titleToAlt
Çezira, një shitëse vejushë dhe Rozeta, vajza e saj adoleshente dhe e bukur, mezi ia dalin të mbijetojnë në Romën e viteve të Luftës së Dytë Botërore. Ndërkohë që trupat gjermane po i afroheshin Romës, Çezira mbledh disa ushqime dhe kursimet e një jete, që i fsheh në palat e fustanit, dhe bashkë me Rozetën nisen drejt Jugut për në vendlindje, në Çoçan. Për nëntë muaj me radhë, nënë e bijë, përballojnë urinë, të ftohtët dhe pisllëkun, ndërsa presin mbërritjen e trupave aleate. Por clirimi, kur vjen, sjell për to një tragjedi të papritur. Gjatë rrugës së kthimit për në shtëpi, ato sulmohen dhe Rozeta përdhunohet egërsisht nga një grup ushtarësh marokenë të trupave aleate franceze. Ky veprim barbar e traumatik dhune trondit rëndë jetën e dy grave, duke ndryshuar krejtësisht dhe pa mëshirë të ardhmen e tyre. Nuk ka fjalë për të përshkruar se si ndihen viktimat e brutalitetit, që shkatërron shpresat për të ardhmen, shkatërron ndjenjat dhe ëndrrat, që janë një kundërvënie ndaj mizorisë së luftës e dhunës.
Çmimi: 1500 Lekë
titleToAlt
Ali D'Aplieze ka shkuar të marrë pjesë në një nga garat më të rrezikshme në botë të anijeve me vela, kur merr vesh lajmin e vdekjes së papritur të babait të saj birësues. Teksa kthehet në shtepinë e fëmijërisë për të takuar pesë motrat e tjera, ajo zbulon se i ati - një miliarder i pashoq misterioz, të cilin bijat e thërrisnin me dashuri Pa Salt - i ka lënë si trashëgim secilës prej tyre të dhëna tunduese, që do t'i ndihmojnë të zbulojnë origjinën e vërtetë. Së fundi, Ali ka nisur të përjetojë një marrëdhënie të thellë e pasionante dashurie, që do ta ndryshojë përgjithmonë fatin e saj. Por tashmë jeta i merr një kthesë të papritur dhe Ali vendos të heqë dorë nga deti e lundrimi dhe të ndjekë gjurmët që babai i ka lënë, gjurmë të cilat do ta cojnë në Norvegjinë e bukur e të akullt... Atje, Ali fillon të zbulojë rrënjët -sesi historia e saj lidhet në mënyrë të pazgjidhshme me atë të një këngëtareje të re, krejt të panjohur për të, Ana Landvikun, e cila gati 100 vjet më parë këndoi në premieren e Per Gyntit, dramën e Ibsenit, orkestruar nga Edvard Griegu, ikonë e muzikës. E ndërsa mëson më shumë për Anën, Alii fillon të pyesë veten kush ishte në të vërtetë Pa Salti, babai i saj. Dhe pse motra e shtatë nuk u birësua kurrë... Motra në stuhi është libri i dytë i serisë magjepsëse të Lucinda Rileyt, bazuar në rrëfimin mitologjik të një yjësie të famshme. Ai vjen pas librit të parë Shtatë Motrat. Historia e Majës, bestseller në të gjithë botën dhe i mirëpritur nxehtësisht edhe nga lexuesi shqiptar.
