titleToAlt
Një triller veçanërisht tërheqës nga autorja e bestsellerit Një familje thuajse e përsosur. Për lexuesin shqiptar që e ka lexuar romanin e parë të Jane Shemilt, është e njohur figura e Tedit, kryekirurgut me famë botërore, që befas përballet me një fatkeqësi të madhe: dikush i rrëmben vajzën. Dhe ku ishte Tedi, ndërkohë? Ku kishte qenë ai gjatë rritjes së fëmijëve dhe adoleshencës së tyre? Në romanin e dytë, Një shtëpi tepër e qetë, autorja rrëfen fatin e personazheve të njohura tashmë dhe të të tjerëve, që do të përfshihen në jetët e tyre. Për Betin takimi me Albin, kirurg me një karrierë në rritje, do të thotë të fillojë jetën nga e para dhe t'i kthejë shpinën së kaluarës. Tani Beti duket se ka gjithçka që dëshiron: një burrë të ri, një të ardhme të ndritshme përpara... Albi, i shoqi, duket se po kalon edhe ai një kohë të mbarë: mentori i tij, Tedi, i cili me autoritetin dhe sjelljen e përkryer mban frerët e spitalit, i ka lënë të kuptojë se ka ndërmend ta emërojë si "trashëgimtarin" e tij: kryekirurg, shkencëtar me një projekt ambicioz, dhe para, para pa fund. Por ai nuk e di ose ambicia e tij e pakontrolluar e pengon të dallojë diçka që tashmë ka zënë të kriset në jetën e tij të përsosur. Dhe nga larg mund të shihen rrufetë që paralajmërojnë ardhjen e një stuhie me përmasa katastrofike ... A ekziston vërtet një martesë e përsosur?
Çmimi: 1000 Lekë
titleToAlt
Kufoma, të cilën e zbuloi rastësisht gjatë një shëtitjeje Kerin Borg, avokatja nga Oslo, nderej aty në një anë. Shoku i saj i shkollës dhe admiruesi i përjetshëm, Hekon Sand, jurist pranë rajonit të policisë, caktohet për zbardhjen e kësaj çështjeje - së bashku me komisaren simpatike Hana Vilhelmsen. E vetmja pikë referimi duket se është një student holandez, i cili vetëm pak pas vrasjes kapet nga një patrullë policie. Atë e zë frika dhe paniku sapo ndodhet para avokatëve dhe këmbëngul që të mbrohet pikërisht nga avokatja Kerin Borgu. Shumë shpejt policia dyshon se prapa gjithë kësaj qëndron mafia e drogës. Pak kohë më vonë, gjendet i vrarë edhe një avokat nga Oslo. Hana Vilhelmseni ndodhet para një rasti të ndërlikuar, që e shpie në qarqet më të larta të shoqërisë norvegjeze: avokatë e funksionarë të drejtësisë, biznesmenë, politikanë të njohur...
Çmimi: 800 Lekë
titleToAlt
DETEKTIVJA LINDSEJ BOKSER HETON RASTIN MË TRONDITËS TËKARRIERËS SË SAJ Lindsej Bokser mëson të dashurojë sërish. Ajo përpiqet të vërë rregull në jetën e saj, pasi jeta e saj perfekte - si një jetë katalogu, me të shoqin Xho dhe me vogëlushen e tyre të bukur -përmbyset kur ajo zbulon se i shoqi i saj bënte një jetë të dyfishtë. Por përpara se ajo ta pranojë Xhonë përsëri në jetën e saj, qyteti i tyre i San Franciskos përballet me një kërcënim të paparë ndonjëherë në qytet dhe në vend. Kur rreziku i afrohet shumë qytetit, Lindsej dhe Xho i bashkohen kauzës së perbashkët se gjetjes së autorit të krimit, hidhen në aksion dhe arrijnë rezultate të shpejta. Ky rast fillimisht dhe në dukje i zgjidhur shpejt, pëson një kthesë 360 gradëkur i dyshuari i aktit terrorist kërçënon gjithçka që Lindsej ka luftuar fort për ta ngritur deri në ate pikë. As e vërteta nuk do të mund ta shpetojë Lindsejn teksa hetimi që ajo bën këqyret me kujdes dhe minohet nga një kriminel po aq briliant sa çdo avokat mbrojtës me pozitë të lartë dhe teksa motivet e saj vihen në pikepyetje nga çdokush që ajo mendonte se e mbështeste. Në një betejë dëshpëruese për karrierën e saj - dhe për jetën e saj - Lindsej duhet të lidhë hallkat e një konspiracioni vdekjeprurës, përpara një armiku djallëzor i cili jo vetëm e sfidon neë sallën e gjyqit por dhe i shpëton burgut, fajtor me gjak ndër duar. Një libër plot ankth dhe emocione të forta, karakteristikë e James Patterson-it shkrimtarit numër 1 bestseller në botë. Libri nr. 16, Joshja shtjellon rastin më të vështirë të Klubit të vrasësve të Grave dhe përson një emocion drithërues nga fillimi deri në fund.
