titleToAlt
Në librin "Sapiens", Youval Noah Harari eksploroi të shkuarën tonë. Te "Homo Deus", ai hodhi vështrimin tek e ardhmja. Tani një nga mendimtarët më novatorë në planet i kthehet së tashmes për të kuptuar çështjet e saj më të nxehta. Si e ndryshojnë kompjuterat dhe robotët kuptimin e të qenit njeri? Si përballemi me epideminë e lajmeve të rreme? A janë kombet dhe fetë ende domethënëse? Çfarë duhet t'u mësojmë fëmijëve? "27 leksione për shekullin e 27" i Yuval Noah Harari-it është një hulumtim zhbirues dhe largpamës në problematikat më të nxehta të ditëve të sotme ndërkohë që lëvizim drejt hapësirave të panjohura të së ardhmes. Teksa teknologjia përparon më shpejt sesa vetë ndërgjegjësimi ynë rreth saj, pirateria informatike kthehet në një taktikë luftarake dhe bota ndihet më e polarizuar se kurrë, Harari na njeh me sfidat e rrjedhës së jetës në përballjen me ndryshimin konstant dhe të pa orientuar dhe shtron pyetje të rëndësishme ekzistencialiste që secili nga ne duhet t'ia bëjë vetes për të siguruar mbijetesën. Në njëzetë e një kapituj gjithëpërfshirës, e njëkohësisht provokues dhe të thellë, Harari shtjellon më tej tezat e shpalosura në librat e tij të mëparshëm, duke hedhur dritë mbi çështjet politike, teknologjike, sociale dhe ekzistenciale dhe jep këshilla se si të përgatitemi për një botë të së ardhmes krejtësisht të ndryshme nga e sotmja: Si mund të ruajmë lirinë e zgjedhjes kur Big Data na vëzhgon? Si do të duket forca punëtore e së ardhmes dhe si do të duhet ta përgatisim veten për këtë? Si duhet të përballemi me kërcënimin e terrorizmit? Pse është në krizë demokracia liberale? Aftësia unike e Hararit për të shpjeguar nga vijmë e ku shkojmë, ka ngacmuar imagjinatën e miliona lexuesve. Këtu ai na fton të marrim në konsideratë vlerat, kuptimin dhe angazhimin personal në një bote të tejmbushur me zhurmë dhe pasiguri. Kur rrethohemi nga informacione të pavërteta qartësia është pushtet. Paraqitja e sfidave komplekse dhe bashkëkohore në mënyrë të qartë e të kuptueshme, e bën "27 leksione për shekullin e 21" një libër thelbësor për t'u lexuar.
Çmimi: 1500 Lekë
titleToAlt
Komente rreth librit: Në këtë rrëfim plot shpirt dhe zbavitës... Johnson e ndërthur këndshëm historinë mes luftës, politikës dhe jetën vetjake. Observer Energjia e Çërçillit, përpjekja e tij e palodhur për emocionet, lavdinë dhe pushtetin, i kërkon shkrimtarit të apasionuar ta tregojë drejt historinë. Johnson-i është ky shkrimtar. Mail on Sunday I përkryer... Borisi është shkrimtar i shkëlqyer dhe ka një sens mjaft të kapshëm humori. Independent Një vepër shumë e lartë që na jep vlerësimin për arritjet e një njeriu të madh. Daily Telegraph Një arritje e përsosur... Johnson-i jo vetëm ka ngritur në qiell Çërçillin me këtë libër, por e ka rivalizuar me mjeshtërinë e tij. Financial Times Studimor por jo pedant, i shpejtë por jo pa peshë... një libër që të shpaloset me lehtësi Daily Express
Çmimi: 1200 Lekë
titleToAlt
