titleToAlt
Nga autori: “ Ky liber synon te jete nje kontribut modest ne vorbullen e debatit mbi reformen ne sistemin e drejtesise. Projektamandamentet kushtetuese te prezantuara fillimisht ne vitin 2015 pothuajse prekin çdo institucion te sistemit te drejtesise..."
Çmimi: 2000 Lekë
titleToAlt
Libri është i përbërë nga 100 analiza dhe është një vështrim i thellë analitik për zhvillimet më të rëndësishme politike dhe diplomatike të rajonit tonë gjatë dhjetë viteve të fundit. Është hera e parë, që në një botim antologjik deshifrohen zhvillimet e reja rajonale në një interpretim dhe në një këndvështrim diplomatik me vulë shqiptare. Personalitetet e historisë dhe diplomacisë njëzëri thanë se analizat dhe interpretimi i zhvillimeve në rajon i jep librit peshën dhe vlerën e një manuali tepër të dobishëm diplomatik. Në të gjitha analizat e tij për zhvillimet në vende të veçanta apo në raportet e vendeve të Ballkanit me njëri-tjetrin apo me fuqi jashtë Ballkanit, autori është nisur gjithmonë nga këndvështrimi i efekteve që kanë apo mund të kenë këto zhvillime për interesat e Shqipërisë dhe të kombit shqiptar.
Çmimi: 1000 Lekë
titleToAlt
“ Si përgjatë makthit të partisë unike ashtu dhe nën anarkinë liberale që e zëvendësoi atë,e njëjta shpërbërje morale që i zhvlerëson personazhet e Aliçkës. Absurdi me të gjitha format e tij që të çon tinëzisht drejt poshtërsisë."-Jean SouMin, “Le Monde" "Trembëdhjetë tregime nga ku kupton se ideologjia s'është veçse një guaskë boshe.''-Pierre Hazan, “Le Temps" “Shumë shpejt Aliçka po shndërrohet në një nga tregimtarët më në zë të paskomunizmit. Për dobësitë njerëzore dhe qëndrimin ndaj pushtetit Aliçka tregon për Shqipërinë më shumë se sa gjithë ç'është botuar në Poloni. Nën penën e tij mund të ndodhë gjithçka...”Mylada Jedrysik, “Gazeta Wyborcza" “Një venë tragji-komike që provokon një qeshje të hidhur."-Stefano Pasta. “Corriere Della Sera” “Si te tregimet e Heminguejit, në librat e Aliçkës mbizotëron dialogu, habia, racionalja...”-Filip Simeçek "Cultura.cz" "Tregime të shkurtra të një letërsie të madhe."-Ryszard Kapuscinski, Varshavë “Nën groteskun e kapur me elegancë, shqiptarët në librin e Aliçkës na shfaqen të natyrshëm..."-Hans Georg Herman, "Frankfurter Allgemine Zeitung"
Çmimi: 1000 Lekë
titleToAlt
Gjatë 35 viteve të punës në shërbimin e jashtëm më ka bërë përshtypje se, megjithëse e ndeshim gjithnjë e më shumë në veprimtarinë e përditshme, sërish ka një mungesë të madhe njohjeje mbi diplomacinë. Shpesh kjo e fundit njehsohet gabimisht me politikën e jashtme; në raste të tjera, sidomos nga bashkatdhetarë, veprimtaria e një ambasade kufizohet ose ngatërrohet me shërbimin konsullor, pa dyshim tejet i rëndësishëm, por jo i vetmi; ka të tjerë që mendojnë vetëm për privilegjet dhe favoret e diplomatit, por jo për sakrificat dhe privimet e tyre familjare dhe njerëzore; gjatë vizitave të tyre në selitë tona diplomatike, shumë të tjerë, e sidomos të reja e të rinj janë habitur kur kanë parë se diplomati merret edhe me gjëra të thjeshta dhe fare teknike, si hartimin e Notave Verbale, me pritje e përcjellje në aeroport, me rezervim hotelesh dhe veprime të tjera rutinore të ngjashme. Nga ana tjetër, zhvillimet dhe ndryshimet e hovshme që kanë ndodhur edhe në diplomaci e kanë shtuar ndjeshëm kureshtjen, dëshirën dhe nevojën për të ditur më shumë mbi këtë fushë ende të panjohur mirë. Në Shqipëri kjo është edhe më e nevojshme, sidomos për të rinjtë, gazetarët, opinionbërësit etj. Moskuptimi apo keqinterpretimi, qoftë dhe pa dashje i dukurive të ndryshme në këtë fushë me ndjeshmëri tejet të lartë, bart pasoja për shoqërinë, diplomacinë dhe opinionin publik. Vërtet që ka botime dinjitoze nga autorë të njohur vendas dhe përkthime të literaturës ndërkombëtare; gjithsesi ato janë të një niveli disi të sofistikuar e më tepër me natyrë akademike. Kështu që ato mund t’i “përtypë” vetëm një kategori e kufizuar profesionistësh. Të gjitha këto dhe të tjerë faktorë, përvoja e gjatë në këtë fushë, inkurajimi nga miq e kolegë dhe tre librat e mëparshëm të këtyre viteve të fundit, më dhanë nxitjen dhe “karburantin” e nevojshëm për t’i hyrë punës për këtë sprovë jo të lehtë.