Çmimi: 1400 Lekë
titleToAlt
Deti është i trazuar dhe në plazh valeviten flamujt. Mikeli i vogël ka vrapuar shumë per t'u kthyer shpejt nga shkolla, por kur hap derën e shtëpise së tij, në stacionin e vogël të Miniera di Mares, gjen të ëmën me një valixhe të hapur. Në duar ajo mban ditarin e Mikelit, një fletore e kuqe me kopertinë të njollosur. Me sytë plot trishtim, i kërkon djalit ta mbajë ajo ditarin duke premtuar t'ia kthejë. Pastaj hipën në trenin që gati po niset. Nëna e tij nuk u kthye më. Kanë kaluar njëzet vjet. Mikeli ende jeton në shtëpinë e vogël brenda në stacionin e trenit. Në trup, uniforma e punonjësit të stacionit që dikur i përkiste të atit në sy një trishtim i thellë. I pëlqen të jetojë vetëm, në shoqërinë e sendeve të humbura që gjen në trenin e vetëm që kalon nga Miniera di Mare. Sepse sendet nuk largohen, i mbajnë premtimet, nuk të braktisin, Derisa një ditë, në të njëjtin tren që kishte marrë nënën, Mikeli rigjen, midis dy sediljeve, ditarin e vet. E ndien se atje e ka lënë e ëma, për të. Por në botë ekziston vetëm një person që mund ta ndihmojë: Elena, një vajzë plot hare dhe dashuri për jetën, e paparashikueshme si vetë jeta, që e shtyn t'i hipë atij treni dhe të shkojë të kërkojë të vërtetën. Dhe, ndoshta, edhe ilaçin për zemrën e tij të humbur. Kjo është historia e një djali që ka harruar ç'do të thotë të të duan. Është historia e një vajze që ka bërë një ujdi me lumturinë, pavarësisht prej dhimbjes që mund të provojë. Është historia e dy shpirtrave që mbushin njëri-ljetrin, për të përballuar jetën, pa u dorëzuar kurrë. Salvatore Basile na dhuron një përrallë plot magji dhe emocion. Një histori e paharrueshme, që do të vizatojë një buzëqeshje në zemrat tona.
Çmimi: 850 Lekë
titleToAlt
"Aziatikë çmendurisht të pasur" është romani debutues argëtues që rrëfen për tri familje super të pasura kineze dhe për thashethemet, përgojimet dhe makinacionet që ndodhin kur një nga djemtë më të pasur të Azisë sjell në shtëpi të dashurën e tij KLA (kineze e lindur në Amerikë) për të marrë pjesë në dasmën e vitit. Kur Rejçëll Çu pranon ta kalojë verën në Singapor me të dashurin e saj Nikolas Jang, ajo përfytyron një familje të thjeshtë, udhëtime për të vizituar ishullin dhe pushime të bukura me djalin me të cilin shpreson të martohet një ditë. Çka ajo nuk di është se shtëpia e familjes së Nikut është në të vërtetë pallat, se do të udhëtojë më shumë me aeroplane private sesa me makina dhe se me një nga beqarët më të lakmuar të Azisë përkrah mund të bëhet shënjestër e goditjeve. E ndodhur në botën e shkëlqimit përtej përfytyrimit të dinastive Rejçëlli takon Astridën, vajzën seksi e të famshme të shoqërisë singaporase; Edin, familja e të cilit jeton praktikisht në faqet e revistave të Hong-Kongut; si dhe Elenorën, nënën e tmerrshme të Nikut, një grua që ka mendimet e saj fikse se me cilën vajzë duhet a nuk duhet të martohet i biri. Argëtues, tërheqës dhe plot me situata të pazakonta, "Aziatikë çmendurishf të pasur" jep një vështrim nga brenda të shoqërisë së lartë aziatike, një tablo të saktë të përplasjes midis të pasurve të vjetër e të rinj; midis kinezëve të përtejdetit dhe kinezëve të kontinentit. Por edhe një rrëfim të mrekullueshëm për faktin se çfarë do të thotë të jesh i ri, i dashuruar dhe jashtëzakonisht, "çmendurisht", i pasur.