Çmimi: 1000 Lekë
titleToAlt
Tregimet me te zgjedhura nga Agatha Christie, autores me te famshme te librave te vetdhe, mjeshtres se ndertimit te enigmave te pabesueshme policore qe e terheqin lexuesin si me magnet. Hetuesit me te jashtezakonshem te krijuar nga Agatha Christie jane: Mis Marpelli, protagonistja e nje cikli te tere romanesh te saj, nje heroine e jashtezakonshme, e cila e njeh me rrenje natyren njerezore dhe eshte ne gjendje ta zbuloje fajtorin pa levizur nga salloni i saj komod dhe i vjetruar. Personazh tjeter, po aq i njohur, eshte Hektor Puaro5 te cilit nuk ka arritur t'i shpetoje asnje kriminel nga duart dhe qe vete autorja e ka cilesuar nje gjeni me trurin plot e perplot me "qeliza te vogla gri". Secili prej tyre ka per te na ofruar nje zgjidhje te paparashikuar ose nje sekret per te zbuluar, duke na futur dalengadale ne boten e enigmave, suspansit, trillerit. Pra, ne boten e "zonjes se krimit".
Çmimi: 600 Lekë
titleToAlt
Agjenti legjendar dhe restauruesi i veprave te artit, Gabriel Alon eshte ne prag te emerimit si drejtor i Sherbimit Sekret Izraelit. Pak para se te merret vendimi , nje ndodhi e papritur e detyron ate te marre pjese ne nje operacion te fundit ne terren. ISIS-i ka organizuar nje sulm me bombe ne Paris, gje qe nxit qeverine franceze te vihet ne ndjekje te personit pergjegjes, para se ai te sulmoje serish. Nje terrorist ambicioz, i veshur me nje hije misteri. Rrjeti i tij perdor programe te sofistikuara kompjuterike dhe komunikon ne fshehtesi te plote, duke mos e lejuar Perendimin te depertoje ne planet e tij. Gabrielit nuk i mbetet veçse te infiltroje nje agjente ne grupin terrorist me te rrezikshem ne bote. Ajo eshte nje mjeke e re, e guximshme dhe e bukur. Misioni i saj i rrezikshem do ta coje nga periferite e Parisit, ne ishullin e Santorinit, ne realitetin e tmerrshem te kalifatit te Shtetit Islamik e ne fund, ne Uashington, ku Saladini planifikon nje nate te mbushur me terror, qe do te ndryshoje rrjedhen e historise.