Kur ishte vetëm një vajzë e vogël, e gjithë bota e Michelle Robinson-it ishte e mbyllur brencla Anës Jugore të Çikagos, aty ku ajo dhe i vëllai, Craig-u, ndanin së bashku një dhomëz në apartamentin e vogël të familjes dhe luanin ekakusheka në park. Pikërisht në këtë vend, prindërit e saj, Fraser dhe Marian Robinson-i, e mësuan të fliste haptas dhe të mos kishte frikë. Por shumë shpejt jeta e çoi tepër larg, nga sallat e Princeton-it, ku mësoi për herë të parë se çfarë nënkuptonte të ishe në një dhomë e vetmja grua me ngjyrë, deri te rrokaqielli ku punoi si avokate e fuqishme tregtare dhe ku, mëngjesin e një dite vere, një student i Juridikut me emrin Barack Obama, hyri në zyrën e saj dhe ia shpartalloi të gjitha planet. Në këtë libër, për herë të pare, Michelle Obama përshkruan fillimet e martesës, vështirësitë për të gjetur një ekuilibër mes karrierës, familjes dhe ngjitjes së vrullshme të të shoqit në politikë. Na zbulon debatet e tyre lidhur me mundësinë për të konkurruar për presidencën e Shteteve të Bashkuara dhe na rrëfen për popullaritetin që përjetuan dhe për kritikat që morën përgjatë fushatës elektorale. Me finesë, sens humori dhe një sinqeritet të pazakontë, Michelle Obama përshfaq gjithë jetën e një familjeje që, krejt befasisht, u ndodh nën dritat e projektorëve dhe përballë gjithë botes, si dhe tetë vitet më domethënëse në Shtëpinë e Bardhë, ku ajo e njohu më mirë vendin e saj, por edhe vendi i saj e njohu më mirë atë. Becoming - Të bëhesh, na shoqëron në një udhëtim nga kuzhinat modeste të Jovas te sallat e ballos në Buckingham Palace, nëpër çaste dhimbjesh therëse dhe provash qëndrueshmërie këmbëngulëse, duke na zbuluar shpirtin e një gruaje të veçantë dhe revolucionare, e cila lufton për t'u ndjerë mirë me veten, plotësisht e zonja për të vënë gjithë forcën dhe zërin në shërbim të idealeve më të larta. Duke rrëfyer me ndershmëri dhe kurajë, Michelle Obama na vë përpara një sfide: cilët jemi në të vërtetë dhe çfarë dëshirojmë të bëhemi?
Çmimi: 1800 Lekë
titleToAlt
Vepra më e lexuar dhe e diskutuar e Niccolo Machiavelli-t, shkruar në verën e vitit 1513, trajton sesi merret pushteti, si konsolidohet dhe si duhet të sillet një sundimtar me armiqtë, aleatët dhe nënshtetasit e tij. Ekziston një moral për atë që duhet të nënshtrosh dhe një moral për atë prin, që frymëzohet nga përgjegjësia për të mbajtur në këmbë një shtet të qëndrueshëm e në dobi të të gjithëve. «Në çdo shtet ka dy orientime të ndryshme politike: ai i popullit; që nuk dëshiron të shtypet nga fisnikët dhe këta të fundit që duan të sundojnë dhe shtypin popullin; nga këto dy dëshira të kundërta, lind një nga tri zgjidhjet e mundshme politike: principata (Urania), republika (demokracia), ose anarkia e plotë. Të gjithë e dinë sa e lëvdueshme është për një sundimtar që të mbajë fjalën e dhënë e të jetojë me nder, pa qenë dinak e gënjeshtar. Megjithatë, përvoja e ditëve tona ka treguar se ata që kanë arritur të përmbushin dëshirat e tyre, e kanë bërë duke mos i mbajtur premtimet e dhëna dhe duke mashtruar njerëzit. Një sundimtar i mënçur nuk mund dhe nuk duhet ta mbajë fjalën e dhënë, kur ajo bie ndesh me interesat e tij dhe kur shkaqet që e detyruan të jepte fjalën nuk do të ishin më në fuqi. Miqësitë e bazuara në këmbim të favoreve dhe jo në bazë të madhështisë dhe fisnikërisë së shpirtit, janë si diçka e marrë hua që nuk mund të shpenzohet. Mënyra më e lehtë për të qeverisur një shtet, i cili ka qenë i lire para pushtimit, është t'ua besosh qeverisjen qytetarëve të tij. Të jesh i mirë për të gjithë, do të thotë... të jesh i keq për vete.
