titleToAlt
"Ja, pra, ku më së fundi këto letra të një torture pesëvjeçare u botuan në një vëllim prej 750 faqesh; emri i së fejuarës shënohej për shumë vjet me radhë, pa rënë në sy, me një F., sipas shembullit të K.-së, kështu që për një kohë të gjatë as që dihej ç'ishte ky emër; sadoqë e vrisje mendjen shpesh, ndër emrat e shumtë që të kujtoheshin nuk gjeje dot kurrë emrin e kërkuar, dhe vërtet që do të kishte qenë krejt e pamundur t'i bije në të: tani ky emër është i shtypur në libër me shkronja të mëdha. I lexova këto letra me një mallëngjim të tillë që s'e kam provuar qysh prej vitesh në një vepër letrare. Tashmë këto letra bëjnë pjesë në serine e atyre kujtimeve, autobiografive dhe letërkëmbimeve unike, prej të cilave ushqehej edhe vetë Kafka. Cilësia më e lartë e tij ishte respekti, ndaj dhe s'është druajtur t'i lexojë e t'i rilexojë letrat e Klajstit, të Floberit e të Hebelit. Ndaj tmerrit të jetës, për të cilin, fatmirësisht, pjesa më e madhe janë të vetëdijshëm vetëm nganjëherë, kurse disa pak të tjerë, të caktuar si dëshmitarë prej fuqish të brendshme, janë gjithmonë të vetëdijshëm, ka vetëm një ngushëllim: përfshirja e tij në tmerret e përjetuara më përpara nga dëshmitarë të tjerë. Pra, duhet t'i jemi me të vërtetë mirënjohës Felice Bauerit që i ka mbajtur e i ka shpëtuar letrat e Kafkës. Të flasësh këtu për dokument, do të ishte tepër pak, veç në mos përdoret e njëjta fjalë për dëshmitë e jetës të Paskalit, të Kirkegardit dhe të Dostojevskit. Sa për mua, mund të them vetëm se këto letra kanë depërtuar brenda meje si një jetë e mirëfilltë, dhe se tani ato i ndiej aq të afërta e aq enigmatike, si të më takonin mua qysh prej shumë kohësh, qysh atëherë kur jam përpjekur të strehoj brenda qenies sime njerëz në tërësinë e tyre, në mënyrë që të nis e të rinis pareshtur për t'i kuptuar."
Çmimi: 900 Lekë
titleToAlt
Pas dy vëllimeve të para, "Gjuha e shpëtuar" dhe "Pishtari në veshin tim’’ tani lexuesve tanë po u jepet i përkthyer në shqip edhe vëllimi i tretë i veprës së madhe autobiografike të shkrimtarit të shquar Elias Kaneti, laureat i Çmimit Nobel. Ngjarjet e shumta, të larmishme dhe interesante që përshkruan autori te "Loja e syue - histori e një jete" zhvillohen kryesisht në Vjenë, në këtë qytet kozmopolit të viteve 1931-1937, në pragtë katastrofës evropiane. ...Ka sy që të ngjallin frikë, sepse kërkojnë vetëm të shqyejnë, ata shërbejnë për të gjurmuar prenë, e cila, pasi është diktuar, s'mund të quhet ndryshe veçse pre; edhe në arriftë të shpëtojë, prapë do të mbetet e damkosur si e tillë. Eshtë diçka e tmerrshme ngultësia e një vështrimi të pamëshirshëm. ...Kush hyn në fushën e saj pamore, shndërrohet në viktimë... dhe mund të shpëtojë vetëm nëpërmjet një metamorfoze të plotë. Por, meqë në realitet është e pamundur kjo metamorfozë, për hir të saj krijohen mite e personazhe. ...Mitik është edhe syri që s'kërkon të shqyejë viktima, megjithëse nuk i ndahet kurrë asaj që ka parë. Ky mit është bërë realitet, dhe kushdo që e ka përjetuar rikujton me emocion e tmerr syrin që e detyroi të mbytej në thellësinë e tij të pamasë. ...Thellësia e syve të tillë është e pakufi. Asgjë që zhytet në të s'ia prek dot fundin, dhe asgjë nuk kthehet dot më në sipërfaqe. Deti i këtij syri s'ka kujtesë, është një det që vetëm kërkon e merr. Ia jep çdo gjë që key ...gjithçka që përbën natyrën tënde më intime. .„Ky veprim s'është i dhunshëm, këtu s'kemi të bëjmë me diçka që ta rrëmbejnë. Atë që jep, e jep me kënaqësi, thua se ky është synimi yt i natyrshëm, thua se s'mund të kesh asnjë synim tjetër.