Çmimi: 1400 Lekë
titleToAlt
Katër mikesha fëmijërie, Mekensi, Parker, Laurela dhe Emalina kanë ndërtuar së bashku një biznes shumë të suksesshëm për planifikimin e dasmave, por, pavarësisht se kanë ndihmuar mijëra çifte për t'i bërë të lumtur, për të organizuar ditën më të madhe të jetës së tyre, të katër mikeshat janë të pafata në dashuri. Fotografja Mekensi Eliot ka kaluar një fëmijëri të vështirë dhe ka një marrëdhënie jo të mirë me nënën e saj, gjë që e bën atë të jetë shumë dyshuese. Por kur ajo takon Karter Mekguajrin, nuk mund ta ndalë veten për të rënë në dashuri, edhe pse ish e dashura e tij është e përgatitur të bëjë të pamundurën për ta mbajtur përkrah saj. Mekensi e kupton shpejt se duhet t'i harrojë "djajtë" e saj të së shkuarës dhe të gjejë dashurinë e vërtetë.
Çmimi: 1000 Lekë
titleToAlt
“Para se të flesh” është historia e një gruaje ekscentrike dhe të mrekullueshme nga familja Blom. Në një sagë që ngacmon me mençuri, mprehtësi dhe stil, Linn Ullmann hulumton truallin e martesës dhe të amësisë me një humor të pamëshirshëm dhe me një vështrim të butë të dobësisë njerëzore. Një roman i jashtëzakonshëm. Ai ka gjithçka prej asaj freskie (të stilit, tonit dhe këndvështrimit) që gjenden në romanet më të mira të përkthyera.
Çmimi: 800 Lekë
titleToAlt
Nga autori me famë botërore Erik Segal vjen një sagë e fuqishme dhe prekëse e pesë anëtarëve të jashtëzakonshëm të klasës së Harvardit të vitit 1958; dhe e grave, me të cilat ndërthuren jetët e tyre. Historia shpërthyese fillon në një kohë pafajësie dhe përfshin një çerek shekulli të stuhishëm, duke kulmuar në ritakimin dramatik të përvjetorit tradicional të njëzetepestë, gjatë të cilit ata përballen me shokët e klasës dhe me bilancin e jetëve të tyre. Gjithnjë në qendër, mes pasionit, qeshjes dhe lavdisë, qëndron Harvardi - simboli i asaj që ata janë e do të jenë. Këta ishin një brez, që bëri rregullat - pastaj i shkeli - i cili me suksesin vezullues, tragjeditë e përzishme dhe ambiciet e shfrenuara tronditi botën.
Çmimi: 1250 Lekë
titleToAlt
Një sagë shqiptare që nis në shekullin XVI dhe vjen deri në ditët tona. Gjithçka e treguar nëpërmjet historisë së një familjeje dhe një fshati. Shqiptarët të përshkruar si pjella biblike me të mirat dhe të këqijat e tyre, trimërinë, nderin, urrejtjen, hakmarrjen, mercenarizmin, përçarjen, deri në ndarjen tragjike që solli komunizmi. Historia e një familjeje shqiptare nëpër shekuj, ku të gjithë gjejmë diçka nga vetja jonë dhe nga rrënjët tona të dikurshme. Një sagë e treguar ndryshe.
Çmimi: 500 Lekë
titleToAlt
Një libër i mrekullueshëm, i larmishëm dhe befasues, me një tematikë të shkëlqyer, që të bën të qeshësh. Rushdie vijon të mbetet stilisti ynë më me humor i prozës tregimtare, një shkrimtar me origjinalitet shtangës. Një vepër epike, mahnitëse dhe e rrëmujshme, që herë pas here e bën lexuesin të shqyhet së qeshuri, madje edhe kur ia ngrin gjakun në deje. “Psherëtima e fundit e Arapit” është një rrëfim në formën më të përsosur.
