titleToAlt
Adriana, të dua. E kuptoj se mund të të duket absurde dhe vetëm prej pak kohësh kam filluar ta ndiej, por kjo është e vërtetë. Nuk kam ndërmend të të ngus, dhe, nëse nuk është çasti më i përshtatshëm, unë jam gati të të pres. Të lutem, mos e kundërshto propozimin tim që në nisje, lërmë një dritare hapur! I shqiptoi këto fjalë si duke psherëtirë; mandej, duke mos arritur ta mbante veten, e puthi. Në momentin e parë, Adriana u përpoq t'i rezistonte, por pak çaste më pas u lëshua në krahët e tij, duke e ndier se edhe ajo, pak e nga pak, po dashurohej. Jo, nuk mundem! Nuk ishte e drejtë! Ishte pa frymë dhe, kur Billi u shkëput, ajo ndiente ankth. I buzëqeshi duke ia bërë sssssss dhe i preku buzët me majën e gishtave. "Tashmë jam i rritur dhe di të përballem me njerëzit. Mos ki frikë se më turbullon nga ana emocionale. Mund të pres deri sa të mbarojë gjithçka me Stivenin.
Çmimi: 1400 Lekë
titleToAlt
Në krahët e tij Slloun ndihej ngrohtë dhe e qetë, sikur të ndodhej në një pallto me astar gëzofi. Duket sikur qëndruan një shekull të tërë të përqafuar në atë mënyrë, zemrat e tyre rrihnin me të njëjtin ritëm, pasioni u shtohej nga çasti në çast. Pastaj ai e ngriti kokën dhe ia kapi buzët. Dëshira vlonte te Karteri. Për një hop sikur ngriu, pastaj gjuha e tij depërtoi te goja e saj. Nga gjoksi i Medisonit u shkëput një rënkim shtaze, gjuhët e tyre u gërshetuan dhe ata po pinin me lakmi nektarin e buzëve të njëri-tjetrit.
Çmimi: 800 Lekë
titleToAlt
Ndodhia e trishtë e Luiza Gredgraundit dhe e të atit është një nga rrëfimet më të bukura të treguara ndonjëherë nga Dikensi. Tomas Gredgraundi, si shumë prej bashkëkohësve të tij, ka kryer gabimin trashanik ngaqë Filozofinë e të Dhënave e ka ngritur në shkallën e faktit, teori që duhet të drejtojë jetën patjetër. Pikërisht ky lloj idealizmi e verbon të shohë thelbin e qenies së njerëzve që e rrethojnë, me pasoja të tmerrshme. Vetëm kur e bija, Luiza, e zënë në kurthin e një martese pa dashuri, bie pre e një joshësi bjerraditës, i ati shtrëngohet të rishikojë teorinë e fakteve dhe bindjet që e kanë drejtuar në jetë. Kohë të vështira është një prej romaneve që shënojnë pjekurinë artistike të Çarls Dikensit, një makineri bluese ku përzihen elementet e veprës së tij me një fund që ka karakterin e një përralle. Vendosur në Lankashir, zemra e një sistemi fabrikash deri diku të reja, rrëfenja është portretizim i industrisë së mesit të shekullit të 19-të të Anglisë. Dikensi komenton regjimin e ashpër dhe rutinën mekanike që zbatohen me forcë mbi punëtorët dhe shtresat e tjera të shoqërisë nga Revolucioni Industrial.
Çmimi: 1400 Lekë
titleToAlt
Dmitri ia nguli sytë Ketrinës, por ajo po ashtu i shmangej vështrimit të tij. Ajo shihte ngado, por vetëm në drejtim të tij jo. Po ç'po ndodhte me të? Ai nuk e kish parë Ketrinën pothuajse një vit. Një vit! Dhe tani luftonte me fuqitë e fundit me impulsin këmbëngulës që ta rrokte në krahët e tij. Dhe vetëm të mendosh pikërisht ajo e ndryshoi temën e bisedës kur Dmitri u përpoq t'i thoshte se e dashuronte atë! Po asaj aq i bënte. Me të vërtetë asaj aq i bënte!