Çmimi: 900 Lekë
titleToAlt
Vetëdija e fjalëve", një përmbledhje esesh sociologjiko-letrare, përkthyer me mjeshtëri nga Prof. as. dr. Nairn Kryeziu, do ta njohë Kanetin edhe si eseist të shquar. Në parathënien e këtij vëllimi, autori thekson se në të janë përmbledhur, sipas rendit kohor, esetë që ai ka shkruar në vitet 1962-1974, me përjashtim të ligjëratës për shkrimtarin e njohur austriak Herman Broh, mbajtur në Vjenë më 1936, me rastin e 50-vjetorit të tij të lindjes. Duke shtjelluar me pak fjalë përmbajtjen e këtij vëllimi, Kaneti shkruan, ndër të tjera: "Në pamje të parë mund të duket paksa e çuditshme të gjesh këtu së bashku figura të tilla si Kafkën dhe Konfucin, Byhnerin, Tolstojin, Karl Krauzin dhe Hitlerin, katastrofa të përmasave nga më të Uahtarshmet, siç është katastrofa e Hiroshimës, dhe vrojtime letrare për mënyrën si shkruhen ditarët ose për zanafillën e një romani. Por bash kjo vendosje e këtyre figurave pranë njëra-tjetrës kishte rëndësi për mua, sepse ato vetëm në dukje nuk përputhen mes tyre." Vëllimi "Vetëdija e fjalëve" mbyllet me ligjëratën "Misioni i shkrimtarit", e cila përmbledh në vetvete tërë brendinë e tij. Lidhur me këtë, Kaneti vë në dukje: 'Te kjo ligjëratë, mbajtur në Munih të Bavarisë më 1976, jam përpjekur të them diçka rreth kësaj çështjeje. Kur po e shkruaja, më ngjante si diçka e mëvetësishme, por, kur e mbarova, u binda se vendi i saj duhej të ishte në mbyllje të këtij vëllimi, si mishërim i shpresës sime që të tjerët të arrijnë e t'i përmbushin, edhe më mirë se unë, kërkesat e saj
Çmimi: 1500 Lekë
titleToAlt
Komente rreth librit: Në këtë rrëfim plot shpirt dhe zbavitës... Johnson e ndërthur këndshëm historinë mes luftës, politikës dhe jetën vetjake. Observer Energjia e Çërçillit, përpjekja e tij e palodhur për emocionet, lavdinë dhe pushtetin, i kërkon shkrimtarit të apasionuar ta tregojë drejt historinë. Johnson-i është ky shkrimtar. Mail on Sunday I përkryer... Borisi është shkrimtar i shkëlqyer dhe ka një sens mjaft të kapshëm humori. Independent Një vepër shumë e lartë që na jep vlerësimin për arritjet e një njeriu të madh. Daily Telegraph Një arritje e përsosur... Johnson-i jo vetëm ka ngritur në qiell Çërçillin me këtë libër, por e ka rivalizuar me mjeshtërinë e tij. Financial Times Studimor por jo pedant, i shpejtë por jo pa peshë... një libër që të shpaloset me lehtësi Daily Express
Çmimi: 1200 Lekë
titleToAlt
Po a mund të harrohej rasti i berberit ku unë qethesha? Ai dha shpirt në këmbët e mia. Po sytë e tij si më vështronin? Ato mbetën te hapur sikur kërkonin ndihmë nga unë. Po mësuesi plak i shqipes që u vra tek çezma Duru?! Po Feim Shaqo, mullixhiu i gjorë, të cilit i vranë gruan, i përdhunuan edhe vajzën?! Gjaku e mielli bashkë qenë bërë brumë mbi trupin e tij. Po vajza apo gruaja e djegur me vajgur nga fisi i Bollatëve?! Po koka e prerë e Rami Kroit?! Trupi i tij u tërhoq zvarrë nëpër të gjitha udhët dhe sokaqet e Paramithisë. Po vrasja me plumb pas koke e dy pleqve në Dhrahomi, të cilët nuk pranonin të lëviznin nga pragu i shtëpisë?! Po pëllëmbët e prera të fëmijëve, të ngulura nëpër hunjtë e gardheve?! Po njëzet e katër të vrarë te një familje të madhe në Gardhiq?! Mes tyre tetë fëmijë. Po uajzat e mbytura në puse?! Po barku i çarë i një nëne shtatëzëne?! Fëmija i saj i pa jetë u vendos si trofe fitore prej në majën e një bajonete. Po sytë e nxjerra të vëllezërve Abedin e Gani Bako?! Sa shumë që janë...