Çmimi: 900 Lekë
titleToAlt
"Ai që nuk dinte të dashuronte", është frymëzuar nga jeta e multi-milionerit Howard Hughes. Xhonas Kordi, një cinik me shpirt të trazuar, që trashëgon një perandori financiare dhe kërkon dashurinë e vërtetë. Tri janë gratë e fatit të tij: Rina, një vejushë marramendëse; Xheni, një aktore e rastësishme, që ishte e paracaktuar për filma jetëpakë, si dhe Monika. Nuk është vetëm historia private e një manjati gjenial dhe të guximshëm, por edhe portreti i një shoqërie mitike që vërtitet mes sipërmarrjesh të mëdha e nganjëherë të pista dhe mes gjallërisë tërë ngjyra të studiove kinematografike, ndërkohë që në horizont po shfaqej mjegulla e Perëndimit dhe Lufta e Dytë Botërore.
Çmimi: 1500 Lekë
titleToAlt
Çmimi: 700 Lekë
titleToAlt
Ajo ishte gjyshja e dhembshur, që i këndonte aq bukur këngët në rusisht, që ecte me patina dhe fliste aq pak për të kaluarën e saj. Por kur nënë Dana vdiq, gjithë ç'mbeti prej saj ishte vetëm një pako e lidhur me një spango. Brenda saj kishte një palë puante të vjetra prej sateni, një medaljon ari dhe një tufë letrash të lidhura me fjongo. Aty ishte jeta e saj, që priste të zbulohej prej së mbesës që e donte aq shumë, por që kurrë nuk e kishte njohur në të vërtetë. Ishte fillimi i një historie që priste të shfaqej...
Çmimi: 700 Lekë
titleToAlt
“Etja për udhëtime”, tregon historinë e Audrey Driscoll e mbetur jetime në moshë të re. Audrey e kalon kohën duke u kujdesur për gjyshin e saj milioner dhe të çuditshëm dhe motrën e saj të vogël Anabelën, dhe duket sikur ka marrë përsipër që të jetë gjithmonë aty për ta. E ngarkuar me përgjegjësi që nuk i përshtaten me moshën dhe e stresuar nga e përditshmja, Audrey e cila është e etur për eksperienca të reja jetësore më në fund vendos të largohet. Kështu ajo largohet, me aparat në dorë, dhe krejt e vetme niset në zbulimin e botës së huaj.
Çmimi: 1400 Lekë
titleToAlt
Adriana, të dua. E kuptoj se mund të të duket absurde dhe vetëm prej pak kohësh kam filluar ta ndiej, por kjo është e vërtetë. Nuk kam ndërmend të të ngus, dhe, nëse nuk është çasti më i përshtatshëm, unë jam gati të të pres. Të lutem, mos e kundërshto propozimin tim që në nisje, lërmë një dritare hapur! I shqiptoi këto fjalë si duke psherëtirë; mandej, duke mos arritur ta mbante veten, e puthi. Në momentin e parë, Adriana u përpoq t'i rezistonte, por pak çaste më pas u lëshua në krahët e tij, duke e ndier se edhe ajo, pak e nga pak, po dashurohej. Jo, nuk mundem! Nuk ishte e drejtë! Ishte pa frymë dhe, kur Billi u shkëput, ajo ndiente ankth. I buzëqeshi duke ia bërë sssssss dhe i preku buzët me majën e gishtave. "Tashmë jam i rritur dhe di të përballem me njerëzit. Mos ki frikë se më turbullon nga ana emocionale. Mund të pres deri sa të mbarojë gjithçka me Stivenin.
Çmimi: 1400 Lekë
titleToAlt
Xheremia Thërston ka krijuar i vetëm një perandori financiare, duke u bërë një prej njerëzve më të pasur të Amerikës. Kur martohet me Kamilën, një vajzë shumë e re dhe tepër joshëse, ai nuk kërkon vetëm dashurinë, por edhe një grua, me të cilën të ngrejë një dinasti të madhe e të fuqishme. Për të dhe për trashëgimtarët ndërton një pallat princor, i cili shndërrohet në një përmendore të shpresave të humbura dhe ëndrrave të thyera e ku brez pas brezi do të shtrohet shpesh pyetja, nëse lumturia mund të blihet vërtet me para.