Çmimi: 1200 Lekë
titleToAlt
Fejt, endej pyllit duk vështruar sipër dritën e diellit, të përthyer tek kurorat e blerta të pemëve dhe mendonte se aroma më e mrekullueshme i përkiste Grej Rujardit. Ndjenjën e fshehtë ndaj tij, Fejt e ruante thellë në zemrën e saj vajzërore. Nuk arrinte ta takonte shpesh Grejin - së largu, natyrisht, - gjatë ardhjeve të tij të herë pas hershme në qytet, po për hir të këtyre çasteve të shkurtra ia vlente të jetonte. Kur deri tek ajo arrinte zëri i tij i burrëror dhe i fortë, Fejt dridhej e tëra nga lumturia. Kurse sot ajo ishte afruar me të aq, sa kishte arritur të ndiente erën dhe aromën e trupit të tij. Madje, më tepër se kaq, ai e kishte prekur atë! Ende Fejt i rrotullohej koka, ndonëse ai çast magjik kishte kaluar tashmë.
Çmimi: 1000 Lekë
titleToAlt
Të duash një burrë që e kalon gjithë jetën në udhëtime, është krejtësisht e mundur. Por të duash një njeri që tërheq drejt vetes si magnet rrezikun, për një gjë të tillë nuk është e aftë çdo grua. Policët, zjarrfikësit, naftëtarët, të gjithë këta kanë profesione të rrezikshme. Por të paktën ata jetojnë hapur, nuk fshihen nga askush. Ata ekzistojnë në botën reale. Ndërsa Xhoni gjithmonë shtiret, luan rolin e domosdoshëm për të kryer detyrën e radhës. Ai gati e ka humbur vetveten dhe gjithë kohës fshihet nën emrin e tjetërkujt. Ajo nuk do ta marrë vesh nëse është gjallë apo ka vdekur, dhe, në qoftë gjallë, nëse do të kthehet tek ajo apo jo. Ajo nuk mund të dashurojë kështu. Po as nuk mund të jetojë kështu.
Çmimi: 800 Lekë
titleToAlt
Xheremia Thërston ka krijuar i vetëm një perandori financiare, duke u bërë një prej njerëzve më të pasur të Amerikës. Kur martohet me Kamilën, një vajzë shumë e re dhe tepër joshëse, ai nuk kërkon vetëm dashurinë, por edhe një grua, me të cilën të ngrejë një dinasti të madhe e të fuqishme. Për të dhe për trashëgimtarët ndërton një pallat princor, i cili shndërrohet në një përmendore të shpresave të humbura dhe ëndrrave të thyera e ku brez pas brezi do të shtrohet shpesh pyetja, nëse lumturia mund të blihet vërtet me para.
Çmimi: 1600 Lekë
titleToAlt
Nga dhoma e Kezias nuk vinte as zhurma më e vogël. S'kishte as dhjetë minuta që ishte shtrirë në divan, por ndihej tepër i tensionuar dhe nervoz për të marrë një sy gjumë. Ishte sikur të kishte folur, biseduar, diskutuar ditë të tëra. Frika e tij më e madhe ishte se mos e trembte deri në atë pikë sa ta detyronte të ikte, të bënte ndonjë veprim të gabuar që ta detyronte t'ia përplaste në fytyrë derën e zemrës dhe të shpirtit të saj. Ja pse ishte atje i shtrirë në atë divan dhe u mjaftua vetëm ta puthte në njërën faqe. Kezia nuk ishte prej atyre grave, të cilave mund t'u vërsulesh vrullshëm. Njerëz të tillë humbasin që përpara se të sulmojnë. Por gjatë një nate, ama, ata përshkuan një rrugë shumë të gjatë. Duhej të kënaqej vetëm me kaq.
Çmimi: 1200 Lekë
titleToAlt
Si të shkoi dita sot, shpirt? Argëtohej çmendurisht kur e ngacmonte, duke i hedhur batuta, duke e pickuar, duke e marrë hopa, duke e gudulisur në gushë, duke e joshur sa herë që ajo kthehej nga puna. Sa ndryshe ishte kur ndodhej në zyrë, e zënë deri në grykë me punë! Herë pas here, Endrju kalonte andej për ta përshëndetur, por ajo mbante një qëndrim aq serioz dhe të qetë sa gati e kishte trembur! Endrju e puthi në qafë dhe ajo ndjeu të fërgëllonte.
