titleToAlt
Pjesë nga libri : “Kur isha dymbëdhjetë vjeç, Zoti i foli tim eti për herë të parë. Zoti nuk i tha shumë gjëra. I tha të bëhej piktor dhe e la me kaq, duke u kthyer në vendin e tij mes engjëjve të vështronte përmes reve poshtë qytetit gri, për të parë se çfarë do të ndodhte. Në atë kohë, im atë ishte nëpunës. Ishte një burrë i hollë, i gjatë dhe energjik, me kockat e gollganëve aq të mprehta sa mend i çanin lëkurën...”. “Katër letra dashurie” është një roman për fatin, pranimin e tij, për tragjeditë dhe mrekullitë e jetës së përditshme. Pjesa më e madhe e tij është një rrëfim i paharruar për fuqinë ndriçuese të dashurisë. “Rastësisht ju keni fatin e madh të lexoni një roman që do t’ju përfshijë si të ishte një triller dhe do të dëshironi të mos i vijë fundi kurrë… por në fund fare ju lë një shije gëzimi… Rrëfimi i Williams shpaloset me një hijeshi lirike. Romani rrjedh me kurajë dhe qartësi drejt një pohimi mbresëlënës të magjisë, mrekullisë dhe fuqisë së dashurisë njerëzore”,
Çmimi: 400 Lekë
titleToAlt
Xha Morisi këshillon dhëndrin, Zhermenin, 28 vjeç, mbetur i ve, të martohet përsëri me një të ve të një krahine fqinjë. Po në udhën për ta takuar, Zhermeni humbet në një pyll dhe gjen një lugajë, “Pellgun e Djallit”, ku vendoset për të shtyrë natën, tok me të birin, Pjerin e vogël dhe Marinë, një vajzë të re 16 vjeç, të ëmbël e të bukur, e cila po niset të punojë në një fermë. Ky bie në dashuri me vajzën e re dhe niset të takojë gruan e ve në fshatin Furshë, po nuk e vlerëson këtë kandidate, ngaqë ajo ka tashmë tre pretendentë, të cilët i mban me shpresa më kot e për t’u mburrur. Duke u kthyer të kërkojë të birin, të cilin e ka lënë me Marinë, mëson se kjo e fundit ka ikur befasisht. E gjen dhe e merr nën mbrojtje prej fermerit, ndaj të cilit i ishte dashur të merrte arratinë për t’u shpëtuar sulmeve. Pas kthimit shëndoshë e mirë në shtëpi, që të dy nuk guxojnë t’i flasin njëri-tjetrit për shumë muaj, derisa Zhermeni, i nxitur nga e vjehrra, i del përballë Marisë duke i pohuar dashurinë...
Çmimi: 650 Lekë
titleToAlt
Kjo histori e famshme e Kroninit është një roman shpirt trazues krenarie, lakmie dhe ndëshkimi të tmerrshëm. Kur i ati e detyron Meri Brodin të shkëputet nga shkolla, duke prerë të gjitha kontaktet e saj me të shkuarën dhe të ardhmen, jeta e vajzës mbetet rrethi i ngushtë, i ftohtë, i trishtuar i shtëpisë atërore në një qytet të vogël të Skocisë. Babai i saj koprrac dhe ambicioz tiranizon gruan e vet të druajtur, të mirësjellshme, bijën më të vogël të trembur që studion tej mundësive dhe birin pa burrëri. Katër njerëz mbahen nën darën e pamëshirshme të Brodit... Derisa, si një puhizë nga bota jashtë, që Brodi e përçmonte aq shumë, hyn në skenë një irlandez i ri, tek i cili Meri gjen lirinë e ndaluar dhe që është i vetmi lehtësim për të ëmën dhe motrën e saj... Trazira e një familjeje që nuk funksionon, pjesëtarët e së cilës shkatërrohen dalëngadalë nga ambicia e pazakontë e kreut të saj, Xhejms Brodi. Vlerësuar si libri i humbjes: humbjes së pafajësisë, humbjes së suksesit, humbjes së respektit për veten, humbjes së gjithçkaje të rëndësishme që na formon si njerëz.