Çmimi: 1600 Lekë
titleToAlt
Nga dhoma e Kezias nuk vinte as zhurma më e vogël. S'kishte as dhjetë minuta që ishte shtrirë në divan, por ndihej tepër i tensionuar dhe nervoz për të marrë një sy gjumë. Ishte sikur të kishte folur, biseduar, diskutuar ditë të tëra. Frika e tij më e madhe ishte se mos e trembte deri në atë pikë sa ta detyronte të ikte, të bënte ndonjë veprim të gabuar që ta detyronte t'ia përplaste në fytyrë derën e zemrës dhe të shpirtit të saj. Ja pse ishte atje i shtrirë në atë divan dhe u mjaftua vetëm ta puthte në njërën faqe. Kezia nuk ishte prej atyre grave, të cilave mund t'u vërsulesh vrullshëm. Njerëz të tillë humbasin që përpara se të sulmojnë. Por gjatë një nate, ama, ata përshkuan një rrugë shumë të gjatë. Duhej të kënaqej vetëm me kaq.
Çmimi: 1200 Lekë
titleToAlt
Si të shkoi dita sot, shpirt? Argëtohej çmendurisht kur e ngacmonte, duke i hedhur batuta, duke e pickuar, duke e marrë hopa, duke e gudulisur në gushë, duke e joshur sa herë që ajo kthehej nga puna. Sa ndryshe ishte kur ndodhej në zyrë, e zënë deri në grykë me punë! Herë pas here, Endrju kalonte andej për ta përshëndetur, por ajo mbante një qëndrim aq serioz dhe të qetë sa gati e kishte trembur! Endrju e puthi në qafë dhe ajo ndjeu të fërgëllonte.
Çmimi: 1400 Lekë
titleToAlt
Në thellësitë e ujërave oqeanike u zhduk "Titaniku" i pambytshëm, duke marrë me vete jetët e qindra udhëtarëve. Atë natë të tmerrshme Eduina Uinfilld humbi prindërit dhe të fejuarin. Për shumë vite atë e mundonte një pyetje; pse e ëma kishte parapëlqyer të vdiste së bashku me të shoqin, duke lënë jetimë gjashtë fëmijë. Vetëm kur më në fund vetë Eduinës i lind një dashuri e madhe, e kupton të ëmën dhe e fal.
Çmimi: 1400 Lekë
titleToAlt
Lizi dhe Xheku janë një çift i martuar prej vitesh, me pesë fëmijë, që kanë ditur gjithnjë ta ndajnë jetën private nga ajo e punës, shpesh e rënduar, sepse ata janë avokatë për divorcet. Të dy janë të njohur për profesionalizmin dhe ngarkesën e tyre, por shtëpia në Rrugën e Shpresës përfaqëson për të gjithë një ishull lumturie. Derisa një ditë, mëngjesin e Krishtlindjeve, Xheku hidhet një vrap në studio, dhe zhduket përgjithmonë. Në një çast Lizi humbet të shoqin e adhuruar, babain e dashur, bashkëpunëtorin e shkëlqyer. Por ajo është një grua që di të vlerësojë mrekullitë e vogla dhe të besojë te të mëdhatë.
Çmimi: 1200 Lekë
titleToAlt
Ky roman është një vullkan! Një shpërthim i vitalitetit të vrazhdë, i besnikërisë dhe traditës, së mirëllogaritur. Romani është i përshkruar tej e mbanë nga trafiqet e mëdha, vrasjet e kobshme, seksi amerikan dhe dashuria siciliane. Proza e Puzo-s, është krijimtaria më origjinale e literaturës amerikane pas Hemingway-it. Kumbari është një triumf i jashtëzakonshëm... roman që, njëherë e përgjithnjë, me vërtetësinë e tij, na zbulon gjithçka rreth shoqërisë ogurzezë të krimit.