Çmimi: 1400 Lekë
titleToAlt
Çfarëdo që të ndodhë mes nesh, do të jetë e drejtë, Daff. Unë e ndiej këtë. Mund të martohesha me ty që tani dhe e di se do të jetë e drejtë për ne, për aq sa na ka mbetur nga jeta. Një gjë e tillë ndodh vetëm një herë në jetë. Dhe nuk dua që të më ikë kjo. Nëse do të kundërshtosh, do të vihëm nga pas deri atëherë sa të bindesh. Sepse unë kam të drejtë dhe e di këtë Fare mirë. Asaj i pëlqente pesha e dorës së tij, ndjesia e prekjes, e kënaqte aroma e tij mashkullore. Ishte një përzierje e fortë e parfumit, qimeve, ajrit të pastër dhe e duhanit. Ai edhe në paraqitje dukej në përputhje me gjithçka: si një burrë i fuqishëm, tërheqës. i cili gjithë jetën e ka kaluar mes pyjeve dhe maleve.
Çmimi: 1400 Lekë
titleToAlt
Katër oficerë të Mbretit, me ndihmën e Klubit Bestion dhe Sinsters, luftojnë që të rrëzojnë një armik të rrezikshëm dhe të fitojnë dashurinë e të dashurave të tyre të zemrës. Gereth Hemiltoni çuditet kur në anijen e tij dallon Emili Ensuorthin. Veladoni i hollë që ajo kishte hedhur mbi krye, nuk mjaftonte që të mbulohej prej tij, apo prej burrit që kërkonte ta vriste. Gerethi kupton që Kobra e Zezë po i ndjek, dhe në mënyrë që të mbrojë Emilin, e lejon të bëhet pjesë e një komploti të rrezikshëm. Emili Ensuorthi nuk është aspak një lule delikate. Ajo e dinte që pakoja në dorëzim përmbante informacion të rëndësishëm dhe ka si qëllim që të jetë në duar të sigurta. Por gjithashtu kërkon që të sjellë para drejtësisë burrat që duan ta vrasin. Së bashku me Gerethin përpiqen që ta tërheqim si karrem Kobrën e Zezë dhe ta demaskojnë, dhe ndërkohë përpiqen që dashuria e tyre e sapolindur të çelë...
Çmimi: 1500 Lekë
titleToAlt
Në thellësitë e ujërave oqeanike u zhduk "Titaniku" i pambytshëm, duke marrë me vete jetët e qindra udhëtarëve. Atë natë të tmerrshme Eduina Uinfilld humbi prindërit dhe të fejuarin. Për shumë vite atë e mundonte një pyetje; pse e ëma kishte parapëlqyer të vdiste së bashku me të shoqin, duke lënë jetimë gjashtë fëmijë. Vetëm kur më në fund vetë Eduinës i lind një dashuri e madhe, e kupton të ëmën dhe e fal.
Çmimi: 1400 Lekë
titleToAlt
Lizi dhe Xheku janë një çift i martuar prej vitesh, me pesë fëmijë, që kanë ditur gjithnjë ta ndajnë jetën private nga ajo e punës, shpesh e rënduar, sepse ata janë avokatë për divorcet. Të dy janë të njohur për profesionalizmin dhe ngarkesën e tyre, por shtëpia në Rrugën e Shpresës përfaqëson për të gjithë një ishull lumturie. Derisa një ditë, mëngjesin e Krishtlindjeve, Xheku hidhet një vrap në studio, dhe zhduket përgjithmonë. Në një çast Lizi humbet të shoqin e adhuruar, babain e dashur, bashkëpunëtorin e shkëlqyer. Por ajo është një grua që di të vlerësojë mrekullitë e vogla dhe të besojë te të mëdhatë.
Çmimi: 1200 Lekë
titleToAlt
Historia magjike zhvillohet në shtëpinë e verimit, ku zonja misterioze Madame Zoya ka përshëndetur vizitorët e saj. Tani, të tre gratë kanë ardhur në këtë vend të veçantë për një arsye të përbashkët: një e kaluar e dhimbshme që ato do të donin ta ndryshonin. Emi, e cili fsheh një histori të dhimbshme pas një martese dhe jete familjare të përsosur në dukje, ndërsa Faith, një vejushë rreth të tridhjetave, e cila mban zi për një përson të takuar vite më parë dhe Zoi, një artiste e cila pas një ngjarje traumatike ka humbur memorien. Me fuqitë e saj mistike, Madame Zoya dhe motra e saj Primrose v endosin të transportojnë tre gratë në Anglinë e shekullit të tëmbëdhjetë për të ndryshuar prejardhjen e Emit. Në fund secila bëhet ajo që dëshirontë të bëhëj.