Çmimi: 500 Lekë
titleToAlt
Për herë të parë, Hillari Klinton rrëfen përjetimet e saj gjatë një prej zgjedhjeve më kontroverse dhe të paparashikueshme në histori. Tanimë, e lirë nga çdo trysni, ajo flet për një garë presidenciale të mbushur me zemërim, seksizëm, ulje-ngritje të pazakonta dhe një kundershtar, i cili shkeli të gjitha rregullat e garës. Në këtë libër, ajo tregon se ç'do të thote të garosh kundër Donald Trampit, cilat ishin gabimet e saj, si e përballoi ajo atë humbje shkatërruese dhe si gjeti fuqi të mblidhte veten e të shihte përpara për të ardhmen; ç'sfida duhet të kalojë një grua për t'u shfaqur e fortë në sy të publikut të gjërë, kritikat për zërin, moshën dhe pamjen e saj, por, mbi të gjitha, për standardet e dyfishta me të cilat përballet një grua në politikë. Zgjedhjet e vitit 2016 në Amerikë u shënjuan nga një sulm i papreçedent në demokracinë e vendit, nga një kundërshtar i huaj. Duke analizuar faktet dhe duke vënë pikat mbi "I" Hillari Rodham Klinton tregon se sa i rrezikshëm ishte ai dhe pse Amerika duhet të dijë t'i mbrojë vlerat e demokracisë për të ardhmen.
Çmimi: 1400 Lekë
titleToAlt
Teodora Toleva ka mbrojtur Doktoraturën evropiane në Histori para komisionit të përbërë nga përfaqësues të Universitetit të Barcelonës, Universitetit të Londrës dhe Universitetit të Vjenës në shtator 2008. Studimet e saj i ka përqendruar te "Çështja Lindore", veçanërisht te çështja maqedonase, armene dhe shqiptare. Me interes për Dr. Tolevën janë studimi i Monarkisë së Habsburgëve dhe dukuria e emigracionit në histori. Gjatë shekullit XIX, për të krijuar shtetet e veta, kombet etnike luftojnë kundër perandorive, ndërsa gjatë shek. XX shtetet krijojnë kombet politike. Debati rreth çështjes se cili komb është etnik (natyral) apo politik (artificial) nuk pushon, sepse lidhet dhe me një çështje tjetër: sa historik dhe "shtetbërës" është një komb? Në Ballkan të paktën katër kombe janë politike - kombi shqiptar, kombi turk, kombi maqedonas dhe kombi boshnjak, gjë që tregon qëndrueshmërinë e procesit historik. Prej tyre tri të fundit kanë "etërit" e tyre: Qemal Ataturkun dhe Josip Titon, ndonëse jo të gjithë i quajnë këta "të ligjshëm". Ne këtë punim dr. Teodora Toleva ka ngërthyer dhe ka zbuluar me zotësi të gjitha aspektet e planeve dhe veprimeve të shumanshme të diplomacisë austro-hungareze, të cilat nxisnin aspiratat kombëtare të shoqërisë së ndarë shqiptare. Më së shumti, ato plane dhe veprimtari u shërbenin në mënyrë direkte ose indirekte interesave strategjike të kësaj fuqie të madhe në Ballkan. Misioni i Austro-Hungarisë në këtë drejtim është kompleks asaj i duhej të përballonte një varg faktorësh të jashtëm, të cilët pengonin realizimin e qëllimeve të saj politike (interesat e fuqive të tjera të mëdha në rajon, pozitat e Perandorisë Osmane, aspiratat e shteteve të reja kombëtare në Ballkan), si dhe faktorët e shumtë të brendshëm dezintegrues në shoqërinë shqiptare, të cilët kushtëzonin ndarjen tradicionale të saj dhe zgjimin e vonuar të ndërgjegjes mbarëkombëtare (struktura sociale fisnore, ndarja gjuhësore, copëtimi territorial, mungesa e gjuhës unike letrare dhe e një alfabeti të përbashkët, ndarja në tri fe, prapambetja ekonomike e shpirtërore, etj). Në misionin e vet, Austro-Hungaria e ka shumë të qartë se, për momentin, ndërhyrja aktive në favor të proceseve kombëtare-integruese në popullsinë shqiptare do të luajë rolin kryesor për zhvillimin dhe konsolidimin e ndërgjegjes kombëtare ndër elitën shqiptare, si edhe për drejtimin e këtyre proceseve në hullinë e interesave të veta strategjike në Ballkan, duke eliminuar konkurrencën e faktorëve të tjerë të jashtëm që kishin ushtruar dhe ushtronin ndikim mbi shoqërinë shqiptare.