Çmimi: 1500 Lekë
titleToAlt
“Kjo Anë e Parajsës”, romani i parë i Ficxheraldit, rezultoi një sukses i menjëhershëm, i jashtëzakonshëm, kur u botua për herë të parë në vitin 1920; kjo vepër ndërtoi famën e tij letrare. Ndoshta romani më përcaktues i atij “Brezi të Humbur”, ky rrëfen historinë e Amori Bllejnit, një student i pashëm, i pasur i Prinstonit, i cili përfshihet pa shumë entuziazëm në kulte letrare, aktivitete “liberale” studentore dhe një numër flirtesh boshe me gra të reja. Megjithatë, kur më në fund bie vërtet në dashuri, vajza e refuzon për një tjetër. Pas shërbimit ushtarak në Francë gjatë Luftës së Parë Botërore, Amori kthehet dhe nis një karrierë në industrinë e reklamave. Akoma i ri, po ndërkaq cinik dhe i lodhur nga bota, ai është shembulli i djemve dhe vajzave të viteve njëzet të shekullit të shkuar, një brez që, siç e përshkruan Ficxheraldi, “qe rritur për të zbuluar se gjithë zotat kishin vdekur, gjithë betejat ishin luftuar, gjithë besimet te njeriu ishin tronditur.” “Pothuaj aq e përkryer sa ç’mund të jetë një vepër… Shpirti i lavdishëm i rinisë shkëlqen në këtë rrëfim magjepsës. Amori, egotisti romantik, është në thelb i riu amerikan.” – The New York Times Një shfaqje brilante e premtimit letrar... Proza e Ficxheraldit është e aftë të lartësohet në qiell si një violinë dhe të prekë lexuesit e vet sa me tingujt e mekur e të ngjirur, aq edhe me notat e mprehta... – Craig Raine Botuar kur ai ishte njëzet e tre vjeç, romani i parë i F. Skot Ficxheraldit, Kjo Anë e Parajsës, e lartësoi atë si djalin e artë të Epokës së Xhazit që po agonte. Si kronikë e viteve të rinisë, asnjë vepër tjetër letrare nuk mbetet kaq shprehëse… dhe kaq therëse.
Çmimi: 900 Lekë
titleToAlt
Me fjalët e Kristianit, përmes mendimeve, reflektimeve dhe ëndrrave të tij, E L James ofron një këndvështrim të ri mbi dashurinë që ka magjepsur miliona lexues në të gjithë botën. Kristian Grei ushtron kontroll mbi gjithçka; bota e tij është e rregullt, e disiplinuar dhe krejtësisht e zbrazët - deri ditën që Anastasia Stilli hyn duke u rrëzuar në zyrën e tij, në një lëmsh gjymtyrësh të derdhura dhe flokësh gështenjë të çrregullt. Ai përpiqet ta harrojë vajzën, mirëpo përfshihet në një furtunë emocionesh që nuk arrin t’i kuptojë dhe nuk mund t’u rezistojë. Ndryshe nga çdo grua që ka njohur më parë, Ana e druajtur dhe e papërvojë duket se sheh tejpërtej tij... përtej gjeniut të biznesit dhe stilit të jetës luksoze... sheh zemrën e akullt dhe të lënduar të Kristianit. A do t’i davaritë bashkimi me Anën tmerret e fëmijërisë që i faniten çdo natë Kristianit? Apo dëshirat e tij të errëta seksuale, fiksimi për të pasur gjithçka nën kontroll dhe vetëpërçmimi që mbush shpirtin e tij do ta largojnë vajzën dhe do të shkatërrojnë shpresën e brishtë që ajo i ofron?
Çmimi: 1500 Lekë
titleToAlt
Në kufirin kritik të moshës, Bernard dë Moprati rrëfen mbi dashurinë. Atë që ka provuar për të kushërirën Edme, gruan e vetme të jetës, ngrohtësinë që ajo i ka dhuruar dhe provat e vështira, në të cilat e ka vënë përpara sesa ta pranonte për bashkëshort. Libri Historia e Mopratëve është një roman mbi arsimimin dhe edukimin në kuptimin më të plotë të termit, ngaqë djaloshi Moprat, i izoluar për hir të trilleve të fatit mes një soji ujqërish, që janë ungjërit e vet, nuk di as të lexojë. Zhorzh (George) Sandi përfiton nga ky personazh ekzemplar për të na zbuluar aspektet e shumanshme të fjalës njerëzore, së cilës i vë përballë këndshëm qenin trupvogël të Markasit “të lindur memec”, i cili nuk begenis të lehë... Nga rrëfimi i zakonshëm te fjala mbrojtëse, nga premtimi te pohimi, të gjitha llojet e ligjërimeve, tërë mënyrat e komunikimit shfaqen në Historia e Mopratëve. Në këtë roman, veprimi i të cilit vendoset në dy Berrinë e shekullit XVIII – dhe që ka një fabul sa filozofike aq edhe historike – rrëfimi na bën të dalim prej natës feudale, duke na tërhequr, përmes një lakoreje të fortë nëpër luftën për liri të Shteteve të Bashkuara, në trojet e një bote të re më pak të padrejtë. Historia e Mopratëve është një roman optimist dhe thellësisht rusojan.
