titleToAlt
Vështirë t'ia kesh zili këtij njeriu zgjedhjen që ka bërë dhe frytet që ka mbledhur nga pema e dijes të së mirës dhe së keqes. Ai e di se vendin e tij e pret në të ardhmen një dozë vuajtjeje gjithnjë e më e madhe. Ballë për ballë me vetveten, e di se asnjë nga fjalët e tij nuk do të jetë me të vërtetë e vetja. "Unë jam gënjeshtar", mendon ai, dhe beson se për gënjeshtrat e tij vetëm determinizmi historik e ka përgjegjësinë. Mirëpo herë-herë e gërmon mendimi se djalli, të cilit ia shesim shpirtin, e gjen burimin e forces te vetë njerëzit dhe se determinizmi historik është një sajesë e trurit njerëzor.
Çmimi: 800 Lekë
titleToAlt
...po jua dhurojmë bashkërisht poezitë dhe pikturat, që dhe pse nuk janë bërë enkas për to, japin gjëndje të përbashkëta plot dritë... Kështu shkruan Edlira Zhiti në esenë e saj që shoqëron këtë përmbledhje me poezi nga Visar Zhiti dhe me piktura nga djali i tyre, Atjoni. Pra, tre autorë në një libër, që është për të gjitha moshat, shfletohet me ëndje dhe nga të rriturit ashtu siç ngazëllen të vegjlit dhe adoleshentët, duke patur brenda dhe një si udhëzues të vogël për marrëdhëniet e para të një mamaje me fëmijën, se si mund të rritet, me përkushtim nga një dashuri prindërore e shenjtë.
Çmimi: 500 Lekë
titleToAlt
Format e investimeve janë sa të shumëllojshme aq dhe të larmishme, sa të hapura aq dhe të mbuluara. Një nga format më të vjetra dhe që mendohet akoma në mëndjet primitive të njerëzve të sotëm, është investimi nga taksat. Në fakt kjo formë primitive, kish kohë që ishte zhdukur nga skena financiare moderne, por që u rifut përsëri në skenë pas Krizës së Madhe, sic u quajt kjo e këtyre viteve. Në fakt kjo skenë vazhdonte dhe vijon akoma në vendet e botës së tretë e të prapambetur siç është Shqipëria dhe disa vende të Afrikës. Format e tjera të investimit, dhe që vendet e zhvilluara nuk janë të interesuara që këto të aplikohen në vendet e botës së tretë, janë: investimet nëpërmjet aseteve, ku vlera e tyre zbritet në atë masë që e kërkon investimi. Një formë tjetër investimi, është kur firma nxjerr në shitje aksionet e saja, pra ndan pronësinë me të tjerët, veprim ky që bëhet nëpermjet bankës e në lidhje me bursën. Një formë tjetër investimi është ajo nëpërmjet hedhjes në treg të obligacioneve, pra të asaj që do ndërtohet, prodhohet e më vonë edhe mund të shitet apo të futet në transaksione të tjera që e justifikojnë këtë shumë oblikacioni. Kështu, qeveria hedh në treg obligacionet e rrugëve, transportit, për të bërë një autostradë a rrugë.
Çmimi: 800 Lekë
titleToAlt
Nuk e dimë as pse u lindëm dhe as se çdo bëhet me ne pas vdekjes. Jemi të gjithë të humbur. Pyetjes çfarë bëj unë në këtë botë? përpiqet t'i japë pergjigje ky manual xhepi, që nuk ka ambicie tjetër veçse të përshkruajëme guxim, naivitet e ngazëllim, këtë botë që duket si e pavërtetë e ku na kanë flakur pa na pyetur. Manuali synon gjithashtu të japë sa të jetë e mundur edhe udhëzime të shkurtra nëmenyrë që të nxjerrim prej kësaj bote pak kënaqësi e në qoftë e thënë, edhe pak fisnikëri.