Çmimi: 1000 Lekë
titleToAlt
Pasioni u ndez shpejt, ashtu si flaka nga era. Ai e puthte me afsh që ta bindte, t'ia prishte mendjen, ta joshte. Delia u flashk gjithë epsh në krahët e tij. Ajo i ngriti duart, ia mbështolli qafën me to dhe iu përgjigj duke e puthur me zjarr. Teksa i jepej me tërë trupin, edhe bota e Dellit u mbyll. U përqendrua tek ajo, e cila iu ngjesh me besim dhe sinqerisht. Pasi mbylli sytë dhe tërhequr kokën mbrapa, pas çdo goditje të zemrës Delia thithte fuqinë mashkullore të saponjohur, ndiente se si duart e fuqishme kërkonin linjat dhe përthyerjet e figurës së saj, duke e eksituar, por pa e detyruar aspak. Dell dëgjonte frymëmarrjen e shtruar të së dashurës, ndiente me kënaqësi ngrohtësinë e trupit të saj.
Çmimi: 1000 Lekë
titleToAlt
"Të Mërguarit" nuk është një dramë mbi tradhëtinë, të njëmendtë apo të dyshuar, autori i "Portretit të artistit në rini" nuk do t'na paraqesë diçka kaq banale; nuk është një duel mes Riçard Rouanit dhe Robert Hendit për të zotëruar Bertën. Në skenën kulminante njëri i thotë tjetrit: "Një duel për shpirtrat tanë, ashtu të ndryshëm siç janë, kundër gjithçkaje që ata dhe bota ka të gënjeshtërt. Një betejë e shpirtit tënd kundër fantazmës së besnikërisë, e shpirtit tim kundër fantazmës së miqësisë."
Çmimi: 700 Lekë
titleToAlt
Labirinti është një Gral i Shenjtë për lexuesi ku legjenda, feja, histioria, e shkuara dhe e tashmja përzihen në një përrallë emocionuese që ë luan zemrën nga vendi. Një roman inteligjent dhe i këndshëm gjetjeje dhe humbjeje, i gjerë deri në bujari në tematikën e tij historike dhe fare personal në detajet e tij të ëmbla. Një gjëegjëzë me thellësi dhë forcë frymëgjatë.
Çmimi: 1000 Lekë
titleToAlt
Emile Bouin është i sigurtë se gruaja e tij ka helmuar Joseph-in, maçokun e tij. Margarita nuk e kish dashur kurrë kafshën misterioze të burrit. Ajo do vetëm papagallin e saj. Dhe pas gjetjes së trupit të maces së ngordhur në bodrum, radhën e ka papagalli. Një buqetë me pupla shumëngjyrëshe të gjakosura në vend të trëndafilave është “dhurata” e zotërisë Bouin për dasmën e tij. Lufta është shpallur, në heshtje, me urrejtje, hamendje e trillime rreth e rrotull. Urrejtja do ta ndajë çiftin e vjetër të martuar vonë, apo do i bashkojë më shumë se kurrë?
Çmimi: 800 Lekë
titleToAlt
Historia e dashurisë më të madhe e kohës sonë, historia e Skarletë O'Harës dhe e Ret Batlerit. Libri i Margaret Miçëllit është një nga romanet më të bukura që janë shkruar ndonjëherë. Ai është përkthyer në më shumë se 40 gjuhë të botës, dhe tirazhi i tij ka kapur shifrën prej dhjetëra milionë kopjesh të shitura. Sot, rreth një shekull pas botimit të parë, arritjet e tij janë të pakrahasueshme, dhe mbetet një nga sagat amerikane më të dashura që është shkruar ndonjëherë...