Çmimi: 1400 Lekë
titleToAlt
Do ta vras! Sofie Rasku ishte e bindur se duhet ta kryente vrasjen. Gjithë keto kohe kishte sjelle ne mendje gjithcka kishte ndodhur. Mbremjeve ky mendim behej torturues, kur veshtrimi i ndalej ne portretin e te shoqit. Svte e tij duken sikur e perndjekin, jo vetem si nje dashuri qe do ta shoqeroje gjithe jeten, por edhe si nje lutje qe" ajo perpiqej ta mendonte ne mijera menyra, teksa orvatej nga salloni ne shtrat. E ndjente se veshtrimi i burrit qe deshi nuk ishte thjesht nje veshtrim. Ne fakt po qante dy te vdekur qe nuk i kishte aty ne kete lajm: Thoma Dunin dhe Martin Raskun; babane e saj dhe babane e vajzes se saj. Por kujtoi dhe nje here Gabrielin qe do te vinte te nesermen nga Milanoja me Alitalia-n, dhe filloi te" dremiste mbi kolltukun e bollshem dhe te rehatshem, duke sjelle ne kujtese esene e saj "Shpirt gruaje", dhe tha me vete duke folur me pak ze: "Dashuria qe ka mbushur nje grua nuk eshte e njellojte me dashurine" qe percjell ajo. Dashuria qe percjell gruaja, s'eshte gje tjeter veçse nje shpirt gruaje. Jane te pakte ata burra qe e kane perjetuar kete percjellje, sepse jane te pakta edhe grate qe e percjellin keshtu. Por ne Shqiperi kjo ende nuk kuptohet plotesisht
Çmimi: 1200 Lekë
titleToAlt
FORCA E ERRËT E HAKMARRJES NË NJË TRILLËR PLOT ZHVILLIME TË BEFTA QË SAKAQ NDRYSHOJNË GJITHÇKA. Kur hyri në shtëpinë e Ana Bethsenit mbremjen e shkuar, inspektori Herri Holi mendoi se thjesht do të kalonte nje mbremje të këndshme. Por zgjimi nuk ia kurseu te papriturat e pakëndshme: i plandosur në kolltukun e dhomës së tij të ndenjes, kokën e kishte tym nga dehja e mbrëmjes dhe smbante mend gjë prej gjëje. Ana sapo ishte gjetur e vetëvrarë në shtratin e saj dhe kur një e-mail anonim e paditi per përfshirje ne vdekjen e gruas, Holi e kuptoi qe dikush po orvatej ta shtinte në gracke. Dhe se pas vetëvrasjes në dukje, mund të fshihej shumë më tepër.
Çmimi: 1200 Lekë
titleToAlt
Simonia e pambaruar është një tjetër arritje e autorit, ku gërshetohet drama e personazhit kryesor, një artist i zhgënjyer, me trillerin psikologjik dhe të papriturat që shpalosen në rrëfim. Por, përpos dramës, romani përshkohet nga dashuria dhe humanizmi, nga muzika, ritmi dhe dinamizmi. Ngjarjet e romanit Simfonia e pambaruar, të treguara here në kohë reale e here në retrospektivë, vendosen në periudha e vende të ndryshme, duke e bërë romanin mjaft tërheqës dhe duke e futur lexuesin në botën e personazheve. Pjesë nga libri: Pianistin e njihte. Këtë arriti ta konstatonte vetëm me vesh. Madje, per ta kapur më mirë, iu desh të mbyllte sytë disa here. Analizoi me kujdes dhe me shpejtësi lëvizjet e duarve, manovrirnin e pedalit, vallëzimin e gishtave mbi tastierë, mënyrën e veçantë se si lëvizte në çaste të caktuara dhe arriti në përfundimin e dytë, të fundmin. Instinkti e bëri të shfrynte, të shprehte fitoren, triumfin. Nuk u permbajt dot dhe tha me zë:-Mikel Budini! Me drojë pa dy burrat që po e vëzhgonin. Kishin vështrim të egër. E përmblodhi veten dhe përsëriti me zë të ulët:- O Zot, Mikel Budini!
Çmimi: 1000 Lekë
titleToAlt
Ndërsa udhëton në trenin legjendar Orient Ekspres, detektivi i pakrahasueshëm e i paarritshëm Herkul Puaro është i detyruar të merret me një vrasje misterioze. Ndërsa treni është i bllokuar në dëborë, një ndër pasagjerët godet për vdekje zotërinë e pasur Rashet. Në të vërtetë, vrasësi është i fshehur midis udhëtarëve të trenit, por në vështrim të parë duket se asnjë prej tyre nuk ka një motiv të fortë për ta kryer këtë krim. Në faqet e romanit shohim të na parakalojnë personazhe shumë interesante, që nga konduktorët e diplomatët, gratë mondane e kamerieret, të reja e të bukura apo edhe plaka të vendosura deri në fund, ushtarakë apo edhe pronari i trenit të Orientit. Të gjithë janë të pafajshëm dhe të gjithë të përfshirë apo të dyshuar. Një hetim i komplikuar qëndron përpara detektivit të pagabueshëm.