Çmimi: 1000 Lekë
titleToAlt
Çmimi: 1000 Lekë
titleToAlt
Autor i mbi dymbëdhjetë librave, George Steiner njihet sot si një ndër mendjet e mëdha të kohës sonë. Eseist, kritik letrar, romancier, fi lozof amerikan, i lindur në Europë, G.Steiner konsiderohet si një ndër fi gurat me ndikim më të madh në botën e sotme intelektuale. Disa prej veprave të tij si: The death of tragedy, After Babel etj., janë kthyer në pika referimi të kulturës bashkëkohore. Ky është libri i parë i George Steiner-it i përkthyer në shqip.
Çmimi: 600 Lekë
titleToAlt
“Publiku shqiptar jeton aktualisht në tri Shqipëri: Shqipërinë reale, Shqipërinë e ekranit dhe të gazetave dhe Shqipërinë që ndodhet midis tyre. Kjo e fundit nuk është as e para, as e dyta. Me librin e vet Roland Lami na jep pak nga të tria Shqipëritë. Por më shumë përpiqet të na zbërtheje sesi Shqipëria reale"përkthehet"në Shqipërinë e ekraneve, duke na zbuluar me esetë e tij një pjesë të këtij mekanizmi shndërrues. Duke vendosur në qendër të analizave të veta disa prej dukurive shoqërore më të spikatura, që kanë një rol të caktuar në këtë mekanizëm, autori na i jep ato në një optikë interesante: optikën e sociologjisë së komunikimit.”- Kosta Barjaba.
Çmimi: 900 Lekë
titleToAlt
Alber Kamy ishte thellësisht i interesuar ndaj çështjes nëse jeta ia vlente vërtet të jetohej në një univers, për të cilin ai besonte se ishte i pafe. Në këto ese që e vendosin rrjedhën e ngjarjeve në vendlindjen e tij Algjerinë, ai eksploron si bukurinë ashtu edhe absurditetin e gjendjes njerëzore.
Çmimi: 400 Lekë
titleToAlt
Ky libër trajton thellësisht çështjet më të vështira dhe më të diskutueshme të bestsellerit të Dan Brown-it Engjëj dhe Djaj. Për shembull: Sa i besueshëm është rindërtimi që i bën Brown-i historisë për reagimin e konklavës pas vdekjes së papës? Kush është varrosur vërtet nën varrin e Shën Pjetrit, kryepriftit të parë?
Çmimi: 800 Lekë
titleToAlt
Hipoteza se emri kombëtar shqiptar e ka prejardhjen nga simboli emblematik i shqiponjës duhet të vlerësohet drejt dhe jo të lihet në harresë dhe të anashkalohet. Në mbështetje të kësaj hipoteze janë rregullat gramatikore të fjalëformimit, shumë materiale të herëshme historike dhe etnografike si edhe psikologjia mbarëkombëtare. Mbështetësit e hiptezës se etnonimi shqiptar vjen nga ndajfolja "shqip" përpiqen ta mbrojnë idenë e tyre jashtë rregullsive të fjalëformimit të gjuhës amtare, gjë që natyrisht e besueshmërinë ndaj kësaj hipoteze.
Çmimi: 600 Lekë
titleToAlt
Libri përman dymbëdhjetë ese të ndara në dy seksione. Në libër trajtohet ajo që Kamy e quan “absurd”. Seksioni i parë përmban ese të lidhura me absurdin, vetëvrasjen, muret absurde dhe lirinë absurde ndërsa seksioni i dytë ilustron vepra dhe krijime absurde të autorëve të tjerë shkrimtarë dhe filozofë. Eseja prej të cilës ka marrë edhe emrin libri “Miti i Sizifit”, trajton historinë e Sizifit i cili dënohet nga zotat me një detyrë të pakuptimtë. Sipas Kamy, ai gjen lumturinë kur ndërgjegjësohet dhe pranon gjendjen e tij të pashpresë. Kamy krahason gjendjen e Sizifit me punën e përditshme dhe rutinat njerëzore në shoqëritë moderne që i skllavërojnë njerëzit dhe i bëjnë të harrojnë kush janë në të vërtetë.