Çmimi: 1200 Lekë
titleToAlt
Projekti i Gruas do ta zgjidhë këtë problem. Ai ka hartuar një pyetësor prej gjashtëmbëdhjetë faqesh për ta ndihmuar që të gjejë partneren e përkryer. Në mënyrë kategorike, ajo nuk duhet të jetë banakiere, duhanpirëse, alkoliste apo njëra nga ato që vjen me vonesë në takime. ROZI XHARMANI i ka të gjitha këto gjëra. Ajo është gjithashtu e shkathët, e zgjuar dhe e bukur. Dhe po bën një kërkim për të gjetur babanë e saj biologjik – një kërkim për të cilin Doni, profesor gjenetike, mund të jetë në gjendje ta ndihmojë. Projekti i Gruas i mëson Donit disa gjëra të paparashikuara. Pse gjatësia e llapës së veshit është një tregues i pamjaftueshëm i joshjes seksuale? Pse akullorja shijon ndryshe në Nju-Jork? Pse ai nuk ka shkuar asnjëherë në një takim të dytë dashuror? Dhe pse, me gjithë përpjekjet më të mira shkencore, ti nuk e gjen dot dashurinë: dashuria të gjen ty. “Megjithëse mund të na bëjë shumë për të qeshur, romani Dashuria është një defekt i mrekullueshëm është një reflektim serioz mbi nevojën që kemi për shoqëri dhe identitet. Don Tillmani është një tregimtar sa i ngathët e harraq, aq dhe i dashur e magjepsës.” JOHN BOYNE “Bota do të dashurohet me Donin dhe Rozin dhe mua nuk më pritet deri sa kjo të ndodhë.” JILL MANSELL “Nuk ka asnjë dyshim se heroi i pangjashëm Don Tillman do ta pushtojë botën, në mos me sulm, sigurisht me argument racional... Tejet zbavitës, prekës dhe kaq i mprehtë e nxitës sa të duket sikur dëshiron të hidhesh në botën e romanit dhe të bashkohesh me të.” Australian Woman Weekly
Çmimi: 1000 Lekë
titleToAlt
Landon ishte djalë i shkujdesur. Xhemi, vajzë e shtruar, që s’'donte t’'ia dinte ç’mendonin të tjerët për të. Dy njerëz pa asgjë të përbashkët, por që kishin shumë për të mësuar nga njëri tjetri. Një libër i jashtëzakonshëm,...prekës dhe shpeshherë rrëmbyes... Një libër që nuk do ta harroni shpejt.
Çmimi: 600 Lekë
titleToAlt
Që kur e shoqja, Misi, vdiq, e shtypur nga një pirat i rrugës, jeta e Mailes Rajanit u duk se mori fund. Megjithatë, Mailesi e di se duhet të shkojë përpara dhe të mësojë të jetojë pa dashurinë e madhe, që e ka shoqëruar që nga kohët e liceut: duhet ta bëjë edhe për të birin, Xhonasin e vogël. Në këtë gjendje të një hidhërimi të thellë, duke vajtuar gëzimin e jetës familjare, pikërisht teksa mendon se nuk do ta provojë kurrë më dehjen e të dashuruarit, Mailesi takon Sarën, gruan që do ta bëjë të ribesojë. Me Sarën, që është e vendosur të ndërtojë një jetë të re pas një përvoje të trishtuar bashkëshortore, duket të përvijohet në horizont një lumturi e re. Por një e fshehtë e papritur, e parrëfyeshme, i lidh Mailesin e Sarën dhe do t'i detyrojë jo vetëm të vënë në dyshim çdo siguri të tyre, por edhe të bëjnë një zgjidhje, që do t'ua ndryshojë jetët përgjithmonë.