Çmimi: 800 Lekë
titleToAlt
Askush nuk mund ta merrte me mend urrejtjen që ndieja për Sefi Hadlejn dhe gjithë Krosët e tjerë. Por mbi të gjitha për Sefi Hadlejn. Çdo gjë zuri fill me të dhe tim villa. E kështu ka për të mbaruar. Kallumi nuk ishte më. Sefi do të paguante deri më një. Shkatërrimi i saj ishte misioni dhe motivi i jetes sime. Ambicia ime e gjithefuqishme dhe e pandalshme. KUR E VËRTETA DHE E DREJTA NUK JANE MË ÇËSHTJE TË BARDHËSH DHE TË ZINJSH... Ku ka pasur dashuri, tani ka urrejtje. Dy familje janë shkatërruar nga shoqëria e ndarë dhe e dhunshme, në të cilën jetojnë. Sefi është një vajzë Kros, me ngjyrë, në një shoqëri të sunduar nga zezakët, që i trajtojnë qerosët, të bardhët, si qytetarë të dorës së dytë. Xhudi është Kros, vëllai i Kallumit, babai i bijës së sapolindur të Sefit. Pikëllimi për Kallumin e ha përbrenda Xhudin, që fajëson Sefin për humbjet e tmerrshme që ka pësuar familja e tij. Dhe është i vendosur ta detyrojë Sefi Hadlejn, edhe një herë, të mbajë njërën anë dhe të shkatërrojë jetën e saj, pikërisht ashtu siç ajo e shkatërroi të tijën. Tani Xhudi jeton në teh të thikës. Votuar si një nga librat më të dashur në Britaninë e Madhe, seria E BARDHA DHE E ZEZA e Malorie Blackmanit është një vepër klasike dhe vërtet moderne për të rinjtë.
Çmimi: 900 Lekë
titleToAlt
Libri ‘’Në lojë me djallin’’ të fut në një bote, ku vërtitesh rreth sfidave marramendëse të varësive, nëpër të cilat jetonte një grup i pandarë shokësh. Në faqet e tij gjen njëherësh dhembshuri, humor e trishtim. Historia e tyre ka prekur thellë, por rimëkëmbja dhe përpjekja për të mbijetuar është një mundësi reale dhe ky libër do t'ju mbushë me shpresë." Joanne Peterson
Çmimi: 900 Lekë
titleToAlt
Të gjithë e njohin një çift si Xheku dhe Grejsi. Ai është i pashëm dhe i pasur, ajo plot sharm dhe elegancë. Ai një avokat i përkushtuar që nuk ka humbur asnjë çështje, kurse ajo një shtëpiake, kopshtare e kuzhiniere e patëmetë dhe shumë e dhënë pas së motrës me aftësi të kufizuara. Edhe pse sapo janë martuar, duket sikur i kanë të gjitha. Ndoshta nuk doni t'i pëlqeni, por ja që do të ndodhë pikërisht kështu. Do të magjepseni nga qetësia dhe rehatia e shtëpisë së tyre, nga darkat e këndshme që organizojnë dhe do t ju lindë dëshira ta njihni pak më mirë Grejsin. Por kjo do të jetë e vështirë kur të kuptoni se Grejsi dhe Xheku janë të pandashëm. Këtë të tyren, disa mund ta quajnë dashuri të vërtetë, kurse të tjerë mund të pyesin veten pse Grejsi nuk përgjigjet kurrë në telefon ose pse nuk del kurrë për kafe, paçka se nuk punon. Si është e mundur që gatuan vakte aq të shijshme dhe është aq elegante? Disa, ndoshta pyesin veten se çfarë ndodh në të vërtetë pas darkave festive dhe pasi porta e shtëpisë mbyllet.