Çmimi: 800 Lekë
titleToAlt
Ngjarjet e rrëfyera në vëllimin ‘’Tregime të rinisë’’ nuk janë të vërteta, por edhe mund Të ndodhin.Ndonëse të shkëputura dhe të lexueshme jashtë radhe, ato kanë, nje lidhjemes tyre: personazhin Majk (Majkëll, Mikel), i cili shfaqet here si protagonist, here si antagonist e here si kalimtar i rastit. Tregimet flasin për përplasje këndvështrimesh mes të rinjve dhe më të rriturve, mes të pasurve dhe më të varfërve, mes ëndërrimtarëve dhe atyre me këmbë në tokë. Zhvillohen në një periudhë ende të pasunduar plotësisht nga teknologjia, kohë kur ekzistonte bashkëbisedimi dhe kontakti mes njerëzve. Gjuha dhe stili i përdorur në këtë libër është i thjesht dhe i zakonshëm, si jeta e shumicës prej lexuesve. Nuk ka nevojë për fjalë të mëdha, për të përshkruar ngjarje të thjeshta.
Çmimi: 500 Lekë
titleToAlt
Çmimi: 1800 Lekë
titleToAlt
Autori i shumëshitur i "Një burrë i quajtur Uve" rikthehet me një roman mahnitës e thellësisht të ndier mbi një qytet të vogël me një ëndërr të madhe dhe çmimin që duhet paguar për ta bërë këtë ëndërr realitet. Njerëzit thonë se Qyteti i Arinjve ka marrë fund. Por pranë liqenit gjendet një arenë akulli, e ndërtuar breza më parë nga punëtorët që e themeluan këtë qytet. Dhe brenda asaj arene gjendet arsyeja përse njerëzit e Qytetit të Arinjve besojnë se e ardhmja do të jetë më e mirë se e tashmja. Ekipi i të rinjve i hokejit mbi akull do të marrë pjesë në ndeshjen kombëtare gjysmëfinale dhe, në fakt, një shans për të fituar e kanë. Të gjitha shpresat dhe ëndrrat e këtij vendi rëndojnë tashmë mbi supet e një grushti djemsh adoleshentë. Të kesh përgjegjësi për shpresat e një qyteti të tërë është një peshë e rëndë, dhe mbas ndeshjes gjysmëfinale ndodh një ngjarje tjetër, që më pas tërheq vëmendjen e gjithë Qytetittë Arinjve...
Çmimi: 1200 Lekë
titleToAlt
Çmimi: 1000 Lekë
titleToAlt
"Kujtimet e Sherlok Holmsit" është një përmbledhje e tregimeve të Sherlok Holmsit, e botuar fillimisht në vitin 1893, nga Artur Konan Dojli. Një burrë si Sherloku ka shumë armiq: vrasës të dhunshëm, batakçinj të ulët, fantazma dashurish të vjetra, kërcënues, shkrimtarë helmues, për të përmendur vetëm disa. Por askush nuk është kaq i tmerrshëm e i fuqishëm sa profesor Moriarti. Moriarti është i vetmi, i cili mund të krahasohet me gjenialitetin e Holmsit. Është i vetmi njeri, ndoshta, që mund ta mposhtë përfundimisht detektivin e madh...