Çmimi: 700 Lekë
titleToAlt
Historia e dashurisë ndërmjet një djali te varfër e pasionant me një vajzë të pasur. Ata detyrohen të ndahen për shkak të pabarazisë së tyre sociale…
Çmimi: 800 Lekë
titleToAlt
Dallgët, dhe fati, mund ta kishin çuar kudo atë shishe, por në fakt u gjet tri javë pas nisjes së udhëtimit. Tereza Osborn, e divorcuar dhe nënë e një djali 12-vjeçar, e gjen shishen gjatë një pushimi në bregdet, për t’u shkëputur nga puna si kolumniste në gazetën e Bostonit. Brenda shishes ishte një letër, në të cilën shkruhej: “E dashur Kethrin, më mungon shumë, si gjithmonë, por sot është shumë e vështirë, sepse oqeani po më këndon këngën e jetës tonë së bashku”. Për Garret, mesazhi është e vetmja mënyrë për të shprehur dashurinë për një grua që e ka humbur. Për Terezën, së cilës i mungon romanca që kur i shoqi theu besimin e saj, ky mesazh është intrigues. E nxitur nga misteri, Tereza nis një udhëtim në kërkim të Garret. Të bashkuar nga shansi apo diçka tjetër më e fuqishme, jetët e tyre bashkohen duke përçuar shpresë për të dashuruar sërish.
Çmimi: 1000 Lekë
titleToAlt
NDONJËHERË TË NJËJTAT EMOCIONE QË TË THYEJNË ZEMRËN JANË PO ATO QË TA SHËROJNË ATË... Ishin disa gjëra për të cilat Xheremi Marsh ishte i sigurt që nuk do t'i bënte kurrë: kurrë nuk do ta braktiste Nju Jorkun; kurrë nuk do të dashurohej pasi përjetoi një martesë të dështuar; dhe kurrë nuk do të bëhej prind. Tani ai jeton në një qytet të vogël të Bon Krekut, në Karolinën e Veriut, i fejuar me Leksi Darnell, dashuria e jetës së tij, dhe priste të krijonte familjen e tij. Por kur dukej se jeta po i sillte vetëm gëzime, një e-mail misterioz, me përmbajtje shqetësuese do të shkaktojë një varg ngjarjesh që do të ndryshojnë rrjedhën e martesës së këtij çifti. Sa mirë e njohim ne atë që dashurojmë? Si të reagojmë ndaj dyshimeve të paevitueshme, frikërave që kanë lidhje me fëmijërinë, që na ngrenë pengesa që ndonjëherë na zënë rrugën? Duke vazhduar historinë e çiftit të ri të prezantuar në bestsellerin e Sparksit "TË BESOSH NË MREKULLI", kjo novelë shkakton hidhërim, tension, romancë dhe befason ata që sapo janë martuar. Një përrallë mahnitëse rreth dashurisë midis një burri dhe një gruaje dhe ndërmjet një prindi dhe një fëmije, "MAGJIA E DASHURISË" flet për përfundime historish që sjellin histori të reja... për tragjedi që të çojnë në gëzime të papritura... dhe, mbi të gjitha për magjinë e një dashurie të përjetshme.
Çmimi: 1000 Lekë
titleToAlt
Tejlori , zjarrfikës në një qytezë të Karolinës së Veriut, është një burrë që nuk i trembet rrezikut. Megjithatë. kurajoja e tij është më e vogël, kur është në mes të rreziku së rënies në dashuri. Një rrezik serioz... që nga çasti që njeh Denisë Holtonin, një vajzë-nënë e re, e mbërthyer nga problemet e një fëmije të vështirë. Te dy takohen shpesh e bëhen miq, por, para se t’i jepet ndjenjës, Tejlorit i duhet të vështrojë brenda vetes dhe në të kaluarën e tij dhe të zbulojë se nuk është tepër vonë për një të ardhme te lumtur...