Çmimi: 1000 Lekë
titleToAlt
I vendosur në Jugun e Shteteve të Bashkuara, pas periudhës së Luftës Civile, romani “Bashkë me Erën” pa dritën e botimit në vitin 1936, kur kujtimi i kësaj ngjarjeje të përgjakshme ishte ende i gjallë në ndërgjegjen e shumë amerikanëve. Skarletë O'Hara, gruaja e re tekanjoze dhe e pacipë, protagonistja e romanit, i përballon mundimet me shpirt pushtueseje; e pa zonja, po ashtu si populli i vet i Jugut «për të njohur disfatën edhe kur e ka para syve», nxiton të shkojë drejt të ardhmes duke menduar se «tek e fundit, nesër është ditë e re ». Shoqëria amerikane e cila po e merrte veten nga kriza e thellë ekonomike që pat filluar pas rënies së bursës, në vitin 1929, e priti me entuziazëm të paparë romanin e lartpërmendur, duke e radhitur këtë - madje edhe falë ekranizimit të paharrueshëm që iu bë romanit - mes klasikëve të letërsisë bashkëkohore. Historia e dashurisë më të madhe e kohës sonë, historia e Skarletë O'Harës dhe e Ret Batlerit. Libri i Margaret Miçëllit është një nga romanet më të bukura që janë shkruar ndonjëherë. Ai është përkthyer në më shumë se 40 gjuhë të botës, dhe tirazhi i tij ka kapur shifrën prej dhjetëra milionë kopjesh të shitura. Sot, rreth një shekull pas botimit të parë, arritjet e tij janë të pakrahasueshme, dhe mbetet një nga sagat amerikane më të dashura që është shkruar ndonjëherë...
Çmimi: 1000 Lekë
titleToAlt
Një herë e një kohe Edeni, një vajzë shume e bukur, e talentuar dhe çapkëne, i kishte të tëra; ajo ishte njera nga këngëtaret më të suksesshme në Mbretërinë e Bashkuar dhe Yll i industrisë së muzikës Pop. Por, vetëm dy vjet pas një turi tepër të suksesshëm, Edeni e humb famën që ka pasur dhe fillon të njihet me shume për vesin e të pirit dhe sjelljet e saj inatcore e të pacipa. E dëshpëruar nga e gjithë kjo dhe me deshirën për t'u kthyer në jetën e mëpareshme, Edeni i hyn punës për krijimin e një albumi të ri, me kengë të shkruara nga kompozitori i suksesshëm Xhek Still, i cili e tërheq tmerrësisht, duke e shtyrë të bëj gjëra që s'i do. Pastaj krejt papritur, asaj i kërkojnë të marrë pjesë në Jurinë e një konkursi talentesh të reja në TV; Bond Ambition. Kjo është ajo ç'ka i duhet Edenit, ndaj ajo është e vendosur që të mos i prish gjërat kësaj radhe. Mirëpo, ndërkohë, ajo bie në dashuri me Stivin, njërin nga djemtë e Talent Shoë-t, çka s'ështeë ide fort e mirë. Por Edeni gjithmonë ka ndjekur zërin e zemrës dhe është e bindur se Stivi është njeriu i duhur i jetës së saj. Mos vallë ajo rend pas një tjetër dashurie të dështuar...? Le ta ndjekim këtë histori kaq të bukur, argëtuese dhe bashkëkohore...
Çmimi: 1150 Lekë
titleToAlt
Është viti 1861. Hervé Joncour është një tregtar francez i krimbave të mëndafshit, i cili merr rrugën nëpër botë për të gjetur vezët e tyre si perla. Kur një epidemi kërcënonte të shkatërrojë tregtinë e mëndafshit në Francë, Joncour largohet nga gruaja e tij dhe shtëpia e tij e ngrohtë në një qytezë të vogël të Lavilledieu dhe udhëton nëpër Siberi, përtej së njohurës, në një vend legjendar për nga cilësia e mëndafshit dhe për nga armiqësia ndaj të huajve: në Japoni, për të marrë vezë për shumimin e krimbave të mëndafshit. Japonia është e mbyllur për të huajt dhe ky do të jetë një operacion klandestin. Këtu Joncour takon një grua. Ata nuk preken, as që flasin. Dhe ai nuk mund ta lexojë letrën që ajo ia dërgon, derisa të kthehet në shtetin e tij. Por, në momentin që e lexon atë, Joncour magjepset. “As që ia dëgjova zërin ndonjëherë. Është një pikëllim i çuditshëm. Të vdesësh nga nostalgjia për diçka që asnjëherë nuk do ta përjetosh” thotë ai. Se si lidhja e tyre e fshehtë zhvillohet, rrëfehet në një tregim të bukur e të butë, njëlloj sikurse një copë e mëndafshit. Një stil tërë vesk e farfuritje i thur eklogat e tekstit, si të ishin këngë të një poeme. E mbi të gjitha një stil plot forcë sinteze, aq i kursyer, sa të kujton tarifat e telegramit, ato çastet e thellimit kur njeriu kërkon të shprehë sa më tepër në një sipërfaqe sa më të vogël, sepse çdo fjalë ka çmimin e saj.