Çmimi: 800 Lekë
titleToAlt
"Mos harroni se jetojmë në një mbretëri hijesh fati, hije që me dëshirë mirërriten në grykësi dhe pranojnë formën e përbashkët me virtyte të dëbuara që ne i japim. Sido-qoftë, unë tani ndihem keq, aq keq sa kam dëshirë të vjell. Ju përshpirtem, mbani vesh dhe kuptoni, se aroma e fajtur me fajësi që tretet në erën shpërndarëse nuk vjen nga qielli dritëdhënës. Bota me zgavrat e saj të fshehta dhe me tërëçka në nevojtoren e saj, po makrohet për së gjalli, po shembet, po përfundet dhe po mbushet me djaj të freskët që presin me harqe të ngritur, për të na dërguar shigjeta fatale mëkatesh të pafalshme. Kur dielli humb ngjyrat dhe hijeshinë, ai hap perden e natës së errët dhe sjell një sterrim të ri akoma më të paçashëm. Një gangrene e kësillojtë, na e mban trurin e lezionuar të paajrosur. Për pasojë, ne të gjithë mbetemi një tufë makutësh të sëmurë, me xhepin plot monedha humbjeje. Nëse secili prej nesh varros nga një ves, atëherë mbitoka do të jetë vend i bukur jetese"
Çmimi: 600 Lekë
titleToAlt
Anxhelika nuk ia ka dale kurrë të ngulet diku. Asnjëherë nuk ka dashur të lidhet me diçka apo dike, gjithmonë e gatshme t'ia mbathë nga të gjitha për shkak të frikës. Por ka një vend ku ajo ndihet si në shtëpi, dhe ai vend është pikërisht mes bletëve të saj. E mbështjellë nga dridhja e qetë e krahëve të tyre dhe nga aroma e fortë e mjaltit që rrjedh nga kosheret, Anxhelika ndihet e mbrojtur dhe e dashur. Eshtë një bletërritëse shëtitëse dhe vetëm përmes mjaltit arrin të shprehë emocionet e veta. Sepse mjalti i livandës mund të qetësojë një shpirt të trazuar, sikurse ai i akacies mund të kthejë buzëqeshjen. Dhe Anxhelika di gjithmonë të gjejë mjaltin e duhur për këdo, është dhuntia e saj e veçantë. Ishte Margarita ajo që ia mësoi, gruaja që iu bë nënë në f ëmijëri, kur jetonte në një ishull të rrahur nga era pranë brigjeve të Sardenjës. Pasi u largua prej aty, Anxhelika e ndryu zemrën dhe që atëherë nuk mundi të qëndronte gjatë në asnjë vend. Por tani fati ka vendosur t'i japë një tjetër mundësi. Është një trashëgimi e tërë që e pret atje ku ka nisur gjithçka, në atë ishull ku ka qenë e lumtur. Është një shtëpi që lartohet mes trëndafilash më erëmirë, një pemë që fsheh një sekret të çmuar dhe një detyrë për ta çuar deri në fund. Dhe vetëm një njeri mund ta ndihmojë: Nikola. Një burrë misterioz, por që i njeh mirë të gjitha pasiguritë që fshihen në sytë e mëdhenj të Anxhelikës. Vetëm ai mund t'ia shërojë plagët, t'i japë kurajë dhe, në fund, ta ndihmojë të gjejë sërish shtëpinë e saj të vërtetë. I vetmi vend ku zemra mund të jetë krejt e lirë.