Çmimi: 700 Lekë
titleToAlt
Kur Savana Lin Kërtis hyri në jetën e tij, Xhon Tairi e ndjeu se ishte gati të kthente një faqe të re në jetën e tij. Ishte një rebel i inatosur, kur u regjistrua në ushtri pasi kishte mbaruar kolegjin, sepse nuk dinte se çfarë të bënte tjetër. Më pas, gjatë një liridalje takon vajzën e ëndrrave të tij. Savana Lin Kërtis studionte në një nga kolegjet e Karolinës së Veriut, punonte për "Streha për Shpresë" dhe qe shumë e papërgatitur për tërheqjen pasionate që ndjeu për Xhon Tairin. Tërheqja ishte e dyanshme dhe shumë shpejt ajo u bë një nga ato dashuri që e detyroi Savanën të priste derisa Xhoni të mbaronte shërbimin ushtarak dhe ai të kuptonte se ishte gati të angazhohej me vajzën që i kishte rrëmbyer zemrën. Asgjë nuk e kishte parashikuar se 11 shtatori do të ndryshonte botën dhe do ta detyronte Xhonin të rrezikonte të gjitha ëndrrat dhe shpresat e tij. Si shumë femra dhe meshkuj krenarë, Xhoni do të zgjidhte midis dashurisë dhe detyrës ndaj vendit. Dhe pasi të gjitha këto të liheshin pas, Savana duhej të vendoste të priste apo të vazhdonte jetën e saj. Si të bëjmë zgjedhjen e duhur? Si mund ta përballojmë humbjen, pa u dorëzuar në dashuri? Tani, kur më në fund u kthye në Karolinën e Veriut, Xhoni do të zbulonte se dashuria për Savanën do ta detyronte të bënte zgjedhjen më të vështirë në jetën e tij. Një histori e jashtëzakonshme,"I DASHUR XHON" zbulon kompleksitetin e dashurisë - si i mbijeton ajo kohës dhe zemërthyerjes, dhe si na ndryshon përgjithmonë.
Çmimi: 900 Lekë
titleToAlt
Në pranverën e vitit 1984, kur frekuentonin liceun, Amanda dhe Donsoni ishin dashuruar me njëri-tjetrin: thellësisht, në mënyrë të pakthyeshme. Pavarësisht se u përkisnin dy botëve të kundërta, dashuria e tyre dukej aq e madhe, sa për ti sfiduar rregullat e jetës së Orientalit, qytezës së Karolinës së Veriut ku ishin rritur. Donsoni, tek i cili kishte lënë shenjë dhuna e familjes së tij, mendonte se ndjenja për Amandën do ta kishte shpërblyer dhe shpëtuar nga një fat vetmie e fatkeqësie. Për Amandën, Donsoni ishte një shpirt i lirë e i pasionuar, gjithçka që edukimi i saj i rreptë prej vajze të përkryer ia kishte mohuar. Por, në mbarimin e asaj vere të fundit, e paparashikueshme dhe e rrufeshme si një shtrëngatë gushti, rrugët e tyre ishin ndarë papritur. Tani, njëzet e pesë vjet më pas, Amanda dhe Donsoni takohen sërish në Oriental për varrimin e Tukut, mikut të vjetër që dikur i kishte dhënë strehë pasionit të tyre rinor. Asnjëri prej të dyve nuk ka pasur jetën që shpresonte... dhe asnjëri prej të dyve nuk e ka harruar dashurinë e parë tronditëse, që i kishte ndryshuar përgjithmonë. Ndërsa plotësojnë dëshirat e fundit të Tukut, të shprehura në dy letra, zbulojnë në ato faqe të vërteta të papërfytyrueshme për ata që kanë mbetur, për ata që kanë shkuar përgjithmonë dhe, mbi të gjitha, për lidhjen e tyre. Të detyruar të përballen me kujtime shumë të hidhura, Amanda e Donsoni do të mësojnë arsyet e vërteta të zgjedhjeve të bëra në të kaluarën. Dhe, në një fundjavë të vetme, më e gjata e jetës së tyre, do të mundin të besojnë, prapë edhe një herë, ndoshta e fundit, se dashuria zgjat përgjithmonë.