Çmimi: 800 Lekë
titleToAlt
E mbajtur prej shumë studjuesve si ndoshta vepra më interesante e Stefan Zweig-ut. Një portret i shkëlqyer psikologjik e historik i Erazmit të Roterdamit, autorit të librit të famshëm «Madhështia e Marrëzisë», filozofit e teologut të njohur hollandez, një prej figurave më interesante e më komplekse të Rilindjes dhe të mbarë historisë intelektuale të Europës. Një portret i humanistit të madh, ndoshta të parit që e ndjente veten qytetar evropian, i atij që mbi të gjitha urrente çfarëdo fanatizmi fetar apo politik, ithtar deri në fund i lirisë së mendimit, çka bëri që thuajse askush të mos e donte. Një libër që ia del të japë një tablo mbresëlënëse të asaj epoke të shqetësuar e të trazuar, kur në Evropë ndodhi çarja e madhe mes katolicizmit e protestantizmit. Një libër i bukur që lexohet me një frymë. Erazmi nga Roterdami, dikur lavdia më e lartë dhe më e ndritur e shekullit të vet, sot - nuk mund ta mohojmë - nuk është më shumë se një emër. Veprat e tij të panumërta, të shkruara në latinishten e humanistëve - një gjuhë mbikombëtare që sot e ka mbuluar harresa - flenë të pashqetësuara në biblioteka. Ndoshta vetëm një nga librat e tij, që në të shkuarën ishin shumë të njohur, i flet ende kohës sonë. Personaliteti i tij, edhe ashtu i vështirë për t’u përcaktuar, për shkak të gjysmëhijeve dhe lëkundjeve, errësohet nga figurat më të fuqishme e më të vrullshme të reformatorëve të tjerë universalë, ndërsa jeta e tij private na jep fare pak të dhëna interesante. Njeriu i heshtur, që punon pa u lodhur, rrallëherë arrin të ketë biografi shumë tërheqëse. Por edhe veprimtaria e tij më e rëndësishme mund të quhet e harruar dhe e varrosur për mënyrën e të menduarit të ditëve tona, si guri i themelit që mbetet i fshehur nën ndërtesën e përfunduar. Duam, pra, të përshkruajmë këtu atë që ende sot, dhe pikërisht sot, na e bën të dashur Erazmin nga Roterdami, këtë të harruar të madh: faktin se, nga të gjithë shkrimtarët dhe mendimtarët e Perëndimit, ai qe i pari europian i vetëdijshëm, i pari që luftoi me vendosmëri për paqen dhe mbrojtjen e idealit humanist. Fati tragjik, që e nxori të mundur në luftën për një botë më të drejtë dhe më të harmonishme, na e bën më të afërt, sikur të na lidhte me të një ndjenjë vëllazërore. Erazmi ka dashur shumë gjëra që i duam edhe ne: poezinë dhe filozofinë, librat dhe veprat e artit, gjuhët dhe popujt. Dhe, mbi të gjitha, ka dashur pa dallim të gjithë njerëzimin, për një qëllim moralizues shumë të lartë. Urrente me gjithë shpirt vetëm një gjë, që ishte për të antiteza e arsyes: fanatizmin. Erazmi, njeri më pak fanatik se kushdo tjetër, mendje ndoshta jo shumë e lartë, por me dije shumë të gjera, zemër që shfaqte më fort dashamirësi të sinqertë sesa mirësi të zhurmshme, shihte në çdo shprehje intolerance mëkatin e parë të botës sonë. Për mendimin e tij, pothuajse të gjitha konfliktet në mes të njerëzve dhe popujve mund të shuhen pa dhunë, me anë të mirëkuptimit, sepse të gjithë kanë të përbashkët natyrën njerëzore. Çdo kundërshti mund të zgjidhet me mirëkuptim, po të mos e tendosin ekstremistët dhe të zemëruarit gjithmonë harkun e luftës. Prandaj, në fushën e fesë, të kombësisë ose të mendimit, Erazmi luftoi gjithmonë kundër çdo lloj fanatizmi, duke e shikuar si armikun e parë dhe kokëfortë të mirëkuptimit. Prandaj ai urrente çdo shprehje kryeneçësie dhe njëanshmërinë, pa përfillur a vinte nga njerëz të veshur me veladonin e priftit apo me togën e profesorit, mendjengushtësinë dhe fanatizmin e çdo klase e race, të gjithë ata që kërkojnë bindje të verbër ndaj idesë së vet dhe quajnë herezi ose krim çdo mendim që nuk pajtohet me të vetin. Siç nuk deshi t’ia impononte tjetrit idetë e veta, po ashtu qëndroi i patundur kur të tjerët deshën ta detyronin të shprehte bindje fetare ose politike që nuk ishin të vetat.