Çmimi: 700 Lekë
titleToAlt
Me këtë libër të A. Italo Sulliotit, të lënë në harresë dhe njëherësh “të vjelur e të mjelur” lexuesit shqiptar i bie në dorë një nga dëshmitë më autentike të reporterit për ngjarjet shqiptare të viteve 1914-s, që mbartin ende plot të fshehta dhe enigma historike.
Çmimi: 800 Lekë
titleToAlt
Libri paraqet një inkursion në veprimtarinë diplomatike të këtij ambasadori, njohës shumë i mirë i hapësirës ballkanike dhe asaj ish-sovjetike. Duke lexuar për misionet e tij në Shqipëri dhe ish Bashkimin Sovjetik, do të kuptojmë më mirë problemet specifike të Europës juglindore, në përgjithësi, dhe Shqipërisë, në veçanti, përgjatë historisë moderne. Kësisoj, duke hetuar përmes pyetjeve të mia, disa herë jokomode, ambasadori rikujton mbi 50 vjet diplomaei, në kontekstin shoqëror para vitit 1989 dhe pas 1990-s, klimën ekonomike, politike dhe kulturor, takimet e paharrueshme me figura të ndryshme politike të kohës, firmosje traktatesh, vështirësitë, emocionet dhe netët pa gjumë para një ngjarjeje të rëndësishme. Mund ta quani si një ftesë për të depërtuar në botën e magjishme dhe pengesat e diplomacisë reale, për të njohur botën hijerëndë të burrave me kostum të zi dhe këmishë të bardhë, të atyre që janë të detyruar t'u nënshtrohen kanoneve gjuhësore, të pinë dhe buzëqeshin në mënyrë protokollar.
Çmimi: 1000 Lekë
titleToAlt
Libri më i fundit i Brzezinskit reflekton talentin e tij për të shpleksur çështjet e ndërlikuara historike dhe forcën e tij në përkrahje të zgjidhjes së tyre. “Vizioni strategjik” është një vështrim i qartë, i gjallë, i vendit të Amerikës në botën e sotme. Një nga strategët e paktë, nga mjeshtrit e vyer të Amerikës, na pikturon një tablo bindëse të një bote gjithnjë e më të ngatërruar në të ardhmen dhe na paraqet një politikë të Shteteve të Bashkuara për ta kontrolluar atë. I ngjeshur, i mprehtë dhe i logjikshëm. Kjo është një analizë e thellë, nxitëse dhe stimuluese, që duhet lexuar nga të gjitha ata që lidhen me stabilitetin dhe zhvillimin global.
Çmimi: 1000 Lekë
titleToAlt
"A gjendemi në Rrugicën e Maces?" - pyet Manuel Montobbio në faqet e para të këtij libri të shkëlqyer. "Përtej metaforës, ndodhemi të paktën përballë katër pasqyrave konkave dhe konvekse, përballë lenteve, përmes të cilave shohim veten, të tjerët dhe botën. Shohim botën e Perëndimit dhe konstruksionin e universalitetit të tij të pretenduar; shohim botën e Orientalizmit dhe orientalizmat, nëpërmjet të cilave që nga Perëndimi shohim Lindjen, pohojmë dhe përkufizojmë Tjetrin; shohim botën e Oksidentalizmit dhe oksidentalizmat, përmes të cilave të tjerët shohin dhe përkufizojnë Perëndimin; shohim botën e "vlerave aziatike", deklarimi i të cilave që nga Azia pretendon të mbështesë dhe të afirmojë një universalitet apo vlera kolektive ndryshe nga vlerat e deklaruara si universale prej Perëndimit dhe për Perëndimin."