Çmimi: 1000 Lekë
titleToAlt
Kur një grua e re misterioze me emrin Kejti, shfaqet në Karolinën e Veriut, në qytetin e vogël të Sauth-portit, prania e saj, papritur ngre një seri pyetjesh për të kaluarën e saj. E bukur por e ndrojtur, Kejti duket e vendosur për të shmangur krijimin e ndonjë lidhje intime, derisa një seri ngjarjesh do ta tërheqë në dy marrëdhënie ndaj të cilave ngurron: ajo me Aleksin, pronari i një marketi, një i ve zemërmirë me dy fëmijë të vegjël, dhe marrëdhënien me fqinjën e saj të vetme, Xhoit. Pavarësisht nga hezitimet e fillimit, Kejti dalëngadalë fillon të prishë mburojën e saj, duke hedhur rrënjë në komunitetin e ngushtë dhe duke u lidhur gjithnjë e më shumë me Aleksin dhe familjen e tij. Ndërsa Kejti fillon të bjerë në dashuri, ajo lufton me të fshehtën e saj të errët që ende e lëndon dhe tmerron, një e kaluar që e detyroi të nisë një udhëtim të frikshëm dhe të pasigurt për të gjetur një parajsë sigurie në Sauth-port. Me mbështetjen dhe këmbënguljen e vazhdueshme të Xhoit, Kejti, përfundimisht kupton se në kohët më të vështira, dashuria është e vetmja parajsë e vërtetë.
Çmimi: 1000 Lekë
titleToAlt
Trevis Parkeri ka gjithçka që një njeri mund të dëshirojë: një profesion që e adhuron, miq besnikë, madje edhe një shtëpi buzë oqeanit në provincën e Karolinës së Veriut. Duke ndjekur një stil të mirë jetese,shëtitje me varkë, not, dhe festa të shpeshta me miqtë e tij të ngushtë, ai ka bindjen e mjegullt se një marrëdhënie serioze me një femër vetëm do të ndërlikojë stilin e tij të jetesës, derisa Gebi Holand do të bëhet fqinja e tij. Megjithë përpjekjet e tij për të qenë fqinj të mirë, flokëkuqja tërheqëse mban mëri ndaj tij... dhe prania e të dashurit të saj prej vitesh nuk e ndihmon. Megjithatë, Trevisi nuk resht së përpjekuri që të bëjë për vete fqinjën e tij të re, dhe përpjekjet e tij të vazhdueshme do t'i çojnë ata të dy në pragun e një udhëtimi, që as mund ta kemi parashikuar. Duke na përfshirë në plot ngjarje të dashurisë së të rinjve, martesës dhe familjes, “ ZGJEDHJA” në fund të fundit na ballafaqon me pyetjen që të copëton më shumë zemrën: Sa larg duhet të shkoni për të mbajtur gjallë shpresën e dashurisë?
Çmimi: 900 Lekë
titleToAlt
A ekzistojnë me të vërtetë hajmalitë? Ish ushtari Logan Tibolt mendon se ka gjetur një. Duke mbajtur gjithmonë në mendje kujtimet e shokëve që humbi në Irak, Logani e di që është më shumë fat që arriti të kthehet në shtëpi. Ai beson se një fotografi që mbante gjithmonë me vete, fotoja e një gruaje të buzëqeshur që nuk e ka takuar asnjëherë, ishte ajo që I shpëtoi jetën. I vendosur ta gjendte, Logani ndërmerr një udhëtim me zbulime të pabesueshme. Beti, gruaja e fotografisë,po orvatet të zgjidhë problemet e saj: një ish bashkëshort që nuk mund ta pranojë që lidhja e tyre ka marrë fund dhe që kërcënon cilindo që i afrohet. Dhe pavarësisht nga tërheqja e madhe që ekziston mes atyre të dyve, Logani I ka mbajtur Betit një të fshehtë të madhe: si e gjeti fotografinë…
Çmimi: 1000 Lekë
titleToAlt
Autorja e bestsellërve Johanna Lindsey i përfshin lexuesit në botën e privilegjuar të aristokracisë angleze duke na paraqitur një roman të ri të mbizotëruar nga pasioni, intriga, dhe kënaqësitë romantike ku spikasin Malorët e pashoq, një familje mashtruesish të pashëm dhe mjaft elegantë, aventurierë të mëdhenj dhe të dhënë shumë pas femrave. Tani Xheremi, i biri i një pirati xhentëllmen, Xhejms Malorit, bie në dashuri. Deni, një vajzë e re që u rrit në rrugët e Londrës pa asnjë kujtim të familjes së saj të vërtetë, është dëbuar nga banda e saj sepse ka ndihmuar bukuroshin Xheremi Malori të vjedhë përsëri bizhuteritë e mikut të tij që i kishte humbur në një lojë pokeri. Deni kërkon që Xheremi t'i sigurojë një punë. Ajo është e vendosur që të bëjë një jetë të respektuar në mënyrë që të përmbushë ëndrrën e saj për t'u martuar dhe për të krijuar familje. I Intriguar nga bukuria dhe guximi i saj, Xheremi e punëson Denin si shërbyese në shtëpinë e tij, edhe pse ai dëshiron që ajo të bëhet e dashura e tij. Nën tutelën e Xheremit dhe kushërirës së tij Rexhina, Deni u shndërrua në një zonjë të vërtetë. Edhe pse ajo është e tërhequr nga Xheremi, pasionin që ndjen për të nuk e ka përjetuar kurrë më parë, ajo nuk pranon të jetë asgjë më shumë se një shërbëtore e tij, sepse e di se ai nuk është nga ata djem që i pëlqen martesa. Kur Deni shndërrohet në një Hirushe dhe prezantohet si e dashura e re e Xheremit, në përpjekje për ta ndihmuar atë të shmangë një skandal, disa pjestarë të familjes vërejnë se Deni iu duket shumë e njohur. Tani thashethemet kanë pushtuar Londrën, duke ngritur çështjen mbi identitetin e saj të vërtetë, duke kërcënuar jo vetëm shanset e Denit për të bërë për vete zemrën e Xheremit, por më shumë jetën e saj.
