjeve, situatave dhe të njerëzve, si Anagnosti.
Çmimi: 800 Lekë
titleToAlt
Libri i firmëtarit të Deklaratës së Pavarsisë Hajredin bej Cakrani me titull "Kujtimet e një firmëtari" është botimi më i ri që vjen tashmë në duart e lexuesve të apasionuar të ngjarjeve historike. E shkruara nga një prej dëshrnitarëve historikë të shumë ngjarjeve, si ajo e Pavarësisë por jo vetëm, ato vijnë për lexuesin në një mënyrë si nuk e kemi parë ndonjëherë. Hajredin bej Cakrani, një përfaqësues i denjë i aristokracisë shqiptare, nuk është thjesht një dëshmitar i ngjarjes më të rëndësishme të historisë 500-vjeçare të Shqipërisë, por si një pjesëmarrës aktiv në zgjimin e ndërgjegjes kombëtare dhe mëvetësisë nga Perandoria Otomane, ai përshkruan në mënyrë realiste përpjekjet e mëdha të të gjithë atyre që kërkonin një Shqipëri të lirë, të pavarur dhe natyrisht më të mirë. Si rrallëkush nga dyert e bejlerëve, Hajredin bej Cakrani kishte kuptuar se mëvetësia nuk ishte thjesht një çështje politike, por në radhë të parë edhe iluminimi i popullsisë së prapambetur shqiptare të kohës dhe dituria e brezit të ri. Së bashku me të vëllanë, një tjetër figurë mjaft interesante por ende pak e njohur, Bektash bej Cakranin, ata hapën një prej shkollave të para në shqip duke financuar jo vetëm për ngritjen e saj, por edhe për një sërë mësuesish. Në historiografinë tejet të varfër shqip¬tare të fillimshekullit të XX rrallëkush ka lënë dëshmi kaq të qarta, interesante dhe personale mbi përpjekjet që sollën Pavarësinë.
Çmimi: 2000 Lekë
titleToAlt
Emigrimi i Ngjalave, vepra e shkrimtarit shqiptar të Maqedonisë Luan Starova, ndjek historinë e familjes së autorit në brigjet e liqenit të Ohrit, të ndarë sipas dëshirave të jetës dhe të vdekjes të perandorive të ndryshme që kanë ardhur njera pas rjetrës mbi brigjet e tij. Emigrimi i Ngjalave të Luan Starovës është një prej ndihmesave më rë mira për studimin e kufijve ballkanikë dhe të paarsyeshmërisë së ekzistencës së tyre, në një mënyrë të tillë sa, simbolika e mërgimit të ngjalave, e njohur që prej lashtësisë, tashmë, falë kësaj vepre, zë një vend të rëndësishëm në historinë e kufijve. Ai që e braktis Ballkanin e di se nuk do të rreshtë pa e marrë atë brenda vehtes - kjo është njëherësh edhe arsyeja e ikjes edhe arsyeja e rikthimit.
Çmimi: 1800 Lekë
titleToAlt
Burime të panjohura ose pjesërisht të përmendura arkivore (Sarajevë: Guca Gora, Kraljeva Sutjeska e Livno; Romë: Arkivi Historik i Urdhrit Françeskan Arkivi i Qendrës së studimeve për Shqipërinë pranë Accademia de Lincei), plotësojnë atë pjesë të profilit krijues të Fishtës trajtuar pak ose sipërfaqshëm prej kritikës, por (sidomos) japin mundësinë e leximit sipas këndit të privilegjuar të fakteve, të disa aspekteve të aktivitetit letrar të Fishtës, vështruar sipas erërave politike të çastit. Një pjesë e kërkimeve për jetën dhe veprën e Fishtës, kryer nëpër arkiva të Kroacisë, Bosnjës dhe Romës, u botuan në formë të dhënash anësore në ndihmë të botimit të veprës studimore për eposin e Gj. Fishtës (2007), dhe një pjesë tjetër u botua ndër vite, në formë artikujsh të shkurtër në periodikë divulgativë apo shkencorë.
Çmimi: 1000 Lekë
titleToAlt
Është një surprizë e këndshme kjo që do të ndodhë me ju, kur e merrni në dorë vëllimin me tregime e poezi te shkrimtarit e poetit Ismail Life. Jo më kot autori e ka titulluar Verë dhe Dashuri, pasi sapo të filloni leximin e tij do të mahniteni nga efekti çudibërës i verës, kësaj pijeje që ushqen dhe rrit dashurinë, që hënë, që tok me shijen e saj, të kalojë në qenien tuaj një magji, që nuk ka emër tjetër veçse dashuri. Dhe dashuria miqtë e mi është ndjenja që na bën të dëshirojmë e të ngopemi me lumturi, është ndjenja sublime që e bën njeriun të tjetërsohet e të mbajë jetën gjallë me të gjithë hijeshitë e larmitë e saj dhe këtë mund ta shijojë vetëm një i dashuruar.
Çmimi: 750 Lekë
titleToAlt
Një galeri e pasur personazhesh të paharrueshëm: njerëz që duket sikur i janë dorëzuar banalitetit të një jete monotone, por që në të vërtetë fshehin përbrenda dëshirën e zjarrtë për t'u kuturisur në kërkim të të panjohurës, të diçkaje ndryshe. Pas vellos banale të jetës së tyre të përditshme, autorja sheh atë çka trondit e shqetëson rendin e gjërave, kthen befas përmbys gjithçka në ekzistencën e tyre, duke i bërë kuptojnë se s'janë më të sigurt për atë që ndodh përreth. Secila prej historive të përmbledhura në këtë liber shpalos talentin e madh të një prej shkrimtareve më origjinale të mijëvjeçarit të ri.
Çmimi: 900 Lekë
titleToAlt
"Romani më i ri i shkrimtarit Ylljet Aliçka, "Metamorfoza e një kryeqyteti", është me të vërtetë i ri per pmrjet dhe të shkruarin, ku ngërthehen ndryshimet e befta sociale me humorin gri, ngjarjet që duket sikur mbërrijnë deri në çastin që po lexojmë, me personazhe që na ngjajnë se i njohim, aq sa mëdyshemi se mos janë vetvetet tona të maskuara. Çështjet që shpalos, realizmi çehovian, ironia e pamëshirshme ndaj alienimeve dhe shtirjeve, stili i veçantë e shpotitës etj., e çojnë këtë roman mes arritjeve më të mira të të gjitha botimeve në letërsinë e postdiktaturës, kohë e cila bën anti-heronj dhe që ata me groteskun e tyre e zhbëjnë. Po, po, dëshmohet këtu me një buzagaz të dëshpëruar".
Çmimi: 1000 Lekë
Të gjitha të drejtat e rezervuara. © 2015 Librari Albania