Çmimi: 580 Lekë
titleToAlt
Kjo ese është shkruar si një roman mbi nëntë pjesë të veçanta. Për artin e romanit është personazhi kryesor i librit: shpirti i humorit që ai kishte, marrëdhënia e tij misterioze me muzikën, etj. Tregimi i tij bëhet në tri faza. Libri shqyrton situata kyçe në epokën tonë, çështja morale ngrihet kundër artit të shekullit, kalimi i kohës e bën të pasigurt për identitetin e "unë", kujtesa si një formë e harresës, nocioni thelbësor i modestisë si një kohë e bazuar në pamaturinë e individit që të bëhet zakon dhe rregull, shpall muzgun e individualizmit, dhe fuqinë misterioze të vullnetit të dëshirë së fundit të njeriut të vdekur.
Çmimi: 1100 Lekë
titleToAlt
Në këtë botim do të gjeni një autobiografi të Faik Konicës dhe gjithashtu poezi dhe prozë poetike si: Flamuri, Helena e Trojës, Malli i Atdheut, Bora, etj. Më tej mund të lexoni portrete dhe proza të shkurtra si për shembull portrete të Abdyl Frashërit, Naim Frashërit, Ali Pashë Tepelenës, Fan Nolit, Bajrram Currit etj. Gjitahshtu botimi përmban edhe artikuj kritikë dhe ese të autorit si dhe disa përkthime dhe proza të gjata.
Çmimi: 1200 Lekë
titleToAlt
Vepra eseistike e Ismail Kadaresë “Eskili, ky humbës i madh”, së pari flet për fatin e hidhur të tragjedive të Eskilit e të vetë duke u përpjekur që pikërisht përmes fatit dhe figurës së tij ndonëse në një kohë më të largët ta rrënojë figurën e diktatorit Enver Hoxha dhe piramidën që kishte ndërtuar ai për 50 vite me radhë në Shqipëri dhe së dyti për afërsitë e grekëve me fqinjët e tyre të hershëm shqiptarë, në kuptimin e traditës. Sipas Kadaresë, shumë nga zakonet tona, ndër to edhe Kanuni i Lekë Dukagjinit burimin e kanë nga kanuni i lashtë grek ndonëse, sipas tij shqiptarët ishin ata që e ruajtën më me xhelozi atë kanun përshkak të rrethanave politike e historike në të cilat u gjendën shekuj me radhë.
Çmimi: 500 Lekë
titleToAlt
Një atlet Olimpik i 100 metrave, i duartrokitur në një stadium të madh mbushur me tifozë, bëhet gati të niset në sprint. Tek pedana, ai përkulet përpara, pothuajse rrafsh me tokën, duke vështruar në horizontin e largët; në mes të garës e drejton shtatin, e mban drejt si të ishte Mali i Bardhë; pastaj teksa i afrohet vijës së fundit të garës e harkon trupin mbrapsht, jo thjesht nga stërmundimi por për t'i thurur lavde simetrisë së fshehur të universit. Kështu ndodh edhe me ritmin energjik të poezisë së Czestavv Mitosz. Mitosz shkruajti kohë më parë: "Fëmija i strehuar brenda nesh beson se diku afër gjenden njerëz të mençur që e dinë të vërtetën." Në këtë çast të qindvjeçarit të tij, ai vetë është bërë një prej atyre burrave të mençur Ai foli vetëm për fëmijërinë dhe, sidomos, se si kalonte çdo mëngjes kufirin Poloni-Lituani me karrocë me kuaj për të shkuar në shkollë. Të kalonte kufijtë, si kasnec, ndërmjetës, bashkues, u bë aktiviteti kryesor i një njeriu jeta e jashtëzakonshme e të cilit rroku 93 vite, pesë vende, dy kontinente, shumicën e shekullit XX dhe vitet e para të shekullit XXI.