Çmimi: 1000 Lekë
titleToAlt
Bukuroshja Rovena Bellem duhet të ketë një trashëgimtar, përndryshe do të jetë pre e zemërimit të vëllait të saj të pamëshirshëm nga njerku, të cilit i rrezikohet nga konfiskimi pasuria e vënë në mënyrë të paligjshme. Dhe i mrekullueshmi Uerrik d'Shavill është i zgjedhuri i përkryer për babain e fëmijës së saj, edhe pse kjo do të thotë burgosje për fisnikun e pashëm dhe detyrim t'i bindet tekave të gruas që dashuron. Duke u zotuar t'i rezistojë, por i tradhëtuar nga vetë burrëria e tij, fisniku Uerrik është i dehur nga sytë e magjishëm dhe bukuria epshndjellëse e Rovenës. Tashmë ai po planifikon të hakmerret.
Çmimi: 900 Lekë
titleToAlt
Eshtë viti 1942. Uili Trusdeli arrin në Hong Kong në kërkim të një jete të re dhe menjëherë bie në dashuri me Trudi Liangun, një grua magjepsëse, që shkakton skandal me sjelljen e vet në shoqërinë e lartë të kolonisë angleze. Midis tyre lind një pasion i madh, por shpërthimi i luftës dhe kërcënimi i një pushtimi japonez e minojnë lidhjen e tyre. Uili do të jetë i detyruar të niset, duke e lënë Trudin ta përballojë vetëm, dhe shtatzënë, të ardhmen e saj të pasigurt. Dhjetë vjet më vonë, Klara Pendëltoni arrin në Hong Kong dhe gjen punë si mësuese pianoje e Lokit Çenit, vajzë e një çifti të pasur të qytetit. E mësuar me jetën në provincën e përgjumur angleze, Klara joshet shpejt nga shoqëria e lartë dhe nga shkëlqimi i saj, gjersa bëhet, Madamë Bovari e dytë, dashnore e shoferit të shtëpisë, që zbulohet se është po ai, Uili Trusdeli. Por kjo nuk është e vetmja e fshehtë e familjes Çen. Në një kreshendo rrëfyese në sfondin e atmosferave sensuale të Lindjes, Klara do të gjendet e detyruar të zgjedhë, pa mundësi apeli, midis dashurisë dhe sigurisë, midis guximit dhe mbijetesës, midis të tashmes dhe të kaluarës.
Çmimi: 1000 Lekë
titleToAlt
Çmimi: 700 Lekë
titleToAlt
Lajla, një vajzë e vogël 5 vjeçare, zhduket në një qendër tregtare të Los Anxhelosit. Prindërit e saj, të thyer, të vrarë shpirtërisht ndahen nga njëri-tjetri. Pesë vjet më vonë, vajza gjendet pikërisht në të njëjtin vend ku kishte humbur. Ajo është gjallë, por e zhytur në një heshtje dhe mister të thellë. Lumturisë së gjetjes së saj i shtohen shumë pikëpyetje: Ku kishte qenë Lajla gjatë gjithë kësaj kohe? Me kë? Dhe sidomos, përse u kthye?...
Çmimi: 1000 Lekë
Të gjitha të drejtat e rezervuara. © 2015 Librari Albania