Çmimi: 1500 Lekë
titleToAlt
Dr. Ylli Cabiri u lind në qytetin e Elbasanit në vitin 1950. Është diplomuar në Fakultetin e Inxhinierisë të Universitetit të Tiranës, dega "Mekanikë". Studimet e Thelluara Pasuniversitare i kreu në Francë, në Universitetin Paris XI, për "Metalurgji fizike". Fitoi vlerësimin "Shkëlqyer" nga Universiteti francez per Studimin e tij të Doktoraturës mbi Çeliqet shqiptare. Deri në vitin 1988, ka punuar si: Drejtues i Institutit të Studimeve dhe Projektimeve Siderurgjike, më pas Drejtor në Këshillin e Ministrave, Këshilltar i Ministrit të Bashkëpunimit me Jashtë dhe Zëvendësministër i Tregtisë së Jashtme. Në vitet e para të demokracisë, u emërua Ministër i Bashkëpunimit Ekonomik me Jashtë në dy Qeveri: Qeverinë e Stabilitetit, të drejtuar nga Z.Ylli Bufi, dhe Qeverinë Teknike, të drejtuar nga Z.Vilson Ahmeti. Më pas punoi si Këshilltar i Ministrit të Bashkëpunimit Ekonomik me Jashtë, Ekspert Ndërkombëtar i monitorimit dhe vlerësimit të financimeve të Bashkimit Europian në shtetet e ndryshme të Ballkanit, Këshilltar politikash i Ambasadorit të Organizatës së Kombeve të Bashkuara në Tiranë dhe Këshilltar i Kryeministrit. Që prej vitit 1999 ka punuar Drejtor Ekzekutiv dhe President i Qëndrës për Nxitjen e Zhvillimit Njerëzor (HDPC) në Tiranë. Ka drejtuar Studime të ndryshme thuajse në çdo fushë, si në atë të qeverisjes, koordinimit të ndihmes së huaj, decentralizimit të pushtetit, ndarjes territorialë, ecurisë së reformave, varfërisë dhe pabarazisë, punësimit, arsimit, formimit profesional etj. Ka bashkëpunuar me të gjithë donatorët e pranishëm në Shqipëri dhe ka kontribuar në vendet e Ballkanit mekontrata konsulence afat-shkurtra. Ekspert drejtues i Raporteve të Zhvillimit Njerëzor të Programit të Zhvillimit të Kombeve të Bashkuara për Shqipërinë dhe Kosovën. Ka qënë anëtar i Bordit të Fondacionit Shqiptaro - Amerikan, i përzgjedhur nga stafi i Presidentit Obama.
Çmimi: 2000 Lekë
titleToAlt
MADELEINE ALBRIGHT ka shërbyer në postin e Sekretares së Shtetit Amerikan nga viti 1997 deri më 2001. Gjatë karrierës së saj të shquar në qeveri, ka punuar në Këshillin e Sigurise Kombetare dhe si ambasadore e Shteteve të Bashkuara pranë Kombeve të Bashkuara. Ajo është autore e librit më të shitur të New York Times, "Zonja Sekretare. Ajo është themeluese e Grupit "Albright LLC", kryetare e Institutit Kombëtar Demokratik për Marrëdhenie me jashte, dhe profesoreshë e shquar e qendrës Mortara në Shkollën e Shërbimit të Jashtem në Xhorxhtaun. Banon në Uashington D.C. dhe Virxhinia.