Çmimi: 900 Lekë
titleToAlt
Vepra e madhe "Agu i mëngjesit", ardhur në shqip në mënyrë të plotë dhe me një përkthim të bukur, është nga veprat e shkruara më me ndjenjë prej filozofit të madh Fridrih Niçe. Hap pas hapi, duke ecur përpara, bashkë me vepën dhe mendimet e shkëlqyera që parashtron, lexuesi gjen besimin që e udhëheq, sikur të ishte thjesht një ngushëllim apo edhe dëmshpërblim në luftën e paepur që bën kundër prapësive dhe të këqijave që vijnë në mënyrë të pashmangshme. Lexuesi ka ndjesinë se dëshiron një errësirë të gjatë për veten, dëshiron gjëra që i ndien si të tijat, gjëra të pakuptueshme, të fshehta, enigmatike, sepse e di çfarë do të përfitojë më pas nga këto: mëngjesin e tij, çlirimin e tij, agun e tij... Njeriu, lexuesi, pra, ka ndjesinë se agu do të kthehet dhe kjo është e sigurt, ndërkaq, pa e pyetur se çfarë ka aty poshtë, por me siguri që në fund do t'jua thotë me zë të lartë se ai "bëhet njeri përsëri". Lexuesi ndihet gjithashtu i duruar, edhe pse mezi pret, por mos harroni se atje poshtë askush s'të vjen në ndihmë, duhet t'i përballosh të gjitha vetë: rreziqet, rastësitë, ligësitë dhe të gjitha kohërat e këqija që has. Sepse, thotë Niçja, është vetëm jotja, dhe siç është e drejtë, edhe hidhërimi dhe ndonjëherë mërzitja që ndjen për shkak të kësaj që ndodh, por mes këtij hidhërimi dhe kësaj mërzie përfshihet, për shembull, pamundësia në të cilën gjenden miqtë e tu për të të gjetur se ku je, se ku po shkon dhe patjetër që habiten duke e shprehur hapur: "Si, ende po bën përpara? Ende ka rrugë?" Dhe... Niçja vijon të zbresë në thellësi, me një botë mendimesh të mrekullueshme...
Çmimi: 1000 Lekë
titleToAlt
Muhammad Yunus ose rrugëtimi drejt një bote pa të varfër Muhammad Yunus është krijuesi i konceptit të mikrokredisë ose"mikrofinancës" një nga konceptet më inovative dhe të rëndësishme të shekullit XX në sferën e luftës kundër varfërisë që po ndikon në përmirësimin e jetës së përditshme të disa qindra milionë njerëzve nëpër botë. Bota do ta cilësonte me respekt Muhammad Yunus si "bankieri i të varfërve". Të japësh hua për të varfrit, jo vetëm që është e mundur, por është dhe fitimprurëse. Sot, mbi 300 milionë njerëz përfitojnë drejtpërdrejt nga mikrokredia duke e diversifikuar aktivitetin e saj edhe në fusha të tilla si industria tekstile, telefonia, prodhimi i energjisë, etj. Falë mikrokredisë, mbi 75% e përdoruesve të saj arrijnë të dalin nga gjendja e varfërisë. Grameen Bank është shndërruar në një"uzinë fantastike idesh, iniciativash, shpresash e projektesh në favor të zhvillimit". Muhammad Yunus së bashku me Grameen Bank është fitues i Çmimit Nobel për paqe, në vitin 2006, për “Përpjekjet për promovimin e zhvillimit ekonomik e social në nivelet më nevojtare". “ -Adrian Civici.
Çmimi: 700 Lekë
Të gjitha të drejtat e rezervuara. © 2015 Librari Albania