Çmimi: 1100 Lekë
titleToAlt
Xheni është një mjeke e suksesshme familjeje, nënë e tre fëmijëve adoleshentë, e martuar me një neurokirurg të famshëm. Por, kur vajza e saj më e vogël, Naomi pesëmbëdhjetëvjeçare, nuk kthehet në shtëpi pas shfaqjes teatrale në shkollë, jeta e përsosur që Xheni kujtonte se kishte ndërtuar, zë e shkërmoqet. Autoritetet vënë alarmin dhe nisin kërkimet në mbarë vendin për të gjetur vajzën, por pa sukses. Naomi është zhdukur si të mos kishte qenë kurrë dhe familja, në ankth, ka marrë një goditje shkatërruese. Muajt kalojnë dhe hipotezat më të këqija - rrëmbimi, vrasja - bëhen gjithnjë e më të besueshme. Gjurmët e vajzës kanë humbur dhe vëmendja nis të zbehet. Kurse për Xhenin e dëshpëruar, kërkimi sapo ka filluar. Më shumë se një vit pas zhdukjes së bijës, ajo ende po gërmon për të vërtetën, megjithëse çfarëdo që zbulon, do t'ia turbullojë edhe më shumë shpirtin. Dhe do të kuptojë se njerëzit më të afërt, të dashurit dhe të besuarit e saj, fshehin sekrete të tmerrshme, sidomos Naomi. Duke i mbledhur së bashku gjurmët që vajza ka lënë pas, Xheni zbulon që e bija është krejt tjetër nga vajza që ajo mendonte se po rriste. Roman provokues që vëzhgon ndjenjën e fajit të një nëne që punon dhe është në karrierë, diçka që u ndodh shumë grave sot.
Çmimi: 1000 Lekë
titleToAlt
Madalena Harti është një vajzë e bukur, e zgjuar dhe e etur për sukses, me një të ardhme të ndritur në qeverinë britanike. Ajo vjen nga një fëmijëri e varfër, por mbart edhe një të fshehtë të errët: është e dashura e kryeministrit Xhonatan Lankaster. Pasi Madalena zhduket në ishullin e Korsikës, mësohet se rrëmbyesit e saj janë në dijeni të këtij fakti dhe kanë ndër mend ta bëjnë kryeministrin britanik t’i paguajë shtrenjtë mëkatet e tij. Nga frika e një skandali që mund t’i shkatërrojë karrierën politike, Lankasteri vendos ta zgjidhë çështjen privatisht, pa përfshirë policinë. Gabriel Aloni, një vrasës dhe restaurues veprash arti, duhet ta gjejë Madalenën brenda shtatë ditësh, para se ta ekzekutojnë. Ai i hyn një loje të rrezikshme, ku asgjë nuk është ashtu siç duket dhe ku e vetmja gjë më e rrezikshme se armiqtë e tij, është e vërteta...
Çmimi: 1400 Lekë
titleToAlt
“Një roman tjetër magjepsës, rrëqethës dhe i mrekullueshëm i Irène Némirovsky-t... Subjekti i romanit fillon me Luftën e Parë Botërore dhe mbaron me të Dytën, pak përpara se vetë autorja të rrëmbehet nga kthetrat e çmendurisë njerëzore. ‘Zjarret e vjeshtës’ është një roman për luftën, për dashurinë, për pasionin, për rininë e humbur, për pabesinë e tradhtinë, për kotësinë, zhgënjimin, po edhe për lumturinë, që gjendet, si shkëndija të vogla, por gjithnjë të pranishme, mes kaosit, hidhërimeve e dëshpërimeve të jetës. ‘Zjarret e vjeshtës’ është përsëri një shpalosje e talentit të veçantë të Nèmirovsky-t, e aftësisë së saj për të zbërthyer shpirtin e njeriut, marrëdhëniet e ndërlikuara mes shoqërisë dhe individit, varësisë së tij prej rrethanave, po edhe aftësisë së tij për të gjetur shtigje shpëtimi. Një vepër, e shkruar me mjeshtëri të rrallë, që të shtyn të mendosh gjatë mbi atë që njeriu i bën botës dhe vetes.”