Çmimi: 2000 Lekë
titleToAlt
Çmimi: 900 Lekë
titleToAlt
Njerëzit mund të vrasin mëndjen se çfarë fuqie e ka motivuar popullin kinez dikur të përçarë që të bashkohet për të bërë përpjekje efikase drejt një qëllimi të përbashket për më tepër se gjashtëdhjetë vjet. A ka këtu ndonjë sekret të panjohur për botën në lidhje me këtë mrekulli moderne? Praktikisht përgjigjja gjendet në përpjekjet e popullit kinez. I ashtuquajturi “sekret i mrekullisë kineze” lidhet me mendimin dhe përfundimet rreth përpjekjeve-si për të sukseshmin dhe përfundimet, ashtu dhe për të pasuskseshme-të Kinës për t’u modernizuar
Çmimi: 900 Lekë
titleToAlt
Kombi Kinez është më pranë se kurrë arritjes së synimit të tij të ripërteritjes së madhe. Ne zgjodhëm këtë periudhë kohore për të shqyrtuar me imtësi PKK-në, për të vëzhguar fjalët dhe veprat e saj, për të vlerësuarecurinë e saj,si edhe për të përdorur penën tonë që të shpjegojmë historinë e saj vlerësojmë gjëndjen e tanishme dhe regjistrojmë vlerësimin e popullit. Në këtë mënyrë, jemi përpjekur të krijojmë një vijimësi kohore mbi mënyrën se si PKK e mori pushtetin në Kinë dhe të përgjithësojmë përvojën e saj administrative për t’i përgjigjur pyetjes: Si e ushtron PKK pushtetin e saj në Kinë, duke shpjeguar në këtë mënyrë besimin tonë në rrugën, teorinë dhe sistemin e socializzmit me tipare kinezë
Çmimi: 900 Lekë
titleToAlt
Krijimi dhe qëllimi final i luftës kundër korrupsionit janë themelorë.Së pari, një qëllim i tillë orientohet nga rezultati. Sapo vendoset ky qëllim, njerëzit do të kërkojnë rezultatin konkret të luftës kundër korrupsionit që ushtron presion mbi veprimtarinë antikorrupsion dhe një presion i tillë shndërrohet në forcë shtyrëse. Së dyti, ky qëllim është final dhe i plotë. Pikërisht të udhëhequr nga një qëllim i tillë final u hartua “Programi 2013-2017 i punës për krijimin dhe parandalimin e korrupsionit” dhe u përcaktua një qëllim tjetër sfidues dhe kritik për pesë vjetët në vazhdim: Të mposhtim me vendosshmëri që në shënjën e parë përhapjen e korupsionit mbërriti më në fund dhe një periudhë tranzicioni për të shtyrë përpara punën drejt një cikli virtuoz dhe për të bërë të pa mundur të arrihet te qëllimi final i “integritetit politik”, të përcaktuar në kongresin e 18-të të PKK
Çmimi: 900 Lekë
titleToAlt
Problemet Gjeopolitike të Mesdheut u përkasin njëzet e pesë shteteve të këtij pellgu, prandaj janë edhe më të shumta, të ndërthurura e të mbarsura me rreziqe. Këtu, rivalitetet e pushteteve nuk mund të thjeshtëzohen në skemës Veri-Jug dhe as në rivaletetin midis botës se krishterë laike dhe asaj islamike. Për të kuptuar gjeopolitikën e Mesdheut, nuk duhet të mjaftohemi vetëm me kuadrin e Mesdheut, por të shohim më tutje. Matanë Mesdheut p.sh. në Irak, superfuqia amerikane ka dislokuar forcat e saj të përte-Atlantikut. Pra, duhen pasur parasysh edhe konfliktet që zhvillohën më larg Mesdheut, sepse pasojat e tyre ndihen edhe në Evropën Perëndimore
Çmimi: 1500 Lekë
titleToAlt
“Në politikë nuk ka asgjë të paqëllishme, dukuritë dhe rezultatet e aksionit të saj nuk janë vetëm afatshkurtra por janë afatmesme dhe afatgjata, justifikimi kur diskutohet për çështje për fatet e vendit nuk mund të justifikohet. Jemi përballë ngjarjeve historike. Një situatë e tillë nuk kërkon ego dhe ambicie pacelizuese partiake, por një veprim kolektiv për të përfaqësuar vendin tonë duke njësuar veprimin midis nesh me atë të institucioneve evropiane. Kemi humbur shumë, mos të humbim atë që na takon.”