Çmimi: 1000 Lekë
titleToAlt
Për mbi katër dekada, “Politika ndërmjet Kombeve” është konsideruar nga shumë njerëz si teksti kryesor i politikës ndërkombëtare. Tani në botimin e tij të gjashtë, temat e tij kryesore, që përfshijnë edhe interesin kombëtar dhe pushtetin, janë të zakonshme për zbatuesit e politikës së jashtme. Në të njëjtën kohë ka filluar të ndihet edhe vlera e tij për një publik akoma më të gjerë.
Çmimi: 1450 Lekë
titleToAlt
Është një vepër e veçantë dhe e jashtëzakonshme: rreth 700 faqe të mbushura me kërkime dhe referime historike, biografike e simbolike. Eshtë një kryevepër që lidh të gjitha pikat dhe zbulon lidhjet e fshehura mes personazheve, ngjarjeve dhe tematikave që, në dukje, nuk kanë asgjë të përbashkët mes tyre dhe tregon se të gjitha elementet lidhen në mënyrë të përsosur mes tyre. Vetëm kur çdo pikë të jetë lidhur me tjetrën, do të na shfaqet para syve kuadri i përgjithshëm mahnitës. Nuk mund të bëjmë gjë tjetër veçse të mbetemi gojëhapur ndërkohë që, faqe pas faqeje, lcke na zbulon të vërtetat rreth çdo gjëje, nga ngjarjet e historisë së lashtë deri te Interneti holografik që sundon në realitetin tonë. Konspiracioni global, që synon vendosjen e një shteti oruellian, nuk është thjesht "teori". Përkundrazi, është një fakt që mbështetet nga një varg i pafundmë provash dhe përvojash të përditshme. Një rrjet familjesh të lidhura mes tyre, origjinat e të cilave vijnë që nga epokat e largëta, po manipulon ngjarjet përmes politikanëve kukulla dhe personazheve të njohura, dhe po përpiqet kështu të vendosë në mbarë botën një tirani të përgatitur prej kohësh. Por ditët e qëndrimit të tyre në hije tashmë kanë marrë fund. David lcke hedh dritë mbi popullin e hijeve dhe i jep fund kësaj fshehtësie kaq thelbësore për suksesin e tyre. Kush jemi? Ku gjendemi? Përse bota është kështu si është? Vazhdo të lexosh. David lcke është studiues i historisë së fshehtë dhe konspiracioneve, gazetar i njohur dhe konferencier. Pasi ka punuar për kanalin BBC dhe media të tjera, sot zëri i tij përfaqëson një nga alternativat më domethënëse ndaj informacionit zyrtar. Në të gjithë botën numërohen miliona lexues të këtij autori dhe veprave të tij të shumta: "Sekreti më i madh", " Dashuria e pafundme është e vërteta e vetme, gjithçka mbetet është vetëm iluzion", "Liza në botën e çudirave dhe shkatërrimi i Kullave Binjake", "Bijtë e Matriksit", "Unë jam vetvetja, Unë jam i lirë", "Kronika nga spiralja e kohës"etj.
Çmimi: 2100 Lekë
titleToAlt
Elisabetta de Paulay, vajza e drejtorit të Teatrit Kombëtar të Budapestit, debutonte fare e re në skenë në rolin e Zhulietës së tragjedisë shekspiriane. Detyrohet të largohet nga Hungaria pas revolucionit të Bela Kunit, duke braktisur kështu skenën pas sukseseve të panumërta, për të nisur një jetë të re, përkrah bashkëshortit të saj Vittorio Cerruti, në atë kohë ambasador i Italisë në Pekin. Karriera diplomatike e ambasadorit do ta çonte nga Pekini në Moskë, nga Rio de Zhaneiro në Berlin e Paris. Ishin vite intensive për diplomacinë italiane dhe ajo me një finesë të shkëlqyer përballoi ngjarjet në sallonet më të rëndësishme të historisë, duke grumbulluar një material të çmuar. Falë kulturës, inteligjencës, humorit, elegancës dhe angazhimit të saj, luajti rolin zyrtar në marrëdhëniet e ngatërruara diplomatike të kohës. Ashtu siç thotë Elisabetta Cerruti në këto kujtime: "... ishte ulur pranë tyre, në ato ditë të stuhishme për botën". Lexuesi ka mundësinë që, nëpërmjet penës së shkathtë të autores, me ngjarje, situata e dialogë realë apo tablo tejet interesante e të vërteta, të njohë shumë njerëz të pushtetshëm të kohës, si Hitleri, Himleri, Stalini e Musolini, apo bashkëpunëtorët e tyre të afërt.