Çmimi: 850 Lekë
titleToAlt
Romani u botua për herë të parë më 1978 dhe fitoi çmimin National Book Award më 1980. Xheni Fillds ishte feministe, para se feminizmi të kthehej në modë. Ajo është infermiere, s’ka asnjë fije interesi ndaj burrave, e megjithatë, dëshiron të bëhet nënë. Një ushtar i plagosur, shtruar në spitalin ku punon ajo, do të bëhet “preja” dhe “dhuruesi i spermës” për djalin e ardhshëm të paligjshëm të Xhenit, Garpin. Këtu merr udhë historia e jetës dhe e vdekjes së një nëne të famshme dhe birit të saj, pothuajse-të famshëm; bota e tyre përshkohet nga ekstremet seksuale – madje dhe nga vrasjet seksuale. Xheni Fillds është “delja e zezë” e një familjeje aristokrate nga New England; pothuajse rastësisht, ajo bëhet kreu i lëvizjes feministe, në një kohë kur feminizmi as që njihej. I biri, T.S. Garp (i quajtur kështu, sipas emrit të të atit biologjik, që s’e njohu kurrë), ka ambicie të mëdha për një karrierë letrare, nga ana tjetër është shumë më i përkushtuar pas së shoqes dhe të bijve. Rreth e përqark Garpit dhe Xhenit vërtitet një galeri personazhesh të çuditshme: mësues dhe prostituta, mundës dhe radikalë, botues dhe vrasës, transeksualë dhe përdhunues, bashkëshortë e bashkëshorte. Vetë Irving, përmes zërit të Garpit, thotë: “...Puna e një shkrimtari është që të përfytyrojë çdo gjë në mënyrë krejt intime dhe personale, saqë fiction-i, sendërgjimi i historisë të dalë po aq i gjallë sa dhe kujtimet tona vetjake”. “Bota sipas Garpit”, është një libër që karakterizohet nga një damar marrëzie dhe trishtimi, shoqëruar gjithnjë me doza të forta humori të zi. Në të gërshetohen pa fund qëndrime të çuditshme e të paparashikueshme kundrejt seksit, martesës, familjes dhe feminizmit. Ai është përkthyer në më shumë se 30 gjuhë e në më shumë se 40 vende, duke u bërë bestseller ndërkombëtar qysh në botimin e tij të parë më 1978. Ky roman e vendosi John Irving-un mes plejadës së shkrimtarëve më mendjehollë të brezit të tij.
Çmimi: 1200 Lekë
titleToAlt
Është një roman mbi dashurinë dhe vdekjen, mbi atë që nuk duhet thënë dhe atë që nuk dëshiron ta dish, i strukturuar mrekullisht tek të gjithë personazhet, me dyshimet e tyre dhe shkëmbimin e mundshëm, të cilët transmetojnë tek lexuesi një senspaqetie të thellë, një ndjesi realiteti jo komod, të vështirë për t’u shpjeguar e po aq i vështirë për t’u pranuar. “Një zemër kaq e bardhë” është një citim nga “Makbethi”. LadyMakbeth, pasi mori vesh për vrasjen e mbretit Dunkan nga i shoqi, i drejtohet me këto fjalë: “Duart e mia janë si të tuat, por kam turp të kem një zemër kaq të bardhë”. Dhe një zemër të bardhë ka jo ai që është i pafajshëm, por ai që nuk është infektuar nga fjalët dhe fajet e të tjerëve. “Zbulova, (po vetëm pasi e përfundova të gjithin), se “Një zemër kaq e bardhë” fliste për sekretin dhe rehatinë e mundur, të joshjes e nxitjes, për martesën, përgjegjësinë e dikujt që ka mësuar diçka, mundësisë për të mësuar dhe pamundësisë për të injoruar, për dyshimin, për të folurën dhe heshtjen.”