Çmimi: 500 Lekë
titleToAlt
Në fillim të viteve gjashtëdhjetë, në një pyll që rrethon një qytezë të vogël në Bavari, ku vetëm në dukje mbizotëron paqja, ndodh një dramë e llahtarshme, që mbulohet shpejt nga sekreti dhe heshtja. Pol Marloja është një adoleshent francez, që rri te një miku i tij në Gjermani. Aty njihet me Klarën, vajzën e një ish-mjeku të Vermahtit. Fëmijë të paqes, ata e kuptojnë se "krismat e luftës" përhapen në atmosferën në dukje të qetë të kohës së tyre. Luftëra që duket sikur kanë mbaruar, luftëra që ndodhin dhe që nuk janë kurrë të largëta. Por vitet kalojnë. Klara bëhet fotografe dhe Poli skulptor. Sa më shumë largohen, aq më shumë ndiejnë tërheqje ndaj njëri-tjetrit, ndërsa rrugët e tyre herë bashkohen e herë ndahen. Të tjerë personazhe hyjnë në jetët e tyre: Maks Kunci, profesor i filozofisë dhe ish-ushtar në luftën e Algjerisë; Filiber Dodi, artist vetmitar, që jeton në Verkor; apo Zhana, një grua e urtë dhe shumë energjike. Roman i luftës, roman i dashurisë, meditim mbi të keqen, mbi artin dhe lumturinë." E qeshura e gogolit", është historia e të gjitha këtyre jetëve të vëna përballë dykuptimësisë dhe egërsisë së shekullit.
Çmimi: 500 Lekë
titleToAlt
Ndihesha sikur isha zënë në kurth, në një nga ato makthet e tmerrshme, në të cilat duhet të vraposh, të vraposh sa të mbetesh e pafrymë, por trupi yt nuk mundet të lëvizë mjaftueshëm shpejt. Këmbët e mia dukej sikur ecnin gjithnjë e më ngadalë teksa çaja përpara nëpër turmën e pashpirt, por akrepat në kullën gjigante të sahatit nuk ngadalësoheshin. Me forcë të papërmbajtshme e moskokëçarëse ata drejtoheshin pa u ndalur drejt fundit, fundit të gjithçkaje. Por nuk ishte ëndërr, dhe ndryshe nga makthi, unë nuk po vrapoja për jetën time; po rrekesha të shpëtoja diçka, që ishte pafundësisht më e çmuar. Sot jeta ime nuk kishte asfare rëndësi. Për Bela Suanin ka vetëm diçka më të rëndësishme se vetë jeta: Eduard Kulleni. Por, të dashurosh një vampir është shumë më e rrezikshme nga ç'mund ta kishte menduar Bela. Sakaq, Eduardi e ka shpëtuar Belën nga kthetrat e një vampiri të rrezikshëm. Por, tani që lidhja e tyre përbën rrezik për çka është e shtrenjtë për ta, ata kuptojnë se telashet vetëm sa kanë filluar. Mijëra lexues, të mahnitur nga bestselleri i Neë York Times,” Muzgu”, mezi po presin vazhdimin e historisë së dy të dashuruarve, Belës dhe Eduardit. Te “Hëna e Re”, Stephenie Meyer paraqet një tjetër rrëfim të parezistueshëm, ku romanca ndërthuret me suspancën. Pasionant, gozhdues dhe me plot degëzime e kthesa të papritura, kjo sagë dashurie vampirësh është në rrugën e duhur për t'iu bashkuar letërsisë së pavdekshme.
Çmimi: 1250 Lekë
Të gjitha të drejtat e rezervuara. © 2015 Librari Albania