Çmimi: 800 Lekë
titleToAlt
Me këtë botim synohet të analizohen dhe të paraqiten në një mënyrë të përmbledhur zhvillimet më të spikatura të jurisprudencës së GJEDNJ në lidhje me nenin 8 të Konventës që ka të bëjë me të drejtën për respektimin e jetës private dhe familjare.
Çmimi: 800 Lekë
titleToAlt
Çmimi: 900 Lekë
titleToAlt
Shaban Murati është një nga diplomatët më te njohur që ka vendi ynë, me nje përvojë të jashtezakonshme dhe shumë te pasur në shërbimin diplomatik, edhe nje publicist shumë i njohur. Është shumë e rëndësishme që diplomatë me kaq eksperiencë te madhe i shkruajnë idetë e tyre. Shaban Murati, një prej ambasadorëve më te aftë, ekspert sipëror për politikën e jashtme dhe për çështjet ballkanike në veçanti, i vlerësuar si i tillë nga diplomate e analiste të huaj. Ai wshtw i afirmuar si një nga diplomatët tanë me me përvoje dhe një nga ekspertet më të mirë të problemeve ndërkombëtare e sidomos të Ballkanit. Ështe ndër tw paktët autorë shqiptarë, që ka ndjekur dhe ndjek prej dekadash të tera, në mënyrë sistematike profesionale, jetën, zhvillimet dhe problemet ndërkombëtare. Shaban Murati, diplomati, intelektuali, eksperti dhe ndër njohësit më të mirë të çështjes shqiptare ne trojet tona dhe atë, qoftë nga makro-perspektiva gjeopohtike dhe strategjike, qoftë nga mikro kosmosi operacional.
Çmimi: 700 Lekë
titleToAlt
Në një histori të trishtë të një shoqërie, kurrë nuk dihet se çfarë realisht është trishtimi, ashtu sikundër kurrë nuk do të mësosh ndonjëherë se cilat kanë qenë shkaqet e këtij trishtimi: ka qenë pasojë e një sistemi politik që nuk ka lejuar një brez të tërë të bëjë jetën e tij; ka qenë trishtim që ka ardhur nga një luftë e përgjithshme që të torturon ditë për ditë me bombardimet e me të vrarët në luftë; ka qenë fatkeqësi natyrore që ka krijuar një vështirësi tërësore për të vijuar jetën si një ecuri biologjike; apo, ka qenë, më në fund, një rrjedhojë normale e jetës e cila, si rregull, për të gjithë, ka udhëtarë të përbashkët: trishtimin, tmerrin dhe gabimin? Të gjitha këto mund të jenë, por, gjithsesi, unë në këtë Vëllim do t'i qëndroj pandarësisë se gjithçka e trishtë ka pasur një kuptim që vjen e krijohet nga kushtet detyruese të jetës që të imponojnë të tjerët. Kur jeta është imponim, ajo ka në brendësi të vet gjithmonë trishtimin, por, kur e di këtë, varet tërësisht nga ti nëse je apo jo i aftë për të dalë nga ky trishtim dhe për të qëndruar në një kohë që, ndonëse ikën për të të konsumuar jetën, nuk mund të ikë nëse ti ke ditur që ta mbushësh me mendimin tënd, me idetë e tua, dhe, më në fund, me krijimin tënd.Trishtimi në fakt, është injorancë, sepse të kap atëherë kur ti nuk je në gjendje të kuptosh fenomenin: tmerri është frika, që vjen nga kujtimi i vdekjes, sidomos kur ajo të kujton se është shumë pranë dhe kur e di se atë mund të ta shkaktojnë të tjerët që i janë imponuar jetës tënde; kurse, gabimi, është rasti i mosfunksionimit intelektiv të asaj që i themi zgjedhje. Cila prej tyre duhet të më përkasë mua? Është e vështirë, po në fund të fundit, pse duhet të imponohem? Unë po e ekspozoj, lexuesi le ta mendojë vetë. Gjithmonë brenda devizës sime: nuk imponoj asgjë, nuk propozoj asgjë, ekspozoj.
Çmimi: 1000 Lekë
Të gjitha të drejtat e rezervuara. © 2015 Librari Albania