Çmimi: 1100 Lekë
titleToAlt
Majls Lordi, avokat me origjinë nga Atlanta, specialist i historisë ruse, zotëron papritmas dokumente turbullues për fatin e familjes së carit të fundit: një profeci e çuditshme e Rasputinit, njeriut të afërt të careshës Aleksandra dhe një tekst të shkruar me dorë me autor Leninin në të cilin ky pyet veten nëse të gjithë Romanovët kanë vdekur vërtet në Ekaterinburg.
Çmimi: 1000 Lekë
titleToAlt
Që para më shumë se njëzet vjetësh, romani debutues i Katherine Neville,  Sekreti i mijëvjeçarit , e befasoi lexuesin dhe përcaktoi etapën letrare të epokës së trillerit epik. Në kërkim të një komplet mistik shahu, që dikur kishte qenë pronë e Karlit të Madh, ngjarjet e romanit shtrihen në dy shekuj dhe në tri kontinente, duke ndërthurur intriga të vjetra dhe moderne, kërkime arkeologjike thesaresh, gjëegjëza të fshehta dhe enigma të mbushura me të dhëna të kodifikuara nga e shkuara e lashtë.Qyteti i Nju-Jorkut, 1972 - një amatore në matematikë dhe shah, Ketrin Velis, është gjithashtu eksperte kompjuterësh për një firmë të madhe kontrolli financiar,  Teta e Madhe . Përpara se të niset me një detyrë të re në Algjeri, Keti lexon pëllëmbën e dorës te një parashikuese fati. Gruaja e paralajmëron atë për një rrezik. Më pas, një tregtar antikash i bën Ketit një ofertë misterioze: ai ka një klient anonim, i cili po përpiqet të mbledhë gurët e një kompleti antik shahu, që mendohet se mund të jetë në Algjeri. Nëse Keti i sjell gurët në ShBA, ajo do të shpërblehet bujarisht.Jugu i Francës, 1790 - Mirej de Remi dhe kushërira e saj Valentina janë rishtare në abacinë e Montglejnit, që i ngjan një kështjelle. Kur Franca u përfshi nga flakët e Revolucionit, dy vajzat u rebeluan ndaj jetës së kufizuar të manastirit ndërkohë që mjetet e shpëtimit i kishin gati. Në abaci, varrosur thellë, janë gurët e Takëmit të shahut të Montglejnit, që dikur i përkiste Karlit të Madh. Kushdo që i bashkon gurët, mund të jetësojë "Lojën", që ka fuqi të pakufizuara. Por, për ta mbajtur sekret "Lojën" nga ata që mund të abuzojnë me të, gurët duhen shpërndarë në të gjithë botën. Një vepër tërheqëse dhe argëtuese, që arrin të jetë sa prekëse, aq dhe me ide interesante nga pikëpamja intelektuale... Pak vetë mund t'i rezistojnë.- Los Angeles Times Book Review Me aftësinë e një alkimisteje, Neville përzien romancën moderne, trillimin historik, misterin mesjetar.- People
Çmimi: 1500 Lekë
titleToAlt
Ky thriller tundues i vendosur në kryeqytetin çek, të sjell në vëmendje një kokteil romance, vrasjesh dhe misteresh në stilin e Bulgakovit.Ky roman origjinal e i mprehtë gotik tregon historinë e një skermisti pasionant dhe një joshës femrash i shthurrur në Pragën e shek. të 19, i cili ngre krye i vetëm kundër shkatërrimit të lagjes së famshme hebreje, e njohur për jetën e natës bohemiane dhe shtëpitë publike.Ai ble një shtëpi në këtë lagje dhe refuzon të lëvizë prej andej, duke filluar betejën me zyrtarët e korruptuar e të paaftë që drejtojnë qytetin. Lagjja tronditet nga shfaqja e befasishme e një vrasësi. Por... Arco shpërqëndrohet nga kauza e tij nga shfaqja e një femre fatale, zemrën e së cilës ai duhet ta pushtojë me çdo kusht.