Çmimi: 1000 Lekë
titleToAlt
Në këtë roman jashtëzakonisht origjinal fragmentet e rigjetura vendosen në ekspozitë: imazhet dhe anekdotat, kujtimet e përziera që përbëjnë jetën e një gruaje. Një shall i mëndafshtë dhe një kuti argjendi cigaresh; një monedhë floriri dhe një tufë flokësh; nga fotografi të zbehta shfaqen fytyrat e një brezi që thjesht sapo ka ikur, tashmë i humbur përgjithmonë ... Koha lëviz me një ritëm më të shpejtë, më të dhunshëm dashurie dhe humbjeje, tradhtie dhe mërgimi. "Mbresëlënës dhe thellësisht i ndjerë - karakteristika që jo gjithmonë shkojnë së bashku - dhe meriton një numër të gjerë lexuesish". TIMES LITERARY SUPPLEMENT "Një hapësirë mjeshtërore, magjepsëse rrëfimi dhe reflektime me ritëm të lartë. Me indinjatën dhe dhimbjen e saj, Ugreshiçi flet. për shumë njerëz, për shumë përvoja. Ajo është një srikrimtare që duhet ndjekur. Një shkrimtare që duhet dashur fort." SUSAN SONTAG
Çmimi: 700 monedha
titleToAlt
1815. Luigji XVIII hipën përsëri në fron, por përplaset me opozitën, të cilën perandori Napoleon, i internuar në ishullin e Elbës, mendon ta shfrytëzojë. Në Marsejë, ku mbretëron përçarja civile, është çasti më i volitshëm për larje hesapesh politike dhe vetjake. Kështu, marinari Edmond Dantes, në prag të martesës, e sheh papritur veten të arrestuar dhe të burgosur në kështjellën e Ifit, pa e ditur arsyen... Botuar më 1844-1846, Konti i Monte Kristos njohu një sukses që nuk është shuar kurrë, duke u bërë kështu një nga veprat më popullore të letërsisë botërore. Abati Faria, arratia e pangjarë ndonjëherë, thesari me të cilin do të shpërblehen miqtë dhe do të ndëshkohen tradhtarët, fati përrallor i Edmond Dantesit, kanë thjeshtësinë dhe forcën e miteve të mëdha. Rrëfimtar mahnitës, si në aksionin e veprës ashtu edhe në dialogët e saj, Dymasi na rrëmben me vete pa na lënë të mbushemi me frymë: nga kabineti i Luigjit XVIII në Mesdheun e kontrabandistëve, nga ishujt e Toskanës në katakombet e Romës e pastaj në sallonet parisiane, ku konti misterioz i Monte Kristos përgatit hakmarrjen e tij...
Çmimi: 1000 Lekë
titleToAlt
Libri ngulit strukturat bazë të anglishtes së folur dhe të shkruar Përmban 50 teste të nivelit mesatar me nga 50 pikë secili. Në fund të çdo testi jepen përgjigjet e ushtrimeve. Lexuesi bën vetëvlerësimin e nivelit të vet të anglishtes, mat njohuritë gramatikore dhe përcakton vështirësitë në përvetësimin e gjuhës. Libri i drejtohet cilitdo që dëshiron të zbulojë dobësitë dhe mangësitë dhe t'i korrigjojë ato shpejt dhe në mënyrë të pavarur. "Test Your English" develops a student's spoken and written skills. The book contains 50 tests of intermediate level with 50 points each. The key, at the end of each test, provides the answers to the exercises. The student can quickly test his or her level of English. They can identify any weaknesses and independently work on improving their English language skills.
Çmimi: 400 Lekë
titleToAlt
Duket qartë që Krasznahorkai është i mahnitur nga apokalipsi, nga zbulimet e papritura, nga mesazhet e padeshifrueshme. Të jesh përherë në prag të një perceptimi vendimtar është po kaq e oatyrshme për një karakter të Krasznahorkait sa ç'është edhe për një karakter të Dostojevskit të cilin Zoti e ka braktisur tashmë. Romani i tij 'Melankolia e qëndresës' është një komedi e apokalipsit, një libër për një zot që jo vetëm deshton, por edhe nuk kthehet të bëjë llogaritë. Më pak maniak, më pak i ngërthyer se romani "Luftë dhe Luftë', 'Melankolia e qëndresës' ka elemente të romanit tradicional social.
Çmimi: 1200 Lekë
titleToAlt
Teksti "Matematika për maturën shtetërore" është hartuar me synim që t'ju ndihmojë në sistemimin e njohurive matematikore, në aspektin teorik dhe atë praktik, duke siguruar zotërimin e kompetencave kryesore të të nxënit të kësaj lënde. Pjesa e parë e librit është e ndarë në 16 kapituj, që i korrespondojnë çdo kapitulli të programit mësimor të lëndës marrë në të tre vitet, pavarësisht se cilin botim keni në përdorim. Ky libër mund të përdoret edhe nga nxënësit e klasave të 10 dhe 11 për të sistemuar njohuritë sipas kapitujve.
Çmimi: 700 Lekë
Të gjitha të drejtat e rezervuara. © 2015 Librari Albania