Çmimi: 850 Lekë
titleToAlt
I pari ishte Kumbari. Më pas vjen Kumbari i Fundit. Tash kemi Omerta-n, suksesi i fundit i një shkrimtari të madh. Bosi plak, Rajmondo Aprile, tanimë i lodhur, vendos të tërhiqet nga skena. Për të mbrojtur fëmijët, të cilët punojnë në profesione të ndershme dhe që nderohen nga mjedisi për të mbajtur njëkohësisht nën mbikëqyrje veprimtaritë, Don Rajmondo, thë-rret nga Sicilia nipin e birësuar, Astorr Viola, i cili kohë më parë kish mësuar gjithçka rreth shkencave bankare. Tërheqja nga skena e armiqve të betuar, i jep mundësinë rivalit, Tomaso Portela të shpërthejë në një luftë c pamëshirshme në qendër të së cilës ndodhen Astorr Viola dhe Aprilët, të cilët u detyruan të ndeshen me një "Cosa Nostra" të re, ku ndershmë-ria dhe Omerta tashmë janë vlera të harruara.
Çmimi: 700 Lekë
titleToAlt
Kur gruaja e pushtetshme e presidentit bullgar Devorina Seljanska vendos të japë një banket elitar në Londër, ambasadori bullgar, Varadin Dimitrov, i sapoemëruar në detyrë, falë mbështetjes së saj politike, merr një urdhër të vetëm: Të garantojë pjesëmarrjen e mbretëreshës së Anglisë, Elisabeta II në pritjen e misionit diplomatik bullgar në Londër. Varadini është i rrethuar nga një larmi personazhesh si kuzhinieri Kosta Baniçarov, gra të bukura, mafiozë vrasës, dedektivë të Skotland Jard dhe jo për në fund, përsa i përket rëndësisë, nga studentja e bukur striptiste, Katja, që e shtyn në epshet e tij erotike, ndërsa punon si punonjëse e pastrimit në zyrën e tij, por në të vërtetë punon si princeshë jashtë ambasadës. Një roman që të josh me humorin e hollë dhe të vërtetat për mendjemadhësinë ballkanase, një himn qesharak për budallallëkun e qenies njerëzore.
Çmimi: 700 Lekë
titleToAlt
Dino Lostic i kishte provuar të gjitha në jetë. Ndoshta jo aq sa duhej vërtet, por të paktën lëvizte gjithnjë mes shtëpisë, kafenesë së lagjes dhe loto-sportit. Ai jetonte i qetë me të ëmën, Senën, prej pensionit të saj dhe të vëllait, rënë në luftë, derisa në qytezën Visoko nuk kishte mbërritur ende nga SHBA arkeologu amator dhe kushëriri i tij i parë Amer Trampo. Ai mbi kodrën e Visoçicës, apo më mirë të themi poshtë saj, ky zbuloi as më shumë dhe as më pak, por vetë piramidat. Dhe për më tepër ato piramida ishin boshnjake, parailire, mbetje të kulturës së Atlantidës.Pas zbulimit të piramidave qyteza Visoko befas u gjallërua, të gjithë njerëzit u shushatën edhe më shumë prej agjencive që shpërndarë lajmin për "zbulimin e Luginës së Piramidave boshnjake". Në hijen e piramidës jeta e banorëve të Visokos ndryshoi në mënyrë dramatike; dëshpërimi i gjendjes së pasluftës u zëvendësua me shpresën, e ngjashme me ngazëllimin e atyre minatorëve që erdhën të gërmonin në mënyrë vullnetare në fundjavë, filluan ekskursionet nga e gjithë Bosnja dhe madje edhe picat në qytet filluan të shpërndahen në formën e piramidës.
Çmimi: 700 Lekë
Të gjitha të drejtat e rezervuara. © 2015 Librari Albania