Çmimi: 700 Lekë
titleToAlt
Viti i parë i presidencës Tramp ishte i nxehtë dhe i stuhishëm për Shtetet e Bashkuara dhe për gjithë botën. Për të treguar pasojat, gazetari Michael Ëolff, i cili gjatë fushatës zgjedhore kishte frekuentuar selinë qendrore të Trampit depërton tani në Shtëpinë e Bardhë “si një mizë në mur”. Ëolff vëzhgon nga një perspektivë e veçantë kaosin e Zyrës Ovale dhe nxjerr nga duart një libër shpërthyes, të pasur me prapaskena të pa dëgjuara.
Çmimi: 1200 Lekë
titleToAlt
Sakralizimi i politikës ndodh sa herë që një entitet politik – kombi demokracia, shteti, raca, klasa, partia, lëvizja-shndërrohet në entitet sakral, në një objekt kujti e adhurimi, dhe vendoset në qëndër të një sistemi besimesh, simbolesh e ritesh. Atëherë lindin fetë e politikës, të cilat nuk indetifikohen me një tip të vetëm ideologjie apo regjimi: ato mund të sakralizojnë demokracinë ose autokracinë barazinë ose pabarazine kombin ose njerëzimin.
Çmimi: 1000 Lekë
titleToAlt
“Liria politike, si e drejtë qytetare, nuk ekzistonte për shqiptarët në regjimet jugosllave, ajo pësonte, në periudha të ndryshme kohore, lëvizje aq sa lejonte regjimi, apo sa detyrohej, por asnjëherë në kuptimin e plotë të lirisë.”- Autori
Çmimi: 400 Lekë
titleToAlt
Arben Puto (1924-2016) lindi në Gjirokastër. Ka studiuar në Fakultetin e Drejtësisë në Universitetin e Moskës, dega e së drejtës ndërkombëtare publike. Me hapjen e Universitetit të Tiranës, më 1957, ka punuar si pedagog dhe punonjës shkencor në Fakultetin Juridik, derisa doli në pension më 1990. Është autor i një numri veprash në fushën e së drejtës ndërkombëtare dhe historisë së diplomacisë.
Çmimi: 700 Lekë
titleToAlt
Si do të ishte bota, nëse roli i Amerikës si superfuqi botërore, do të vijë duke rënë, teksa do të rritej ndikimi i vendeve si Kina apo Rusia? Po a është e vërtetë që fuqia e Amerikës është duke rënë, apo kemi të bëjmë veçse me një mit? Këto e të tjera janë pyetjet që Robert Kagan, një ndër autorët më me ndikim në politikën e jashtme amerikane, përpiqet t’u japë përgjigje në këtë libër, duke na dhënë një tablo sa të gjallë aq dhe alarmante të asaj që do të ishte bota nëse vërtet do të binte ndikimi që ka sot Amerika në botë.
Çmimi: 650 Lekë
titleToAlt
Ky është libri më i mirë rreth të folurit dhe komunikimit publik, i shkruar nga Chris Anderson, krijuesi i platformës TED. Nëse doni të flisni bukur, dhe në modën dhe standardet e shekullit të XXI, ky është padyshim udhëzuesi më i mirë
Çmimi: 1100 Lekë
Të gjitha të drejtat e rezervuara. © 2015 Librari Albania