Çmimi: 1000 Lekë
titleToAlt
Në këtë novelë, lexuesit ndjekin Toni Uebsterin, një burrë në moshë të mesme. Teksa përballet me të kaluarën e tij. Dy miq të rinisë bëhen sërish të pranishëm në jetën e tij: njëri që nga përtej varri, e tjetra më se e gjallë. Një trashëgimi e mistershme e shtyn gradualisht të rivlerësojë natyrën dhe vendin e tij në këtë botë. Sa shpesh e tregojmë historinë e jetës sonë? Sa shpesh e rregullojmë , e zbukurojmë, i heqim ndonjë copëz të padëshiruar aty-këtu? Dhe, sa më shumë rrojmë, aq më të paktë bëhen ata që mund të na kundërshtojnë historinë, të na kujtojnë se jeta jonë nuk është jeta jonë, nuk është historia që kemi treguar pëe jetën tonë, që u tregojmë të tjerëve, por –kryesisht- edhe vetes. Plot me ide filozofike... e megjithatë, arrin të të intrigojë mirëfilli, sikur të ishte një histori psikologjike me detektivë.
Çmimi: 800 Lekë
titleToAlt
 Magjistari i panaireve përmban tregime me dashuri të përmbushur dhe të papërmbushur, me dukuri që janë të dukshme në jetën e përditshme dhe vlera që perceptohen vetëm në momente të jashtëzakonshme. Narracioni lëviz nga realizmi në dukje në zhanre të tjera; nga narracioni policesk ose thriller te proza erotike. Kujtimet, intimitetet dhe parandjenjat injektohen qetësisht në këto tregime që e pranojnë atë çka fati sjell, madje edhe kur bëhen përpjekje për ta ndryshuar, siç ndodh në tregimet Xhepat plot me gurë.
Çmimi: 800 Lekë
titleToAlt
“A është, vallë, njeri…” është libri i parë i Primo Levi-t, shkruar e botuar më 1947-ën menjëherë pas daljes nga kampi i përqendrimit në Aushvic. Në këtë libër, ai rrëfen përvojën e një viti të tërë, nga shkurti 1944 deri më 27 janar 1945, të kaluar në lagerin e Buna-Monovicit. Buna ishte një ndër 44 kampet satelitë të Aushvicit, në Silezinë e Sipërme, në territorin polak. Historia fillon me internimin e autorit në kampin për hebrenj në Fosoli dhe përfundon me çlirimin e kampit të Aushvicit nga ushtria ruse. Levi arriti të mbijetonte falë ushqimit shtesë, që një punëtor italian, Lorencoja, arrinte t’ia kalonte fshehurazi. Përvoja e Levi-t si një ndër të mbijetuarit e këtij Lageri famëkeq shpërfaqet në një prej librave më realistë e të thellë mbi ferrin që përjetuan gjithë bota e sidomos hebrenjtë gjatë Luftës së Dytë Botërore. Me stilin e zhveshur të një kronike, ai sjell dëshmi tronditëse të asaj mbijetese deri në çnjerëzim. Ky është libri i dinjitetit, i zvetënimit dhe i tëhuajzmit të njeriut përballë mekanizmave të pamëshirshme të shfarosjes në masë. Peripecitë e turmës, që tashmë s’ka emër, por veç një numër të vulosur si tatuazh i përjetshëm mbi parakrahun e majtë, rikujtohen pa asnjë fije retorike, duke ia lënë komentet në dorë vetë realitetit lebetitës. Nga kori i personazheve të paharrueshëm të librit ngrihet një mesazh i kthjellët moral e qytetar.
Çmimi: 700 Lekë
titleToAlt
“Asgjë e vërtetë veç syve” është romani i dytë i autorit të bestsellerit “Unë vras“. Ngjarjet zhvillohen paralelisht në dy kryeqytete. Në Nju Jork, djali i kryetarit të Bashkisë së Nju Jorkut, Xherri Ko vritet në mënyrë misterioze. Hetimi i ngarkohet një ish-komisari të talentuar policie. Në Romë, komisarja e policisë italiane, Maurina, e cila rrëmbehet dhe përdhunohet, nga trauma humbet shikimin. Korneja e transplantuar nga një mjek i famshëm, i përkiste Xherri Kosë.
Çmimi: 1000 Lekë
Të gjitha të drejtat e rezervuara. © 2015 Librari Albania